1 Sikawa esalemaki ete na mobu ya ntuku misato ya boyangeli ya basambisi likolo ya bato ya Nefi, esilaki Moroni kozwa mpe kotanga mokanda ya Elamani, asepelaki mpenza na ntina ya bolamu, iyo, elonga koleka oyo Elamani azwaki, na kozwaka bamboka oyo ebungaki.

2 Iyo, mpe asalaki ete eyebana epayi ya bato na ye nyonso, na mboka mobimba nzinganzinga mpembeni na ndambo mpe na wapi azalaki, ete bakoka kosepela lokola.

3 Mpe esalemaki ete atindaki sasaipi mokanda moko epayi ya Pawolani, mpe azalaki na mposa ete asangisa bato esika moko mpo na kolendisa Elamani, soki te mampinga ya Elamani, na lolenge ete akoka na mpasi te kosimba eteni wana ya mboka oyo alongaki kozwa lisusu na lolenge ya kokamwa.

4 Mpe esalemaki ete etindaki Moroni mokanda oyo na mboka ya Zalayemila, abandaki lisusu kosala mwango moko ete akoka kozwa ndambo etikali ya bozwi na bango mpe bingumba oyo Balamani bakamataki uta na bango.

5 Mpe esalemaki ete wana ezalaki Moroni boye komilengela mpo na kokende kobunda etumba na Balamani, tala, bato ya Nefiya, oyo basanganaki elongo uta na engumba ya Moroni mpe engumba ya Lehi mpe engumba ya Moliantoni, babundisamaki na Balamani.

6 Iyo, kutu bango oyo basengisamaki mpo na kokima uta na mboka ya Mati, mpe uta na mboka nzinganzinga mpembeni, bayaki mpe basanganaki na Balamani na eteni oyo ya mboka.

7 Mpe lokola bazalaki boye na motango monene koleka, iyo, mpe lokola bazwaki bokasi mokolo na mokolo, na etinda ya Amoloni babelemaki mpo na kobunda na bato ya Nefiya, mpe babandaki koboma bango na bobomi monene koleka.

8 Mpe mampinga na bango ezalaki na motango monene mpenza ete ndambo etikali ya bato ya Nefiya basengelaki kokima liboso na bango; mpe bayaki kutu mpe basanganaki na limpinga ya Moroni.

9 Mpe sikawa lokola ebanzaki Moroni ete esengelaki kotinda bato na engumba ya Nefiya, mpo na kosalisa bato ete basimba engumba, mpe lokola ayebaki ete ezalaki petepete mingi kobatela engumba uta na bokwei kati na maboko ya Balamani koleka kokamata yango lisusu uta na bango, ye abanzaki ete bakosimba na mpasi te engumba wana.

10 Boye abatelaki basoda na ye nyonso mpo na kosimba bisika wana oyo abotolaki.

11 Mpe sikawa, emonaki Moroni ete engumba ya Nefiya ebungaki ayokaki mawa mingi koleka, mpe abandaki kokoma na ntembe, na ntina ya nkuna ya bato, soki ekozala ete bakokweya te kati na maboko ya bandeko na bango.

12 Sikawa ezalaki bongo na bakapiteni bakonzi nyonso na ye. Bakomaki na ntembe mpe bakamwaki lisusu na ntina ya nkuna ya bato, mpe oyo na ntina ya elonga ya Balamani likolo na bango.

13 Mpe esalemaki ete Moroni asilikaki na mbulamatari, mpo batalaki mpamba likambo etali bonsomi ya ekolo na bango.