“Yoeg Yesus Kristus Ngodaed ni ngaed Feked fare Sacrament,” Liahona, March 2021
Milwol ko Liahona ni ngan Thapeg ko, January 2021
Yoeg Yesus Kristus Ngodaed ni ngaed Feked fare Sacrament
Ran be’ech min golnag daed ko ngiyal’ ni gadaedra lemnag fare Tathapeg ni gubin e wik.
Fare Bin Tomur e Abich, yib rok Carl Heinrich Bloch
Umm’on ni yim’, Yesus Kristus e yibi tay ba abich ni kanoeg fare Bin Ntomur e Abich ngay. Tomuren e re abich ney, me fal’ag fare sacrament ni fan Ngak fapi gachalpen. Me t’et’ar ba flowa me yibliy. “Um rin’ed e ren’ey ngi i pugurag ngomed,” ni ke Yoeg (Luke 22:19). Me yibliy ba kap i wayne me pii’ ngoraed.
Ka Bang ko Rogon e Tayfan
Napan ni fulweg yarmen fare Galasia rok’ Yesus Kristus nga fayleng, fare sacrament a mang bang ko rogon ni yima tayfan. Ngiyal’ ko missa, fare sacrament e kan yibliy me pii’ e gidii’ ni bay fare priesthood roraed. Yaed be yibliy ni woed rogon ni bay ulan e thin nib thothup (mu guy ko Moroni 4; 5). Ma aram ni gubin fapi gidii’ ni bay ulan fare mu’ulung ni bay kayed fare flowa nga fare rran ni be yipfan Yesus Kristus nge fare gafgow ni tay ni fan ngodaed, ni woed rogon ni fith ngodaed ni ngaed rrin’ed.
Ba sasing ni yib rok Angela Suitter
Fal’ag Rogoy ni Ngan Fek fare Sacrament
Umm’on ni ngan fek fare sacrament, thingar da tafney niged e yafos rodaed nge pin’en ni kaed rrin’ed. Thingar da kalngaen’ gaed ko pi kireb nge denen ni kan rrin’ ko binem e wik nike thumur, nib mu’un e wenig ngay ngak Got ni nge n’agfan rodaed. Dani tu’uf ni ngaed polo’ gaed umm’on ni ngan fek fare sacrament, machane thingari par nib sobut’ laniyaen’ daed.
Meybil ko farengi milaey’ nu Gethsemane ni yib rok Del Parson
Gathi Kemus ni Bangi Flowa nge Bu’uw i Rran
Fek e sacrement e ngiyal’ ko thothup, nge ngiyal’ ko liyoer. Meybil ko sacrament e be pugoren ngodaed napan ni gadaedra fek fare flowa nge fare rran, ma aram ni gadaed be tafney nag downgin nge racha’en Yesus Kristus ni pii’ ni fadaed. Kad micheged ni gadaedra leak magdaed par ni gadaed Pi gidii’en. Kad micheged ni gadaedra gay rogon ngan fol ko fapi Motochiyel rok’ Got. Ma ra fulweg, ni ra pii’ ngodaed fare Kan ni Thothup rok’ ni nge ayuweg daed, powi’iy daed, me golnag daed.
Be’ech Nag Fapi M’ag
Gidii’ ni kan mu’ i tawfe nag e napan nra fek fare sacrament nib polo’ i gum’ircha’en, ma aram ni yibe be’ech nag fare m’ag ni kan tay ko tawfe. Biney ab mu’un fare thapeg ko Kan ni Thothup ngay nge be’ech nigey ko denen ni woed ni kan tawfe nigey biyay. Irraray fare athap nge murunguy ni pii’ Yesus ngodaed ni gubin. Dariy bi’id nra saga’al ni ngan kalngaen’uy min n’ag fan e denen.
Ni Gubin Ngiyal’ ma Thingar mu Ted Gag u Wun’med, yib rok Gary L. Kapp, dabiyag ni ngan fek ya’an
Mang e ma yoeg e thin nib Thohup ni mornga’agen e Sacrament?
Thingar da sap gaed ngodaed ko rogon e thothup, ni gadaed be sap ko pi ngongol nge urngin rodaed, u mm’on ni ngan fek fare sacrament (mu guy ko 1 Corinthians 11:28).
Tomuren ni Foskoyam’, me dag Yesus rogon ngak fapi gidii’ nu Mariken rogon ni fek fare sacrament (mu guy ko 3 Nephi 18).
Profet ni chiney e ke yoeg ngodaed ni ngaed fanayed e flowa nge rran ni fan ko sacrament, machane n’en ni gadaed ra kay fa un’um e dani tu’uf ni nge ta’areb rogon (mu guy ko Doctrine and Covenants 27:2). Ya boech i ngiyal’ ma bay e gidii’ nib kireb dow ko be’ech e flowa ere btu’uf ni nge yon’ reb nga lowan nib thil.
© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Milwol ni Ngan Thapeg ko Monthly Liahona Message, March 2021. Yapese. 17464 905
Fare Bin Ntomur e Abich, yib rok Carl Heinrich Bloch; ba sasing ni ya’an bee’ ni bpin nibe meybil ni yib rok Angela Suitter; Meybil ko farengi milaey’ nu Gethsemane, ni yib rok Del Parson; Ni Gubin Ngiyal’ ma Thingar mu Ted Gag u Wun’med, yib rok Gary L. Kapp, dabiyag ni ngan fek ya’an