“Moluches,” Kirel a Klisichir a Rngeasek, July 2021, 18–19.
Klumech er a bek el buil Kirel a Klisichir a RengeasekOngeuid el buil 2021
Moluches
Sel moluches a ngara uldesuem sel monguiu chedaol llechukl a meral sebechel ngosukau er a omesubem.
“Bek el taem el kumuchel el mengui chedaol llechukl, eng di imiit a medak!” a tal misionari a uluchais er a merredelel a mision. “A chedaol llechukl a uaia le kar lomechiuaiu er ngak!”
A merredelel a dula el kmo, “Ke meluches sel monguiu?”
“Ng diak,” ng millekoi ngika el misionari.
“Ng beot limiit a medam a lechub eng mediderurt a uldesuem sel sekum e kedi menguiu,” ng dilu ngika el merredel, “eng di diak el sebechel uaisei omko ke meluches!”
Tial tekoi ledilii ngika el merredel er a mision el mo er ngika el misionari a mle klou a lengedechii. A leuaisei e alsekum e kosiik er a beches el rael el mo smisichii omengiuem er a chedaol llechukl, e molasm er ngii. Sel moluches el kirel aikel monguiu, e ke metik er kau el meral lungil mesuub, el dirrek.
Aikakid a bebil er a teletael el ki bla metik loureor.
Brother Steven Lund:
A kuba babier sel kunguiu. Sel kusuub e bo kumelchesiu er a Chedaol Reng, e ak lmuches aikel kumelchesiu.
Ak ngiluu tial luldasu er a Elder Richard G. Scott (1928–2015) er a Chelechad er a Teruich me a teru el Apostol, el dilu el kmo: “Mluches aikel meklou a ultutelel tekoi el mngai lokiu Chedaol Reng. Ko mo metik el kmo sel moluches aikel meklou a belkul tekoi, e a lmuut el bebil a mei. Ng dirrek, el llomes el mngai a mo medechel er a klengar kau” (“To Acquire Knowledge and the Strength to Use It Wisely,” Ensign, June 2002, 32).
Ak medengei el kmo aika el tekoi a klemerang. Me sel kungedmokl a cheldecheduch me a suobel, eng diak di kumes chedaol llechukl ak dirrek lomes aikel tekoi el bla kluches sel kunguiu.
Brother Ahmad Corbitt:
Ng soak el mesuub a dai er a suobel. Ak menguiu chedaol llechukl er a uchelel el mo er a rsel, eng di ng dirrek el soak el mesuub aikel dai er a suobel. Okesiul tiang, a kusbech er a Topical Guide losiik a bades el kirel a klaumerang a lechub eng omengideb er a Israel. E diak di kuluches el merekong, ak dirrek el meluches aikel kusuub el kmal mo ungil medengei. Ng mechas a renguk er a klemedengei er ngak er a tekoi el kmal lungil sel kusuub el uaisei. Ak dirrek el ngmilt a bebil er a bades el kusuub el mo medengei.
Brother Bradley Wilcox:
Ak meluches er a journal a di tekingek el kirel aikel bades el kusuub. Okesiul tiang, “Le di klechad er a chad a cherreuel a Dios” (Mosiah 3:19) ak lechesii el “A kedidai a rengul e diak louchel a rengul chad a melilt el mo cherreuel a Dios, eng di a Dios a diak el cherreuel. A Dios a kmal sechelil.”
Ak dirrek el meluches a ker. Ng sebechel ker el ngak omdasu el kirel ruchei er a kunguiu, a lechub eng ker el soiseb er a uldesuek sel kunguiu. Ngii di el tang, eng di ng metebechelii a uldesuek.
Klisichel sel Moluches a ngara Uldesuem
A dersta er kemam el ngara omerredel a kakerous a teletelam a ki mosuub chedaol llechukl, eng di a ki rokui el meluches!
A omenguiu a ngosukid lomtab a ngara uldesued me a domelchesiu. Tia klou a ultutelel. E sel dongedecheduch a lechub e kede meluches, e kede otobed aikel ngara uldesued me a rengud. Kede omelchesiu el meral mo bleketakl a klemerang er a ebangkelio.
A tal ngeasek el chad a miltik er tial teletael loureor er a lemokedong el mo mengedecheduch er a temel a miting er a sakrament. Ng mla orrenges er a rebetok el chad el mengedecheduch eng di diak el debedebek a lullekoi. E tiaikid el taem eng kuk mle ngodech. Sera lekedmeklii a ko er a dai er a cheldechedechal, eng dimlak di lengesuir el mechobech a tekingel, ng dirrek el mle medengelii el kemanget el taem.
Osisiu el teletael a sebechel duubech er a omesubiu er a chedaol llehcukl. Alskeum e ngolngeanged a medam sel bekengii a chedaol llechukl, eng mla mo kirem el mekiis. Motebedii oluches, a lechub a pen, dengua, a lechub a computer e moluches. Ng mo mechas a rengum el kmal klou a lengedechii!
© 2021 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Klumech er a bek el buil el Kirel a Klisichir a Rengeasek, Ongeuid el buil 2021. Language. 17471 881