යේසුස්වහන්සේ අපට සක්‍රමේන්තුව ලබාදුන්නා,” මිතුරා, 2021 ජුනි
මාසික මිතුරා පණිවිඩය, 2021 ජුනි
යේසුස්වහන්සේ අපට සක්‍රමේන්තුව ලබාදුන්නා
නිදර්ශනය ඒප්‍රිල් ස්ටොට් විසිනි
පොළොවේ උන්වහන්සේගේ කාලය ඉවරවෙන්න ලඟයි කියලා යේසුස්වහන්සේ දැනගෙන හිටියා. අන්තිම රාත්‍රී භෝජනය සඳහා උන්වහන්සේ තම ප්‍රේරිතයන්ව එක්රැස් කළා. උන්වහන්සේ ඔවුන්ට සක්‍රමේන්තුව ලබාදුන් අතර හැමවෙලාවෙම උන්වහන්සේව මතක තබාගන්නා ලෙස ඔවුන්ගෙන් ඉල්ලා සිටියා.
යේසුස්වහන්සේ යාච්ඤා කරන්නට වත්තකට ගියා. උන්වහන්සේ සෑම කෙනෙකුගේම ජීවිතයේ සියලු පව් සහ දුක නිසා වේදනා වින්දා. ඊටපස්සෙ උන්වහන්සේ කුරුසියක් මත මියගොස් සොහොන් ගෙයක තැන්පත් කරනු ලැබුවා.
යේසුස්වහන්සේ මියගිය පසු පැමිණි ඉරිදා උදෑසන, සමහර කාන්තාවන් සොහොනට පැමිණියා. දොර ලඟ තිබූ ගල පෙරළා දමා තිබූ අතර, සොහොන් ගෙය හිස් වෙලා තිබුණා! යේසුස්වහන්සේ කොහේද?
උන්වහන්සේ නැවත ජීවතුන් අතර සිටියා! මරියා මග්දලේනා යේසුස්වහන්සේව දැක්කා. උන්වහන්සේ නැවත ස්වර්ගයට ගිය පසු ප්‍රේරිතවරුන් ශුභාරංචිය ඉගැන්වීමට සූදානම්ව සිටිය යුතු නිසා, උන්වහන්සේ ඔවුන්ව බැලීමට ගියා.
මම සක්‍රමේන්තුව ලබාගන්නා විට, මට යේසුස්වහන්සේව මතක්වෙනවා. උන්වහන්සේ ජීවත් වී මියගිය අතර මා උදෙසා නැවත නැඟිටුවනු ලැබූ බව මට මතක්වෙනවා!
පාට කරන පිටුව
මගේ පවුල විශේෂයි
© 2021 by Intellectual Reserve, Inc. All rights reserved. අමෙරිකා එක්සත් ජනපදයේ මුද්‍රණය කර ඇත. ඉංග්‍රීසි අනුමැතිය: 6/19. පරිවර්තන අනුමැතිය: 6/19. Monthly Friend Message, June 2021 හි පරිවර්තනයකි. Sinhala. 17470 408.