1 Baʼaray rogon yalen ni fapi elder nge priests roraed nra yibliyed ngar piiʼed doewngin nge rachaʼen Kristus ngakʼ e pi chon e galasia; ra yibliyed ngar piiʼed u rogon e pi motochiyel rokʼ Kristus; ere gimed manang nib riyulʼ e biney e yalen; ere elder ara priest e gagyeg nag—

2 Ere rragbug gaed nga butʼ ni yaed e pi chon e galasia, ngar meybil gaed ngakʼ e en Chitamangiy u fithingan Kristus, me lungraed:

3 A Got, ni Chitamangiy ni Gubinfen, gamaed be ning ngom u fithingan Fakam, i Yesus Kristus, ni ngam thothupeg mag tay angin e gi flowa ney ngakʼ e yaʼal rok gubin e piʼin ni ngar kayed; ni ngar kayed me yib uran ngoraed doewngin Fakam, mar micheged ngom, A Got, ni Chitamangiy ni Gubinfen, nib mʼagaenʼraed ngay ni ngar feked fithingan Fakam nga dakeanraed, ma nge gubin e ngiyalʼ me yib uran ngoraed, mar fol gaed ko pi motochiyel rokʼ ni ke piiʼ ngoraed, ni nge yog ni paer fare Kan ni Thothup rokʼ roraed ni gubin e ngiyalʼ. Amen.