Itie-oku eke Abasi

Etop otode Mme Adaibuot eke Nkaiferi Iban

Se kpukpru iwaad ekpefiokde ebanga itie-oku ye ebuana mmo ke enye.

Nte afo omokut akpa adanga ndutime enye ekemede ndidi ke ema emen iko kiet esin ke usung iba? Nte uwut mkpo, ke Iko-mbakara, iko emi isong ada mbiba abanga isong emi idungde ke esit ye mbat ke idak ikpat nnyin. Mbiba edi nenen, edi se afo etingde abanga ke ini afo anamde mmo ada ono se afo etingde abanga ke ini kiet. Ndinam enye enehede esin ndutime, ke ini isong oworode isong nnyin, enye nko odongo ke esit ifiok eke mbat, ke ntak odude ke isong.

Ke ndinam Iko anwanga Itie-oku

Iko kiet nnyin isinde ke edinam ke Ufok-Abasi ke usung iba edi itie-oku. Iko oro oworo ofuri odudu ye unen eke Abasi. Kemisehe, nnyin nko isin ke edinam itie-oku ke ekpri usung—ke nditing mbanga “odudu ye unen emi Abasi onode mme akama itie-oku emi ema ekebo ndori ubok ke ndinam kpukpru mkpo edide akpan ke eriyanga ukpong eke ndito Abasi.”¹

Itie-oku enode owo idighe kpukpru odudu eke Abasi. Mme nwed ndise emi anam owut ndaha emi.

Ke nwed ndise emi omokut ndusuk uwut mkpo eke odudu Abasi, edide anana utit nko inyeneke adanga. Ke esit oro, afo nko omokut mme uwut mkpo eke odudu ye unen eke itie-oku Abasi emi Enye ayakde ono, mme onode osok, mme ndinen irenowo ndida usung ke Ufok Abasi Christ.

Mme uwut mkpo Unen Itie-oku ke Uwem Mbufo

Kpukpru mme edidiong Itie-oku odu ono owo ekededi ye kpukpru ndima ndito iban ye iren eke Ete eke Heaven. Oyoho udim iba ada ono mme edidiong oro edide ebine fi otode enye emi akamade ukpohore itie-oku mme emi okobode unen itie-oku.

Emi edi ndaha emi Abasi akanamde ono eboho ye ndinam mkpo ke Ufokabasi Esie ke isong. Mme uwut mkpo efen eke unen itie-oku Abasi odongo mme adaibuot ke eboho deacons ye teachers emi enyenede okpohore ke ndida usung ke eboho mmo, mme edidiong emi ete onode ke ufok, ye ndutim eke temple ye ediomi.

Irenowo, Iban, ye Itie-oku

Okposuk edi enode mme iren owo kpot ndori ubok eke itie okut, President Dallin H. Oaks, akpa ono item ke First Presidency, ama anam anwanga akpan ukpep mkpo: “Itie-oku edi edisana odudu ye unen emi ekamade enam utom Abasi ke ufon kpukpru ndito Esie. Itie-oku idihe mbon emi ekebode ndori ubok ke office itie-oku, mme mbon emi enamde unen esie. Irenowo emi enyenede itie oku idihe itie oku. … Inaha nte nnyin ikoot mme irenowo emi ekebode ndori ubok nte itie-oku.”²

Okposuk edi iban miboho ndori ubok eke itie-oku, President Russell M. Nelson ama anam anwanga, “Kini edoride mbufo ubok ndinam utom ke ikoot ke ndausung otode enye emi enyenede ukpohore itie oku… afo amebo unen itie oku ke ndinam mkpo ke ikot oro.”³ Ndusuk uwut mkpo emi odongo mme ada ibuot ke ubet ukpep eke Mkpri Iban, mme okworo iko iban emi ekworode ikoabasi, mme ada ibuot ke mme ward ye stake emi ema eke edori mmo ubok ndikpep nnyung ndausung, ye mme anam utom ndutim ke temple.

Odudu Itie-oku Odiong Kpukpru owo

Mme edidiong emi iwaad ye nkaiferi ebode edi okuo otode ediomi emi akanamde ke ini uduok mmong ye ediomi emi edinamde ke temple. Kposuk nte munyeneke akama itie-oku ke ufok fo, afo amakeme ndisuk mbo edidiong eke odudu itie-oku Abasi ke uwem mfo nte enimde ediomi afo akanamde ye Enye (see 1 Nephi 14:14).

Nte nnyin idude nte asangade ye ediomi nnyin, nnyin ibo mme edidiong emi osongode onyung odiongde nnyin. Nnyin ikoot fi ite ekere mme edidiong eke itie-oku ke uwem mfo—mme edidiong emi edide ke ntak anana utit odudu itie-oku eke Abasi ye mmo oro edide akpan akpan otode unen itie-oku emi ekenode enyung eyakde eno Ufok Abasi.

© 2021 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Etop Ofuri Ofiong emi Abaŋade Nsɔŋɔnda eke Iwaad, Ofiong August 2021. Efik. 17472 553