Fare Babyor ku Jarom

1 Chiney e musap gaed, gag, Jarom, e gu yoloey buchʼuw e thin ni rogon ni motochiyel nag e chitamag ngog, i Enos, ni nge yog nni chaʼariy e chep ni morngaʼagen e thaʼ romaed.

2 Ma bachan e tiney e plates e ba achichig, nge bachan e pinnʼey e kan yoloey ni kan tafnaey nag ni fan ngakʼ pi walagmaed ni fapi Lamanites, ere, rib tʼuf ni nggu yoloey buchʼuw; machane dab gu yoloey e pinʼen ni gube prophesy nag, ara pi yiʼiy rog. Ya mang e kubay ni gura yoloey nib gaʼfan ko tin ni ke yoloey e chitamag? Ya gathi kar yiʼiy niged fare woʼen e thap? Gube gaʼar ngomed, Arragon; ma biney e ba gaman u wunʼug.

3 Musap gaed, rib tʼuf ni ngan muguʼuliy boʼor banʼen u fithikʼ e pi gidiiʼ ney, ni bachan e ʼelʼel u gumʼirchaʼraed, nge baling u tel raed, nge maʼew u laniyaenʼ raed, nge ʼelʼel u laniyaenʼraed; yug aram rogon machane, be runguyraed Got, ma ke madaʼ ko chiney ma dawori chuweg raed u dakean farengi nam.

4 Ma bay nib yoʼor u fithikʼ daed e piʼin nib yoʼor e yiʼiy ni ke yib ngakʼ, ya de ʼelʼel laniyaenʼraed. Ma oren e piʼin nide ʼelʼel laniyaenʼraed ma bay e mich roraed, mab chugur e thaʼ roraed fare Kan ni Thothup, niʼir e ma dag banʼen ngakʼ e pi gidiiʼ, u rogon e mich roraed.

5 Ere chiney, e musap gaed, lʼagruw miriʼay e duw ni ke yaen, ma fapi gidiiʼ rokʼ Nephi e kar yoʼor ma kar gel gaed u dakean farengi nam. Mar athamgiliyed ngar fol gaed ko fare motochiyel rokʼ Moses mar tayed fare rran rokʼ Somoel nib thothup. Ma darur rinʼed fa roeged e tin nib kireb ara ra nonaed nib togopluw ngakʼ Got. Ere, pi motochiyel ko farengi nam e thingar ni fol riy.

6 Ma arame ra garar gaed u dakean farengi nam, ma ku aram rogon ngakʼ fapi Lamanites. Ma ri yaed ba yoʼor ngakʼ fapi Nephites; ma yaed baʼadag e mathang pogofan nge muʼun rachaʼ ko gamanman.

7 Me yibi buch ni rabaed nib yoʼor yay ngomaed, fapi Nephites, ni mael. Machane pi pilung romaed nge pi mitethin romaed e rib gel e mich roraed ngakʼ fare Somoel; mar filed ngakʼ fapi gidiiʼ fapi yalen rokʼ Somoel; ere, rug gel gaed ko fapi Lamanites mug chuweged raed u dakean e pi binaw romaed, ma arame gu tabab gaed i noemow nag lan e binaw romaed, ara ginʼen ni bang ko binaw ni suwmaed.

8 Ma arame rug yoʼor gaed, nggu garar gaed u dakean farengi nam, ma rug falaʼab gaed ko gol, nge silber, nge tin thʼabi felʼ banʼen, nge rean ni rib felʼ rogon ni ngongliy, nge naʼun, nge masin, nge wasey nge copper, nge brass nge steel, nib mite wasey ni yibe ngongliy gubin mit e talin e muruwel ko gubin mit ni nga un ker e butʼ ngay, nge talin e mael—arragon, fapi gane gatʼing nib mʼuthmʼuth, nge tafen, nge sarey nib baʼud, nge sarey ni bay e wasey u taban, nge gubin mite tatlin e mael.

9 Ere bachan e kugu falʼeged rogmaed ni nggu madaʼ gaed fapi Lamanites, ma yaed e defelʼ rograed ni ngar baed ngomaed ko mael. Machane fare thin rokʼ Somoel e ni micheg nib riyulʼ, niʼir e weliy ngakʼ e pi chitamangmaed, ni be gaʼar: u nʼumngin i napʼan ni gimed ra fol ko pi motochiyel rog ma gimed ra monʼog u dakean farengi nam.

10 Me yibi buch ni fapi profet rokʼ Somoel e ra ginnged riy fapi gidiiʼ rokʼ Nephi, ni boed ni ke yoeg Got, ni faʼanra dabra fol gaed ko fapi motochiyel, mar mul gaed nga fithikʼ e ngongol ni kireb, ma bay ni liiʼraed ngan chuwegraed u dakean farengi nam.

11 Ere, fapi profet, nge pi priest, nge pi teacher, e ra muruwel gaed ni rib gel nib fel rogon, ma yaed be ning chilen u fithikʼ e athamgil ngakʼ fapi gidiiʼ ni ngar yulʼyulʼ gaed; ma yaed be fil ngoraed fare motochiyel rokʼ Moses, nge fan, ni aramfan ni kan piiʼ; e ngar pingeged laniyaenʼraed ngar sap gaed nga mʼon ko fare wub ni bayi tay fare Messiah, ma nge michaenʼraed ngakʼ ni boed rogon ni manga bay roraed. Ma ireray rogon ni fil ngoraed.

12 Me yibi buch ni aram rogon ni rrinʼed mar ayuweged raed ngar pired ni da kun liiʼraed u dakean farengi nam; ya rri kurufed e pi gumʼirchaʼ roraed ko fare thin, ma yug yaed be puguran ngoraed e kalngaenʼ.

13 Me yibi buch ni arame ke gaman lʼagruw miriʼay nge guyey nge meruk e duw nʼumngin i napʼan ni ke yaen—ni yigoʼ bay e mael, nge maleʼeg thin, nge togopluw nag e thin nib dake gubin e ngiyalʼ.

14 Ma gag, Jarom, e dab gu yoloey nib yoʼor, ya fapi plates e rib buchʼuw. Machane musap gaed, pi walageg, rayog ni ngam maroed ko fayung nem e plates rokʼ Nephi; ya muguyed, dakean e tinem e bay riy e chep ni morngaʼagen e mael romaed ni kan ker nga dakean, ni rogon e yol ko pi pilung, ara tin nra gagyeg niged ni ngan yoloey.

15 Ma aram mug tay e tiney e plates nga paʼ ba pagael ni fakag i Omni, ni nge yog ni ngan chaʼariy u rogon e pi motochiyel rokʼ e pi chitamag.