“Mang e ke rrin’ Fare Tathapeg ni Fan Ngodaed?,” For the Strength of Youth, May 2021.
Mo’olung ko Priesthood
Mang e ke rrin’ Fare Tathapeg ni Fan Ngodaed?
Welthin
Mang e ke rrin’ Fare Tathapeg ni Fan Ngodaed? Ke rrin’ gubin e pi’nen nib ga’fan ko milekag rodaed u fithik e yafos ney nga ba’nen rangad thapeg woed ke weliy ko e wo’en rok Chitimangdaed nu Tharmiy. Gube non mornga’agen aningeg e kenggin ko wo’en nem. …
Foskoyam’ ney e be ayuweg daed ni ngaed nangfaned magdaed athamgil ko pi gafgnow nibay u fayleng nibe yib ngodaed ma kube yib ngak e gidii’ nib tu’uf rodaed. Ma pii’ ngodaed reb e rogon ni ngad ni sapgad ko e gafgow ko dowef, man’aey, fa thamtham rodaed nin gargelnagdaed ma bay riy fa tin nibe buch ko biney e yafos rom u fayleng. Ma pii’ ngodaed e gelngin ni ngan athamgil ko amith ara kirbaen’, oloboch, nge damomuw.
Foskoyam’ ma pii’ ngodaed e ba’adag nib gel’ ni ngad fol ko pi motochiyel rok Got nap’an ngad fos gaed. …
Tathapeg nge Tabayul rodaed ke thamey amith ni dabiyog i weliy rogon ere rayog ni nge mang e maligach nifan e denen roraed pi’in ni ma kalngaen’. Maligach nib bayul ma pii’ ban’en nib thabi mangil, fare saaf ni dariy e ologoch riy, nifan ko gubin e tin kireb, pi denen roraed urngin e feylang. …
… Yesus ke fil ngodaed marunga’gen e kanawo’ ko thap. Wo’en ney ni tay e bu’un fare sunmiy, fan ko yafos, fan ko togopluw, nge tawa’ath ko mel’ig rodaed. Ni ke fil ngodaed fapi motochiyl nge m’ag thingar da folgad nge fapi gam’ing thingar da nanged nira sul’oed nga pi gallibthir nib thothup. …
Tathapegdad ma thamey nge manang e lumel rodad, magawon rodad, amith ko gum’ircha’dad, nge gafgow rodad, bachaen ni ba’adag ni nge thapeg gubin ko Bayul Rok. … Urngin e bee’ ni bay e gafgow thingar mu puguraen ni Somoel ke fek ta’abrogon e amith, nge udakaen e Bayul Rok nima pii’ gelingen ngodad ningad athamgil biney.