Alma

Buku ya Mormon

Makambo oyo ezali kati ya buku
Boyingisi mpe Matatoli
1 Nefi
2 Nefi
Yakobo
Enosa
Jarom
Omini
Maloba ya Mormon
Mosiya
Alma
Elamani
3 Nefi
4 Nefi
Mormon
Etele
Moroni

Alma

Mokapo 1
Newolo ateyi malongi ya lokuta, asali eklezia, akotisi poloso ya banganga, mpe abomi Gideona—Newolo abomami mpo na mabe na ye—Poloso ya banganga mpe bonyokoli epanzani na kati ya bato—Banganganzambe bamisalisi, bato babateli babola, mpe eklezia efuluki. Penepene na mibu 91–88 Liboso na mbotama ya Klisto.
Mokapo 2
Amalisi aluki kozala mokonzi mpe aboyami na kopona ya bato—Balandi na ye bakomisi ye mokonzi—Baamalisi basali etumba etali Banefi mpe balongami—Balamani mpe Baamalisi basangisi mampinga mpe balongami—Alma abomi Amalisi. Penepene na mobu 87 Liboso na mbotama ya Klisto.
Mokapo 3
Baamalisi bamiti elembo engebene na maloba ya masakoli—Balamani balakelami mabe mpo na botomboki na bango—Bato nde bamemaka bolakeli mabe na bango moko likolo na bango moko—Banefi balongi limpinga mosusu ya Balamani. Penepene na mibu 87–86 Liboso na mbotama ya Klisto.
Mokapo 4
Alma abatisi nkoto ya babongwami—Mabe makoti na Eklezia, mpe bokoli ya Eklezia ekangemi—Nefiya aponami mosambisi mokonzi—Alma, lokola nganganzambe monene, amipesi na mosala. Penepene na mibu 86–83 Liboso na mbotama ya Klisto.
Mokapo 5
Mpo na kozwa lobiko, bato basengeli koyambola mpe kobomba mitindo, kobotama lisusu, kosukola bilamba na bango na makila ya Klisto, komikitisa mpe komilongola uta na lolendo mpe elulela, mpe kosala misala ya bosembo—Mobateli Malamu abiangi bato na Ye—Baoyo basalaka misala mabe bazali bana ya zabulu—Alma atatoli bosolo ya malongi na ye mpe atindi bato koyambola—Nkombo ya basembo ekokomama na buku ya bomoi. Penepene na mobu 83 Liboso na mbotama ya Klisto.
Mokapo 6
Eklezia na Zalayemila esukwami mpe etiami na molongo—Alma akey na Gideona mpo na koteya. Penepene na mobu 83 Liboso na mbotama ya Klisto.
Mokapo 7
Klisto akobotama na Malia—Akofungola singa ya liwa mpe akomema masumu ya bato na Ye—Bango oyo bayamboli, babatisami, mpe babombi mitindo bakozala na bomoi ya seko—Bosoto ekoki te kosangola libula ya bokonzi ya Nzambe—Bomikitisi, bondimi, elikya, mpe bolingani esengelami. Penepene na mobu 83 Liboso na mbotama ya Klisto.
Mokapo 8
Alma ateyi mpe abatisi bato na Meleki—Alma aboyami na Amoniya mpe alongwe—Anjelu atindi ye azonga mpo na kobelela boyamboli epayi ya bato—Ayambami na Amuleki, mpe nyonso mibale bateyi na Amoniya. Penepene na mobu 82 Liboso na mbotama ya Klisto.
Mokapo 9
Alma atindi bato ya Amoniya bayambola—Nkolo akotondisama na boboto mpo na Balamani na mikolo ya nsuka—Soki Banefi batiki pole, bakobebisama na Balamani—Mwana ya Nzambe akoya kala mingi te—Akosikola bango oyo bokoyambola, bakobatisama, mpe bakozala na bondimi na nkombo na Ye. Penepene na mobu 82 Liboso na mbotama ya Klisto.
Mokapo 10
Lehi abotamaki uta na Manase—Amuleki asangeli etinda ya anjelu ete abatela Alma—Sambo ya basembo esali ete bato babikisama—Balobeli mpe basambisi bazangi bosembobatie moboko ya bobebisami ya bato. Penepene na mobu 82 Liboso na mbotama ya Klisto.
Mokapo 11
Libongisi ya mosolo ya Banefi esalemi—Amuleki aweli na Zezilomi—Klisto akobikisa bato kati na masumu na bango te—Bobele baoyo bakosangola libula ya bokonzi ya lola nde bakobikisama—Bato nyonso bakosekwa na bozangi kufa—Ezali na liwa te nsima ya Bosekwi. Penepene na mobu 82 Liboso na mbotama ya Klisto.
Mokapo 12
Alma azali koloba na Zezilomi—Mibombamo ya Nzambe ekoki kopesama bobele na bandimi ya sembo—Bato bakosambisama na makanisi, boyambi, maloba, mpe misala na bango—Bato ya nkuna bakoyoka mpasi ya liwa ya molimo—Bomoi oyo ya kufa ezali ntango yoko ya momekano—Mwango ya bosikoli ekosala ete bosekwi esalema mpe, na nzela ya bondimi, bolimbisi ya masumu—Moto oyo ayamboli azali na bosenga na boboto na nzela ya Mwana Mobotami se Moko. Penepene na mobu 82 Liboso na mbotama ya Klisto.
Mokapo 13
Bato babiangami lokola banganganzambe banene na ntina ya bondimi koleka na bango mpe na ntina ya misala na bango ya malamu—Basengeli kolakisa mitindo—Na nzela ya bosembo basantisami mpe bakoti kati na bopemi ya Nkolo—Melikisedeki azalaki moko kati na bato oyo—Banjelu bazali kosakola nsango ya nsai epayi nyonso na mboka—Bakobimisa boyei ya solo ya Klisto. Penepene na mobu 82 Liboso na mbotama ya Klisto.
Mokapo 14
Alma mpe Amuleki bakangemi na boloko mpe babetami—Bandimi mpe makomi masantu na bango batumbami na moto—Bamartiru oyo bayambami na Nkolo kati na nkembo—Bifelo ya boloko bipasuki mpe bikwei—Alma mpe Amuleki bakangolami mpe banyokoli na bango babomami. Penepene na mibu 82–81 Liboso na mbotama ya Klisto.
Mokapo 15
Alma mpe Amuleki bakei na Sidomi mpebatie eklezia yoko—Alma abikisi Zezilomi, oyo akangani na Eklezia—Mingi babatisami, mpe Eklezia efuluki—Alma mpe Amuleki bakei na Zalayemila. Penepene na mobu 81 Liboso na mbotama ya Klisto.
Mokapo 16
Balamani babebisi bato ya Amoniya—Zolami akambi Banefi na elonga likolo ya Balamani—Alma mpe Amuleki mpe mingi basusu bateyi liloba—Balakisi ete nsima ya Bosekwi na Ye Klisto akomonana epayi ya Banefi. Penepene na mibu 81–77 Liboso na mbotama ya Klisto.
Mokapo 17
Bana mibali ya Mosiya bazali na molimo ya masakoli mpe emoniseli—Bakei na banzela na bango ebele mpo na kosakola liloba epayi ya Balamani—Amona akey na mboka ya Yisamaele mpe akomi mosali ya mokonzi Lamoni—Amona akangoli bitonga ya mokonzi mpe abomi banguna na ye na mai ya Sebu. Milongo ya kotanga 1–3, penepene na mobu 77 Liboso na mbotama ya Klisto; molongo ya kotanga 4, penepene na mibu 91–77 Liboso na mbotama ya Klisto; mpe milongo ya kotanga 5–39, penepene na mobu 91 Liboso na mbotama ya Klisto.
Mokapo 18
Mokonzi Lamoni abanzi ete Amona azali Molimo Monene—Amona ateyi mokonzi mpo na oyo etali Bokeli, lolenge ya kosala ya Nzambe elongo na bato, bosikoli boye ekoya na nzela ya Klisto—Lamoni andimi mpe akwei na mabele lokola soki akufaki. Penepene na mobu 90 Liboso na mbotama ya Klisto.
Mokapo 19
Lamoni azwi pole ya bomoi ya libela mpe amoni Mosikoli—Baye ya ndako na ye bakwei na ezaleli ya botutuki, mpe mingi bamoni banjelu—Amona abatelami na lolenge ya likamwisi—Abatisi mingi mpe atii eklezia na kati na bango. Penepene na mobu 90 Liboso na mbotama ya Klisto.
Mokapo 20
Nkolo atindi Amona na Midoni mpo na kokangola bandeko na ye bandimi baoyo bakangamaki na boloko—Amona mpe Lamoni bakutani na tata ya Lamoni, oyo azali mokonzi likolo ya mboka mobimba—Amona asengisi mokonzi oyo azalaki mobange andima kotika bandeko na ye. Penepene na mobu 90 Liboso na mbotama ya Klisto.
Mokapo 21
Alona ateyi Baamaleki oyo etali Klisto mpe Bomikabi na Ye—Alona mpe bandeko na ye babwakami na boloko na Midoni—Nsima ya bokangoli na bango, bateyi na basinagoga mpe basali babongwami mingi—Lamoni apesi bonsomi ya eyamba na bato ya mboka ya Yisamaele. Penepene na mibu 90–77 Liboso na mbotama ya Klisto.
Mokapo 22
Alona ateyi tata ya Lamoni na ntina ya Bokeli, Bokwei ya Adama, mpe mwango ya bosikoli na nzela ya Klisto—Mokonzi mpe baoyo ya ndako na ye nyonso babongwani—Bokaboli ya mboka kati na Banefi mpe Balamani elimbolami. Penepene na mibu 90–77 Liboso na mbotama ya Klisto.
Mokapo 23
Bonsomi ya eyamba bosakolami—Balamani baoyo bazali na mboka mpe bingumba sambo babongwani—Bamibiangi Anti-nefi-lehi mpe bazwi bonsomi uta na bolakeli mabe. Baamaleki mpe Baamuloni baboyi bosolo. Penepene na mibu 90–77 Liboso na mbotama ya Klisto.
Mokapo 24
Balamani bayei kobunda na bato ya Nzambe—Bato ya Anti-nefi-lehi basepeli na Klisto mpe babimelami na banjelu—Baponi koyoka mpasi ya liwa na esika ya komibatela—Balamani mingi babongwani. Penepene na mibu 90–77 Liboso na mbotama ya Klisto.
Mokapo 25
Etumba ya Balamani epanzani—Nkona ya banganganzambe ya Noa bakufi lokola Abinadi asakolaki—Balamani mingi babongwani mpe basangani na bato ya Anti-nefi-lehi—Bandimi Klisto mpe babateli mobeko ya Mose. Penepene na mibu 90–77 Liboso na mbotama ya Klisto.
Mokapo 26
Amona akembeli Nkolo—Basembo balendisami na Nkolo mpe bapesami boyebi—Na bondimi bato bakoki komema nkoto na nkoto ya bato na boyamboli—Nzambe azali na nguya nyonso mpe asosolaka makambo nyonso. Penepene na mibu 90–77 Liboso na mbotama ya Klisto.
Mokapo 27
Nkolo atindi Amona kokamba bato ya Anti-nefi-lehi na bokengi—Likolo ya bokutani na Alma, bosepeli ya Amona elembisaki bokasi na ye—Banefi bapesi Baanti-nefi-lehi mboka ya Yesoni—Babiangami bato ya Amona. Penepene na mibu 90–77 Liboso na mbotama ya Klisto.
Mokapo 28
Balamani balongami na ebakata ya etumba yoko—Nkoto zomi babomami—Bato ya nkuna batindami kozala na ezaleli moko ya lisuma ezanga nsuka; basembo bakomi na esengo moko oyo ekosuka soki moke te. Penepene na mibu 77–76 Liboso na mbotama ya Klisto.
Mokapo 29
Alma azali na mposa ya kobelela boyamboli na mpila ya banjelu—Nkolo apesi balakisi mpo na bikolo nyonso—Alma akembeli na mosala ya Nkolo mpe na elonga ya Amona mpe bandeko na ye. Penepene na mobu 76 Liboso na mbotama ya Klisto.
Mokapo 30
Koliyolo, motelemeli Klisto, atioli Klisto, Bomikabi, mpe molimo ya masakoli—Ateyi ete Nzambe azalaka te, bokwei ya moto te, etumbu mpo na lisumu te, mpe Klisto te—Alma atatoli ete Klisto akoya mpe biloko nyonso bilakisi ete Nzambe azali—Koliyolo asengi elembo mpe akomi baba—Zabulu abimeli Koliyolo lokola anjelu mpe alakisi ye nini koloba—Koliyolo aniatami na nse mpe akufi. Penepene na mibu 76–74 Liboso na mbotama ya Klisto.
Mokapo 31
Alma akambi etinda moko mpo na kozongisa bapengwi ya Bazolami na nzela—Bazolami bawangani Klisto, bandimi makanisi ya lokuta mpo na oyo etali boponami, mpe bakumbameli na kosalelaka sambo esalema kala—Bamisionele batondisami na Molimo Mosantu—Mpasi na bango emelami mpenza na bosepeli uta na Klisto. Penepene na mobu 74 Liboso na mbotama ya Klisto.
Mokapo 32
Alma ateyi babola baoyo kani mitungisi ekomisi bango bato na bomikitisi—Bondimi ezali elikya na oyo emonanaka te kasi ezali solo—Alma atatoli ete banjelu basalelaki mibali, basi, mpe bana—Alma ameki liloba na nkona—Esengeli ewa nama mpe eleyisama—Nsima ekokoma nzete moko uta na oyo wapi mbuma ya bomoi ya seko ekobukama. Penepene na mobu 74 Liboso na mbotama ya Klisto.
Mokapo 33
Zenosi ateyi ete bato basengeli kosambela mpe kokumbamela Nzambe na bisika nyonso, mpe ete masambisi masukisami na ntina ya Mwana—Zenoki ateyi ete boboto epesami na ntina ya Mwana—Mose atombolaki na esobe elilingi yoko ya Mwana ya Nzambe. Penepene na mobu 74 Liboso na mbotama ya Klisto.
Mokapo 34
Amuleki atatoli ete liloba ezali na Klisto mpo na lobiko—Longola se soki bomikabi esalemi, bato nyonso basengeli kowa—Mobeko mobimba ya Mose ezali kobenda bokebi na mbeka ya Mwana ya Nzambe—Mwango ya seko ya bosikoli efandisami likolo ya bondimi mpe boyamboli—Sambela mpo na mapamboli ya ntango mpe ya molimo—Bomoi oyo ezali ntango mpo na bato kolengela kokutana na Nzambe—Sala mpo na lobiko na bino na bobangi liboso ya Nzambe. Penepene na mobu 74 Liboso na mbotama ya Klisto.
Mokapo 35
Mateya ya liloba ebebisi bikelakela ya Bazolami—Babengani babongwami, baoyo basanganaki na bato ya Amona na Yesoni—Alma ayoki mawa na ntina ya nkuna ya bato. Penepene na mobu 74 Liboso na mbotama ya Klisto.
Mokapo 36
Alma atatoli na Elamani bobongwami na ye nsima ya komona anjelu—Ayoki mpasi ya bolozi ya molimo oyo ekweyisami; abiangaki likolo ya nkombo ya Yesu, mpe abotamaki na Nzambe—Bosepeli ya sukali etondisaki motema na ye—Amonaki mangomba ya banjelu kokumisaka Nzambe—Babongwami mingi bameki mpe bamoni lokola emekaki mpe emonaki ye. Penepene na mobu 74 Liboso na mbotama ya Klisto.
Mokapo 37
Bapalaki ya motako mpe makomi mosusu ebatelamaki mpo na komema milimo na lobiko—Bayelede babomamaki na ntina ya nkuna na bango—Ndai mpe mayokani na bango ya nkuku esengeli kobombama uta na bato—Zwa toli elongo na Nkolo na misala na bino nyonso—Lokola Liawona ekambaki Banefi, bongo liloba ya Klisto eekokamba bato na bomoi ya seko. Penepene na mobu 74 Liboso na mbotama ya Klisto.
Mokapo 38
Sibiloni anyokwamaki mpo na ntina ya bosembo—Lobiko ezali na Klisto, oyo azali bomoi mpe pole ya mokili—Bokonza bamposa na bino nyonso. Penepene na mobu 74 Liboso na mbotama ya Klisto.
Mokapo 39
Lisumu ya bosangisi nzoto ezali bonsomo—Masumu ya Koliantoni mapekisaki Bazolami koyamba liloba—Bosikoli ya Klisto esali na lolenge ya bozongeli nsima na kobikisaka basembo oyo bazalaki yambo na yango. Penepene na mobu 74 Liboso na mbotama ya Klisto.
Mokapo 40
Klisto asali ete bosekwi ya bato nyonso esalema—Basembo baoyo bakufa sembo bakokende na paladiso mpe bato ya nkuna na molili ya libanda mpo na kozela mokolo ya bosekwi na bango—Na Bosekwi biloko nyonso bikozongisama na lolenge na yango ya malamu mpe ya bobongi nie. Penepene na mobu 74 Liboso na mbotama ya Klisto.
Mokapo 41
Na Bosekwi bato bakobima na ezalela moko ya esengo ezanga nsuka soki te ya mpasi ezanga nsuka—Nkuna ekozala esengo soki moke te—Bato ya mosuni bazali bato bazanga Nzambe na mokili—Na Bozongisi moto na moto akozwa lisusu bilembo mpe bizalela oyo azalaki na yango na bokufi. Penepene na mobu 74 Liboso na mbotama ya Klisto.
Mokapo 42
Bokufi ezali ntango ya komekama mpo na kopesa moto makoki ya koyambola mpe kosalela Nzambe—Bokwei ya Adama ememaki liwa ya ntango mpe liwa ya molimo likolo ya bato nyonso—Bosikoli ekoya na nzela ya boyamboli—Nzambe Ye moko amikabi mpo na masumu ya mokili—Boboto ezali mpo na bango oyo bayamboli—nyonso basusu bayangelami na boyengebene ya Nzambe—Boboto ekoya na ntina ya Bomikabi—Bobele bayamboli ya solo nde bakobikisama. Penepene na mobu 74 Liboso na mbotama ya Klisto.
Mokapo 43
Alma mpe bana mibali na ye bateyi liloba—Bazolami mpe bakabwani ya Banefi basusu bakomi Balamani—Balamani bakomi kobunda etumba na Banefi—Moroni apesi Banefi bibundeli ya bobatelami—Nkolo abimisi epayi ya Alma mayele ya etumba ya Balamani—Banefi babateli bipayi na bango, lipanda, mabota, mpe eyamba na bango—Mampinga ya Moroni mpe Lehi mazingi Balamani. Penepene na mobu 74 Liboso na mbotama ya Klisto.
Mokapo 44
Moroni atindi Balamani kosala liyokani moko ya kimia soki te babomama—Zelayemina aboyi likanisi yango, mpe etumba ebandi lisusu—Mampinga ya Moroni malongi Balamani. Penepene na mibu 74–73 Liboso na mbotama ya Klisto.
Mokapo 45
Elamani andimi maloba ya Alma—Alma asakoli bobebisami ya Banefi—Apamboli mpe alakeli mboka mabe—Alma akokaki kokamatama likolo na Molimo, kutu lokola Mose—Bokabwani bokomi na Eklezia. Penepene na mobu 73 Liboso na mbotama ya Klisto.
Mokapo 46
Amalikia asali ekokolo mpo na kozala mokonzi—Moroni atomboli bendele ya lipanda—Asangisi bato mpo na kobatela eyamba na bango—Bandimi ya solo babiangami Baklisto—Montika ya nkona ya Yosefe ekobatelama—Amalikia mpe bakabwani bakimi na mboka ya Nefi—Bango oyo balingaki te kosunga ntina ya bonsomi babomami. Penepene na mibu 73–72 Liboso na mbotama ya Klisto.
Mokapo 47
Amalikia asaleli bozimbi, bobomi, mpe poloso mpo na kokoma mokonzi ya Balamani—Banefi baoyo bakabwanaki bazali bato ya nkuna mpe ya loma koleka Balamani. Penepene na mobu 72 Liboso na mbotama ya Klisto.
Mokapo 48
Amalikia asengini Balamani kobunda na Banefi—Moroni alengeli bato na ye mpo na kobatela ntina ya Baklisto—Asepeli na lipanda mpe bonsomi mpe azali moto ya Nzambe moko ya makasi. Penepene na mobu 72 Liboso na mbotama ya Klisto.
Mokapo 49
Balamani eyaki bango kokamata mboka bakokaki te kokamata bingumba bitongama makasi ya Amoniya mpe Noa—Amalikia alakeli Nzambe mabe mpe alapi komela makila ya Moroni—Elamani mpe bandeko na ye bakobi kolendisa Eklezia. Penepene na mobu 72 Liboso na mbotama ya Klisto.
Mokapo 50
Moroni alendisi bamboka ya Banefi—Batongi bingumba mingi ya sika—Etumba mpe bobebisami ekweyeli Banefi na mikolo na bango ya nkuna mpe bonsomo—Moliantoni mpe bakabwani na ye balongami na Teakumi—Nefiya akufi mpe mwana mobali na ye Pawolani akamati kiti ya bosambisi. Penepene na mibu 72–67 Liboso na mbotama ya Klisto.
Mokapo 51
Bato ya mokonzi baluki kobongola mobeko mpe kotia mokonzi—Pawolani mpe bato-nsomi basungami na kopona ya bato nyonso—Moroni asengisi bato ya mokonzi kobatela ekolo na bango soki te kotiama na liwa—Amalikia mpe Balamani bakangi bingumba mingi oyo ezalaki bisika makasi—Teakumi abengami kokota mpo na kokamata mboka na Balamani mpe abomi Amalikia kati na ema na ye. Penepene na mibu 67–66 Liboso na mbotama ya Klisto.
Mokapo 52
Amoloni akitani Amalikia lokola mokonzi ya Balamani—Moroni, Teakumi, mpe Lehi bakambi Banefi na etumba moko ya elonga likolo ya Balamani—Engumba ya Muleke ezwami lisusu, mpe Yakobo Mozolami abomami. Penepene na mibu 66–64 Liboso na mbotama ya Klisto.
Mokapo 53
Basaleli Balamani oyo bazalaki bakangemi na boloko mpo na koyeisa engumba ya Beboo makasi—Bokabwani na kati ya Banefi epesi elonga ya Balamani—Elamani akomi komanda ya nkoto mibale ya bilenge bana mibali ya bato ya Amona. Penepene na mibu 64–63 Liboso na mbotama ya Klisto.
Mokapo 54
Amoloni mpe Moroni basololi mpo na bokabolani ya bato ya boloko—Moroni asengi ete Balamani balongwa mpe batika bitumba na bango ya kobomaboma—Amoloni asengi ete Banefi balalisa na nse manduki na bango mpe bakoma bayangelami na Balamani. Penepene na mobu 63 Liboso na mbotama ya Klisto.
Mokapo 55
Moroni aboyi kokabolana bato ya boloko—Bakengeli ya Balamani basenginiami mpo na kokoma balangwi, mpe bato ya boloko Banefi bakangolami—Engumba ya Gidi ekamatami na kozanga bosopi makila. Penepene na mibu 63–62 Liboso na mbotama ya Klisto.
Mokapo 56
Elamani atindi mokanda epayi ya Moroni, kosangelaka lisusu ezalela ya etumba na Balamani—Atipusi mpe Elamani bazwi elonga monene likolo ya Balamani—Nkoto mibale ya bana mibali ya Elamani babundi na nguya ya kokamwa, mpe moko te kati na bango abomami. Molongo ya kotanga 1, penepene na mobu 62 Liboso na mbotama ya Klisto; milongo ya kotanga 2–19, penepene na mobu 66 Liboso na mbotama ya Klisto; mpe milongo ya kotanga 20–57, penepene na mibu 65–64 Liboso na mbotama ya Klisto.
Mokapo 57
Elamani asangeli bokamati ya Atipala mpe bomitiki mpe nsima bobateli ya Kumeni—Bilenge na ye ya Baamoni babundi lokola bilombe; mpe nyonso bazokisami, kasi moko te abomami—Gidi ayebisi nsango ya bobomi mpe bokimi ya Balamani bato ya boloko. Penepene na mobu 63 Liboso na mbotama ya Klisto.
Mokapo 58
Elamani, Gidi, mpe Teomina bakamati mboka ya Mati na mayele—Balamani balongwe—Bana mibali ya bato ya Amona babatelami lokola batikali ngwi na bobateli ya lipanda mpe bondimi na bango. Penepene na mibu 63–62 Liboso na mbotama ya Klisto.
Mokapo 59
Moroni asengi Pawolani kolendisa basoda ya Elamani—Balamani bakamati engumba ya Nefiya—Moroni asiliki na mbulamatari. Penepene na mobu 62 Liboso na mbotama ya Klisto.
Mokapo 60
Moroni amileli epayi ya Pawolani mpo mbulamatari azali kotala mampinga mpamba—Nkolo apesaka nzela ete basembo babomama—Banefi basengeli kosalela nguya mpe nzela na bango nyonso mpo na komibikisa uta na banguna na bango—Moroni akaneli kobunda na mbulamatari longola se soki lisalisi epesami na mampinga na ye. Penepene na mobu 62 Liboso na mbotama ya Klisto.
Mokapo 61
Pawolani ayebisi Moroni mpo na oyo etali eyoma mpe botomboki na mbulamatari—Bato ya mokonzi bakamati Zalayemila mpe basali likita elongo na Balamani—Pawolani asengi lisalisi ya basoda mpo na kobunda na batomboki. Penepene na mobu 62 Liboso na mbotama ya Klisto.
Mokapo 62
Moroni atamboli mpo na kosalisa Pawolani na mboka ya Gideona—Bato ya mokonzi baoyo baboyi kobunda mpo na kobatela ekolo na bango babomami—Pawolani mpe Moroni bakamati lisusu Nefiya—Mingi ya Balamani basangani na bato ya Amona—Teakumi abomi Amoloni mpe abomami mpe lokola—Balamani Babenganami uta na mboka, mpe kimia efandisami—Elamani azongi na mosala mpe atongi Eklezia. Penepene na mibu 62–57 Liboso na mbotama ya Klisto.
Mokapo 63
Sibiloni mpe nsima Elamani bazwi masolo ya makomi ya bule—Banefi mingi basali mobembo na mboka epayi na nordi—Agoti atongi masuwa, oyo enani na mbu ya westi—Moroniya alongi Balamani na etumba. Penepene na mibu 56–52 Liboso na mbotama ya Klisto.