“Jesus Christ Gyee Hɛn fii Bɔn nye Owu mu,” Liahona, Ebɔbira 2021
Bosoom Bosoom Liahona Amandzɛɛbɔ, Ebɔbira 2021
Jesus Christ Gyee Hɛn fii Bɔn nye Owu mu
Ɔnam N’afɔrbɔ ntsi, hɛn nyina benya kwan enya onnyiewiei asomdwee na dɛwdzi.
Christ Creating the Earth, (Christ Robɔ Wiadze) Robert T. Barrett yɛɛ nsaano mfonyin.
Yɛfa Jesus Christ dɛ ɔyɛ hɛn Agyenkwa. Ne siantsir nye dɛ otuaa hɛn bɔn ho kaw na Odzii owu no tum do konyim. Ɔgyee hɛn! N’afɔrbɔ ma hɛn, a wɔfrɛ no Werdambɔ no, nye adze a ohia tsitsir a oesi pɛn. Ɔnam Ɔno ntsi, owu nnyɛ ewiei. Ɔnam Ɔno ntsi, yebotum enya hɛn bɔn ho bɔnfakyɛ, hɛn ho atsew bio, na yeenyin yie dabiara.
Nna Jesus Christ yɛ Abakan
Ansaana yɛbɛba asaase do no, nna yɛnye hɛn ɔsor awofo tse. Ɔyɛ Abakan no, Jesus Christ boae ma wɔbɔɔ wiadze fɛɛfɛw yi. Woyii no dɛ Ɔbɛyɛ hɛn Agyenkwa na Ɔgyee too mu dɛ wɔbɔwo no wɔ asaase do ama Oetum ayɛ fasusu a odzi mu, Ɔakyerɛkyerɛ N’asɛmpa, na Oewie Werdambɔ no ama hɛn.
O My Father, ( O M’Egya,) Simon Dewey yɛɛe nsaano mfonyin no
Jesus Christ Tua Hɛn Bɔn ho Kaw
Ber a Jesus hun dɛ Ɔrennkyɛr wu no, Ɔkɔr ture a wɔfrɛ no Gethsemane mu kɔbɔɔ mpaa. Dɛm mpaabɔ ber mu no, Ɔhyɛɛ ase tuaa hɛn bɔn ho kaw. Ne pɛ mu ara ohun amandze amma yennhu amandze—sɛ yenu hɛn ho a. Ber a yɛdan fi hɛn bɔn ho na mbom yedzi Agyenkwa no n’ekyir no, yebotum enya bɔnfakyɛ na ayarsã. Ɔnam dza Ɔfaa mu wɔ Gethsemane no ntsi, mbrɛ hɛn mu kor biara tse no, Jesus tse ase pɛpɛɛpɛr. Ɔtsee hɛn awerɛhow, nyarba, na yaw nyina. Iyi nye Werdambɔ no ne fã a odzi kan.
The Burial of Christ, (Christ No Funsie no) Carl Heinrich Bloch yɛɛ nsaano mfonyin no
Jesus Christ Dzii Owu do Konyim
Ɔbɔɔ Ne mpaa wiei wɔ Gethsemane no, woyii Jesus mae, wɔkyeer no, na wobuu no okumfor wɔ mbeamuduabɔ mu. Nna ɔwɔ mu dɛ Ɔwɔ tum nyina dze, naaso Jesus maa No ho kwan ma owui wɔ mbeamudua no do. N’ekyirdzifo no dze Ne nyimpadua too nda mu. Nna wonnyim dɛ Ne nyimpadua ewu dze, naaso No sunsum da ho tse ase wɔ sunsum wiadze. Ndaansa ekyir, Jesus baa nkwa mu bio na Ɔseraa hɔn, a Ɔkyerɛ dɛ Otum dzi owu do konyim. Iyi wiee Werdambɔ no. Ɔnam dɛ Jesus soɛree no ntsi, hɛn mu kor biara bɛtsena ase bio wɔ owu ekyir.
He Lives (Ɔtse Ase), Simon Dewey yɛɛ nsaano mfonyin no
Borɔnya na Easter ne Nkyerɛasee
Wiadze mu pii na wodzi afe da ebien a ɔboa ma yɛkaa Jesus Christ No Werdambɔ no. Borɔnya ber mu, yɛdze ndaase kaa dɛ Jesus nyaa pɛ dɛ Ɔbɛgye soma dɛ Ɔmbra asaase do no ato mu, mpo dza ɔkã ho dɛ Obohu amandze na Obowu ama hɛn. Easter yɛhyɛ fa wɔ Agenkwa no No konyimdzi wɔ bɔn na owu do, a ɔma hɛn enyidado wɔ ndaama onnyiewiei enyigye ho.
Christ Calling Peter and Andrew, (Christ refrɛ Peter na Andrew) James Taylor Harwood yɛɛ nsaano mfonyin no.
Ebɛn Asɛm na Kyerɛwsɛm no Kã fa Agenkwa no No Werdambɔ no ho?
Osiandɛ Jesus nyim hɛn emudzi mu no ntsi, Obotum aboa hɛn (hwɛ Alma 7:11–12).
Agyenkwa no tse hɛn awerɛhow na yaw ase (hwɛ Isaiah 53:2–5).
Nyankopɔn somaa Jesus ma Ɔbɛgyee hɛn osiandɛ Nyankopɔn dɔ hɛn mu kor biara (hwɛ John 3:16-17).
Jesus bɔɔ mpaa maa N’akadofo, a yɛkã ho, dɛ woenya ahobambɔ efi emumuyɛ ho na yɛnye No na Ɔsor Egya ayɛ kor (hwɛ John 17}
Hɛn Agyenkwa to nsa frɛ hɛn dɛ yendzi n’ekyir na yɛnsan mbra Ne nkyɛn (hwɛ Doctrine and Covenants 19:16–19, 23–24; 132:23).
© 2021 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, April 2021. ne nkyerɛasee. Fante. 17467 502