Milwol Ngan Thapeg ko Pul ko Liahona Message, May 2021
Kristus Ke Fas Ko Yam’:Michaen’ Ngak Ra Miith a Burey Nib Tolan
Michaen’ ngak Yesus Kristus e ba gaa’ gelingindaed u yafas ney. Ngayoeg urngin e banen fa’an bay e mich.
Pi walageg, Kug falfalaen’ ngay ni nggu non ngomed nap’an e rran ko Madnom ko Easter ney.1 Fare bayul nib maligach nge Faskoyam’ rok Yesus Kristus ke thilyeg urngin e yafos rodad. Ba t’uf rodaed magaed ma liyor ngak’ nge Chitimangdad nu Tharmiy.
Ko lal’ i pul, kad ul’ul’ ni ngad chamgad e m’ar ko fayleng. Kug falflaen’ ni fan e athamgil ma gelingdaed ko ya’el romed ko m’ar, n’ag, nge posnag. Gube meybil ni gubin yal’, u gubin fen, ningam thamiy e t’ufeg Someol ni fanmed. Fa’an kam fulweg e magawon romed u rrogon e gachalpen, fa binem e duw nib gaa’ fan.
Re kakadabul ney, kad motoyilgaed ko boech e tiyugang’ ko Galasia ni kar baed u gubin nam ko fayleng. Arragon, pi taw’ath ko gosepl ba yaen ngak urngin e gidii’, thin, ma ulungi gidii’. Fare Galasia ku Yesus Kristus ni’ir e galasia ko fayleng. Yesis Kristus i’ir e tapowiy’ rodad.
Nib fel’ ni, nap’an e ningyal’ ko m’ar dakiyoeg ninge sasigal’ e mon’og ko tin riyul’. Fare gospel ku Yesus Kristus e tin nib t’uf ko re ningyal’ ko baen, cham, nge mo’owaer e fayleng.
Urngin e bitir ku Got thingari motoyilgaed mar thapeged e golnag, milwol ko thapeg ku Yesus Kristus. Dariy’ reb e milwol nib gaa’ ko faflaen’daed—chiney nge manemus.2 Dariy’ reb e milwol nib gaa’ ko athap. Dariy’ reb e milwol rayog ninge thang e tin puwaen’ ko nam rodad.
Mich ngak Yesus Kristus e bin somm’on e kenggin e yalen ko fare gospel. Ke yoeg fare Apostle Paul, “Dariy be’ nra fel’ u wan’ Got ni fa’anra de mich Got u wan’, ya en nra yib ngak Got e thingari mich u wan’ ni bay Got mra tow’athnag e pi’in yad be gay Got.”3
Urngin e ban’en nib fel’ ko yafas—urngin e taw’ath nib gaa’ fan ko manemus—ba tabab ko mich. Ngad pii’ed Got a gil’ u yafas rodad ra tabab e mich Ninge powiy’nogdaed. Kalngaen’ nib riyul’ ba tabab ko mich ngak Yesus Kristus ni bay gelingin ninge be’echnog, golnag, ma gelnogdaed.4
“Dab mu feked yathin gelingin Got,” ke yoeg fare profet Moroni, “ya ma muruwel u dakean e gelingin, u rogon e mich rok’ e gidii’.”5 I’ir e mich rodad nibe bing e wo’en ngak e gelingin Got u yafas rodad.
Machane, ngongoliy e mich ba rib moem’aw. Boech e ningyal’ gadadba lemnog fa’an rayog ningad gayed e mich ningad thapeged pi taw’ath nib t’uf ngodad. Machane, en Somoel ke golnag pi rus nem udakaen fapi thin u lan fare Babyor ko Mormon profet ni Alma.
Alma ke fith ngodad ningad gay rogon ko pi thin ma “ngongoliy chi yungi mich, arragon, fa’an rayog ning [ngad] ba’adag ningam michaen’.”6 Fare thin “chi yungi mich, ba yoeg ningu sul ngadakaen e micheg rok Somoel u bible ni fa’an bay e “michaen’med ni woed rogon awoch e mustardrayog ningad “chiliyed re burey ney, Chuweg nga nam nib palog; ninge yoeg nira chuweg; ma dariy’ e ban’en ni dabiyoeg ngomed.”7
Somoel ba nang fan e tin mo’owaer rodad. Gadad gubin ba oloboech. Machane Irma nang e tin rayog rodad. Awoch nib mustard ba tabab nib chigchig machane irma mang e gak’iy nib gaa’ nibe paer e archa’ riy’. Awoch nib mustard ba yib fan e michaen’ nib chigchig machane irba gaa’nag.8
En Somoel dani t’uf e michaen’daed nib machaelboeg ninge yoeg ningad thapeged Gelingin nib machaelboeg. Machane Irba fith ningad michaen’daed.
Piwalageg, gube pinningmed nap’an re kakadabul ney ko Easter ningam tababgaed ningam gaa’nag e mich rom. Udakaen e mich romed, Yesus Kristus ra gelnog e rayog romed ningam chuweg e burey u yafas rom,9 arragon e sikeng ko yafas rom ma ta’abrogon e Burey nib Everest.
Pi burey romed e yigo’ gur, muluwaen’, m’aer, fa reb e magowen rom. Pi burey romed e bo’or e mit, machane urngin e fulweg ko sikeng ney ningam gaa’nag e mich rom. Irba t’uf e muruwel. Tafil nib malmal ma gachalpen nib malmal ba gafgow ningar ngongoliy chi yungi mich.
Irba t’uf e muruwel. Ninge yoeg ningam mang e gachalpen nib riyul’ ko Yesus Kristus ba ta’abrogon. Gaa’nag e mich mu pagaen’ Ngak ba t’uf e muruwel. Gube a’dag ningu yoeg lal’ e ban’en nira ayuwegem ningam thapeg e mich ma pagaen’.
Bin somm’on, biy’eg. Mmang e bee’ nib fil. Mu biy’eg pi babyor nib thothup ningam nang fan e muruwel rok Kristus nge machib rok. Mu nang fan e machib rok Kristus ninge yoeg ningam ngongoliy e gelngin u yafas rom. Mu thapeg e tin riyul’ ko e Bayul ku Yesus Kristus ni fanam. Ke fek Ngadkaen e kirebaen’ rom, pi oloboech rom, pi mo’owaer rom nge pi denen rom. Ke pii’ puluwon nib gaa’ make pii’ gelingin ningam chuweg urngin e burey rom. Gara thapeg re gelingin nem udakaen e michaen’, pagaen’, ma laniyaen’ ningam fol Ngak.
Chuweg pi burey ra t’uf e ma’ang’ang. Mnang salprad marunga’gen pi ma’ang’ang. Ra yib e ma’ang’ang ngom me ga’ e mich rom ngak Somoel. Kenginn e mich ningam pagaen’ Ngak laniyaen’ nge ningyal’ Rok—urrogon ma wi’in Nira taw’athnigem ko e ayuw nib ma’ang’ang gaba runguy. Ni mus e mul uwaen’um ra tal’eg Got ninge taw’athnigem ko ma’ang’ang ninge chuweg pi burey u yafas rom.10
Nap’an gara fil marunga’gen e Tathapeg, ra yoeg e tin mom’ ngom ningam pagaen’ ko murnguy Rok, t’ufeg Rok nib manuemus, ma gelging Rok, golnag, ma gelinigin ko bayul. En Tathapeg ba chuweg ngom nap’an gara yaed ko burey udakaen e mich.
Bin la’agruw, me’leg ningam michaen’ ngak Yesus Kristus. Fa’an ba e muluwaen’um ko Got en Chitamangiy fa Fak nib T’uf Rok, fatin riyul’ ko e Sulyarmen fatin riyul’ ko muruwel rok Joseph Smith ni’ir e profet, me’leg ningam michaen’11 ngad athamgiliyed nib michaen’daed. Mog pi duwer ngak Somoel ma reb e rogon nib michaen’. Mu fil udakaen e ba’adag ningam michaen’ damu athapeg ningam piry’eg e oloboch ko yafas ko profet fa oloboech ulan pi babyor nib thothup. Mu ta’leg ningam gaa’nag e muluwaen’um udakaen e sabethin ngak reb e gidii’ nib muluwaen’raed. Mu pii’ tabil’ ngak Somoel ninge powiy’ ngom ko milekag rom.
Bin dalip, ngongoliy ufithik e mich. Mang ngam rrin’ fa’an ba gaa’ e mich rom? Mu lemniged e binem. Mu yoloy e binem. Nge thapeg reb e mich napan ningam rrin’ reb e ban’en nibe t’uf bo’or e mich.
Bin aningeg, mu un pi gam’ing nib thothup ufithik e mat’aw rom. Pi gam’ing ra yoeg e gelingin Got nga yafas rom.12
Nge bin lal’, fith ngak Chitamangdaed nu Tharmiy, udakaen e fithingan Yesus Kristus, ko ayuw.
Mich ba t’uf e muruwel. Thapeg e yi’iy ba t’uf e muruwel. Machane “e piʼin ni yaedra ning, e yira piiʼ ngoraed; ma enra gay, e ra pirʼeg; ma enra tugtuguy e mab, e yira bing ngakʼ.”13 Got ma nang marunga’gen fatin nira gaa’nag e mich rom. Mu fith, ngam fith bayay.
E bee’ dani michaen’ ra yoeg e mich ni fan e gidii’ nib waer. Machane biney e lem ma chigchig nag e gelngin ko mich. Pi apostle rok Tathapeg ra yul’ ningar fil marunga’agen e machib Rok tomuren Ke yim’, nibe yib e kireb nga yafas rorad, fa’an dar michaen’daed Ngak?14 Joseph nge Hyrum Smith ra yim’ ni kar posnogew e Sulyarmen Galasia rok Somoel fa’an dariy’ e m’ag rorow nibe riyul’? Chuchugur ko 2,000 e Gidii’en Got kar m’aed ngakdaken e milekag ko pioneer15 fa’an dar lemniged e gospel ku Yesus Kristus kan fulweged? Arragon, mich i’ir e gelingin nige bing e wo’en ningey yoeg e ban’en ni dabiyoeg.
Damu dariy’ fan e mich rom chiney. Irba t’uf e mich ningam un fare Galasia ngam athamgil ko mich. Irba t’uf e mich ningam fol pi profet ko reb e ban’en fa lem e gidii’, Irba t’uf e mich ningam pigpignog ko mission nap’an e m’aer. Irba t’uf e mich ningam paer nib machaelboeg ulane fayleng nibe tolul e motochiyel ko mabgol rok Got ni dariy’ fan. Irba t’uf e mich ningam fil e gospel ngak e bitir ulane fayleng dabda fol Got. Irba t’uf e mich ningam wenig e yafas ko bee’ nib t’uf ma bo’or e mich ningam thapeg e fulweg ni dabun.
La’agruw e duw faram, Sister Nelson nge gag kug warow nga Samoa, Tonga, Fiji, nge Tahiti. Urngin e nam ney kar awgaed e n’ew ko bo’or e duw. Pi chongin kar balaygaed mar meybilgaed ninge posnag e mo’olung roraed ko n’ew.
U Samoa, Fiji, nge Tahiti, nap’an ke tabab e mo’olung, ke tal’eg e n’ew. Machane u Tonga, dabki tal e n’ew. Machane 13,000 Gidii’en Got nib michaen kar tawgaed mar paered nga chiya’, mar soengaed nap’ane e n’ew, mar mo’olungdaed ko la’agruw e awa u n’ew.
Kug gued e michaen’ nib gaa’ ufithikraed pi gidii’nem—michaen’raed nib fel’ ninge tal’ e n’ew nge michaen’raed ningar athamgiliy nap’an dabki tal n’ew.
Pi burey ko yafas rodad dani chuweg ni gubin yal’ urrogon ni gadadba’adag. Machane e mich rodad ra pii’dad nga somm’on. Mich gubin yal’ ra gaa’nag e gelingin Got ngodaed.
Mu nang fan biney: fa’an urngin e ban’en ma urngin e gidii’ u fayleng ra waer ko pagaen’med, Yesus Kristus ma Galasia rok darma waer. Darma malmal Somoel, ma Darma mol.16 Ni’ir “taba’rogon foplaen’, daba’ ma [gabul].”17 Dabki mo’owaer ko michmicheg Rok,18 Micheg Rok, fa t’ufeg Rok ni fan e gidii’ Rok. Irba ngonogliy e ma’ang’ang daba’ ma irra ngonogliy e ma’ang’ang gabul.19
Mich ngak Yesus Kristus e ba gaa’ gelingindaed u yafas ney. Ngayoeg urngin e banen fa’an bay e mich.20
E mich rom nibe tugul Ngak ra chuweg pi burey—gathi burey nib malong nib fel’ ko fayleng machane pi burey ko kirebaen’ u yafas romed. E mich rom nibe ilal ra ayuwegem ko pi sikeng ninge yoeg e gelingin ma bing e wo’en ngom.
Nap’an e Madnom ko Easter ney, udakaen e thamtham rog ko t’ufeg ma magaer, Gube yoeg e m’ag rog ni Yesus Kristus ke fas ko yam’. Ke fas ko yam’ nima powiy’ e Galasia Rok. Ke fas ko yam’ ninge taw’athnag pi yafas e bitir ku Got, demuturg e nam roraed. Udakaen e mich Ngak, rayog ningad chuweg pi burey ko yafas rodad. Gube micheg u dakean fithngan Yesus Kristus nib thothup, amen.
© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ko biney e Pul Liahona ko, April 2021. Yapese. 17467 905.
Placeholder Image Credit