„Hvað er Guðdómurinn?“ Líahóna, júní 2021
Mánaðarlegur boðskapur: Líahóna, febrúar 2021
Hvað er Guðdómurinn?
Himneskur faðir, Jesús Kristur og heilagur andi eru þrjár aðskildar verur sem eru eitt í tilgangi.
Ritstjóri fréttablaðs spurði spámanninn Joseph Smith eitt sinn að því hver trú meðlima Kirkju Jesú Krists hinna Síðari daga heilögu væri. Sem svar við því, ritaði spámaðurinn 13 staðhæfingar sem við köllum Trúaratriðin. Fyrsta staðhæfingin segir: „Vér trúum á Guð, hinn eilífa föður, og á son hans, Jesú Krist, og á heilagan anda“ (Trúaratriðin 1:1). Þessir þrír skipa það sem við köllum Guðdóminn.
Guð, hinn eilífi faðir
Guð hefur upprisinn líkama af holdi og beinum. Hann er faðir anda okkar. Hann elskar hvert barna sinna fullkomlega. Guð er fullkominn, almáttugur og alvitur. Hann er réttvís, miskunnsamur og gæskuríkur. Við lifðum sem andar hjá Guði áður en við fæddumst. Hann sendi okkur til jarðar til að læra og vaxa. Dýpsta þrá Guðs er að hvert barna hans snúi aftur til dvalar hjá honum, eftir að við deyjum. Guð kennir okkur að við verðum að fylgja Jesú Kristi til að geta snúið aftur í návist Guðs.
Kristur prédikar í andaheiminum, eftir Robert T. Barrett
Jesús Kristur
Jesús Kristur hefur líka upprisinn líkama af holdi og beinum. Hann er fyrsti sonur Guðs. Áður en við fæddumst, valdi Guð hann til að verða frelsari okkar. Í því felst að Jesús kom til jarðar til að vera okkur fordæmi, kenna fagnaðarerindi sitt, friðþægja fyrir syndir okkar og frelsa okkur frá dauða. Við getum hlotið fyrirgefningu synda okkar, vegna Jesú Krists, þegar við iðrumst. Jesús Kristur þjáðist líka margvíslega svo að hann gæti skilið og liðsinnt okkur. Jesús Kristur dó lifnaði síðan aftur og gerði þannig öllum mögulegt að lifa aftur.
Ljósmynd frá Getty Images
Heilagur andi
Heilagur andi er eini meðlimur Guðdómsins sem ekki hefur efnislíkama. Hann er andi. Heilagur andi getur tjáð sig beint við anda okkar. Hann ber okkur vitni um að Guð sé raunverulegur og að Jesús Kristur sé frelsari okkar. Heilagur andi starfar sem sendiboði Guðs til að veita okkur tilfinningar elsku, handleiðslu og huggunar. Þegar við erum skírð og staðfest, hljótum við gjöf heilags anda. Eftir skírn okkar, getur heilagur andi alltaf dvalið hjá okkur þegar við höldum boðorð Guðs.
Fyrsta sýnin, eftir Walter Rane
Fyrsta sýn Josephs Smith
Í áranna rás hefur fólk orðið ráðvillt um Guðdóminn. Fólki hefur greint á um eðli Guðs, Jesú Krists og heilags anda. Það er ein ástæða þess að Fyrsta sýn Josephs Smith var svo mikilvæg. Hann sá að himneskur faðir og Jesús Kristur höfðu líkama og eru tvær aðskildar verur.
Hlustið, eftir Michael Jarvis Nelson
Aðskildir en sameinaðir
Ritningarnar og nútíma spámenn kenna að Guð, Jesús Kristur og heilagur andi séu aðskildar verur, sem hafa einn tilgang: ódauðlegt og eilíft líf okkar (sjá HDP Móse 1:39). Þeir vinna saman, eins og samstæður hópur, til að hjálpa okkur dag hvern. Við getum fundið betur nálægð þeirra þegar við iðrumst synda okkar og veljum hið rétta.
Ritningarvers um Guðdóminn
-
Himneskur faðir og Jesús Kristur eru eitt í tilgangi (sjá Jóhannes 10:30).
-
Himneskur faðir talaði við son sinn (sjá Matteus 3:16–17).
-
Jesús Kristur talaði við föður sinn (sjá Jóhannes 11:41).
-
Jesús Kristur bað þess að við yrðum eitt einhvern daginn (sjá Jóhannes 17:11).
-
Joseph Smith sá himneskan föður og Jesú Krist (sjá Joseph Smith – Saga 1:17).
-
Heilagur andi vitnar um að Jesús Kristur er frelsari okkar (sjá Jóhannes 15:26).
© 2021 Intellectual Reserve, Inc. Allur réttur áskilinn. Printed in USA. Samþykkt á ensku: 6/19. Þýðing samþykkt: 6/19. Þýðing á Monthly Liahona Message, June 2021. Icelandic. 17470 190