මාසික ලියහෝනා පණිවිඩය, 2021 මාර්තු

සක්‍රමේන්තුව ගන්නා ලෙස යේසුස් ක්‍රිස්තුස්වහන්සේ අපෙන් ඉල්ලා සිටි සේක

සෑම සතියකම අපගේ ගැලවුම්කරුවාණන්ව අප සිහිපත් කරන බැවින් අපව පවිත්‍ර කර සුව කරනු ලැබේ.

අවසාන රාත්‍රී භෝජනය

කාර්ල් හෙන්රිච් බ්ලොච් විසින්, අවසාන රාත්‍රී භෝජනය

යේසුස් ක්‍රිස්තුස්වහන්සේ මිය යාමට පෙර අන්තිම රාත්‍රී භෝජනය නමින් අන්තිම ආහාර වේලක් උන්වහන්සේ අනුභව කළ සේක. මෙම ආහාරය අවසානයේ උන්වහන්සේ තම අනුගාමිකයන්ට සක්‍රමේන්තුව හඳුන්වාදුන් සේක. උන්වහන්සේ පාන් කඩා ආශිර්වාද කළ සේක. “මා සිහිකිරීම පිණිස මෙය කරන්න,” උන්වහන්සේ කීවේය (ලූක් 22:19). ඉන්පසු උන්වහන්සේ ආශිර්වාද කර වයින් කෝප්පයක් බෙදාගත් සේක.

පවුලක් සක්‍රමේන්තුව ලබාගනිමින්

සතිපතා නමස්කාරයේ කොටසක්

යේසුස් ක්‍රිස්තුස්වහන්සේගේ සභාව නැවත පොළොවේ පිහිටවූ විට, සක්‍රමේන්තුව සතිපතා නමස්කාරයේ කොටසක් බවට පත්විය. සභාවේදී, පූජකත්වය දරන්නන් විසින් මෙම සක්‍රමේන්තුව ආශිර්වාද කර බෙදාදෙනු ලැබේ. ඔවුන් ශුද්ධලියවිලි වල වචන භාවිතා කරමින් යාච්ඤා කරයි (බලන්න මොරෝනි 4; 5). එවිට යේසුස් ක්‍රිස්තුස්වහන්සේවත් එමෙන්ම අප වෙනුවෙන් උන්වහන්සේගේ පරිත්‍යාගය සිහිකිරීමටත්, උන්වහන්සේ අපෙන් ඉල්ලූ ලෙස, සභාවේ සෑම පුද්ගලයෙකුම පාන් අනුභව කර ජලය පානය කරති.

තරුණ කාන්තාවක් යාච්ඤා කරමින්

ඡායාරූපය ඇන්ජෙලා සූටර් විසිනි

සහභාගී වීමට සූදානම් වෙමින්

සක්‍රමේන්තුව ගැනීමට සූදානම් වීමට නම්, අපගේ ජීවිත හා තේරීම් ගැන අපි අවංකව සිතා බැලිය යුතුය. දෙවියන්වහන්සේගෙන් සමාව ඉල්ලා සිටීම ඇතුළුව, පසුගිය සතියේ සිදුවූ වැරදි සහ පව් ගැන අප පසුතැවිලි විය යුතුය. සක්‍රමේන්තුව ගැනීමට අප පරිපූර්ණ විය යුතු නැත, නමුත් අපගේ හදවත් නිහතමානී විය යුතුය.

ගෙත්සෙමෙනෙහි යාච්ඤාව

ඩෙල් පාර්සන් විසින්, ගෙත්සෙමෙනෙහි යාච්ඤාව

පාන් සහ ජලයට වඩා වැඩියෙන්

සක්‍රමේන්තුව ගැනීම පූජනීය, ශුද්ධ වූ කාලයකි. සක්‍රමේන්තු යාච්ඤා අපට මතක්කර දෙන්නේ අප පාන් සහ ජලය ලබාගන්නා විට, අපි යේසුස් ක්‍රිස්තුස්වහන්සේ අප වෙනුවෙන් දුන් ශරීරය හා රුධිරය සිහිපත් කරන බවයි. අපි උන්වහන්සේව අනුගමනය කර ක්‍රිස්තියානි ජීවිතයක් ගතකිරීමට පොරොන්දු වෙමු. දෙවියන්වහන්සේගේ ආඥා පිළිපැදීමට උත්සාහ කරන බවට අපි පොරොන්දු වෙමු. ඊට ප්‍රතිචාර වශයෙන් ශුද්ධාත්මයාණන්වහන්සේ අපව සනසයි, මගපෙන්වයි, සුව කරයි.

බව්තිස්මය

ගිවිසුම් අලුත් කිරීම

බව්තීස්ම වූ අප ශුද්ධ වූ හදවතකින් සක්‍රමේන්තුව ගත්විට, බව්තීස්මයේදී අප කළ ගිවිසුම අපි අලුත් කරන්නෙමු. ශුද්ධාත්මයාණන්වහන්සේව ලැබීම සහ අප නැවත බව්තීස්ම වූවාක් මෙන් පාපයෙන් පවිත්‍ර වීම මෙයට ඇතුළත් වේ. යේසුස්වහන්සේ අප සෑම කෙනෙකුටම දෙන බලාපොරොත්තුව හා දයාව එයයි. පසුතැවිලි වී සමාව ලබාගැනීමට කිසිවිටෙකත් ප්‍රමාද නැත.

යේසුස් ක්‍රිස්තුස්වහන්සේ නෙපිවරුන්ට සක්‍රමේන්තුව හඳුන්වාදෙමින්

ගැරී එල්. කැප් විසින්, නුඹලා සෑමවිටම මා සිහිකරන පිණිසය, පිටපත් නොකළ යුතුය

සක්‍රමේන්තුව ගැන ශුද්ධලියවිලි පවසන්නේ කුමක්ද?

සක්‍රමේන්තුව ගැනීමට පෙර අප ආත්මිකව, අවංකව අභ්‍යන්තරය දෙස බැලිය යුතුය (1 කොරින්ති 11:28 බලන්න).

උන්වහන්සේ මරණයෙන් නැවත නැගිටි පසු, යේසුස්වහන්සේ අමෙරිකාවේ වෙසෙන තම සෙනඟට සක්‍රමේන්තුව ගත යුතු ආකාරය පෙන්වාදුන් සේක (3 නෙපි 18 බලන්න).

නූතන අනාගතවක්තෘවරුන් අපට පවසා ඇත්තේ සක්‍රමේන්තුව සඳහා පාන් සහ ජලය භාවිතා කරන ලෙසයි, නමුත් අප කන හෝ බොන දේ ඇත්තෙන්ම වැදගත් නොවේ (දහම සහ ගිවිසුම් 27:2 බලන්න). සමහර අවස්ථා වල අසාත්මිකතා ඇති අයට පාන් වැනි වෙනත් ද්‍රව්‍යයක් භාවිතා කිරීමට අවශ්‍ය වේ.

© 2021 by Intellectual Reserve, Inc. All rights reserved. අමෙරිකා එක්සත් ජනපදයේ මුද්‍රණය කර ඇත. ඉංග්‍රීසි අනුමැතිය: 6/19. පරිවර්තන අනුමැතිය: 6/19. Monthly Liahona Message, March 2021 හි පරිවර්තනයකි. Sinhala. 17464 408

The Last Supper, by Carl Heinrich Bloch; photograph of young woman praying by Angela Suitter; Prayer at Gethsemane, by Del Parson; That Ye Do Always Remember Me, by Gary L. Kapp, may not be copied