A Priesthood er a Dios

Mla er a General Presidency er a Rengeask el Redil

Ngerang klel sel rokui el rengeasek a kirir el mo medengelii el kirel a priesthood me a ulekrael el mo er tir.

Ke locha mla omtab el kmo ng kora cheliseksikt sel chimo el tekoi a eru a ulsbechelel? Uai tia el okesiu, sel tekoi er a English el earth [beluulechad] a eru belkul el beluu el de kiei er ngii me a chutem el ngara cheungel a ochid. Ngii el erul tekoi a mellemalt, eng di sel belkul el omousbech er ngii a ultuil er sel omolekoi er ngii er sel taem. Mesel meral mo cheliseksikt, sel beluulechad a belkul a beluad, a dirrek el uldimukl er a uldasu el kirel a chutem, e le chutem a ngara beluu.

Belkul a Tekoi el Priesthood

A chimol tekoi el dousbech er ngii er a Ikelesia el eru a ulsbechelel a priesthood. Tial tekoi a belkul a rokui el klisiich me a deruchall er a Dios. A leuaisei, kede dirrek el ousbech er a priesthood el telekael a ulsbechelel—el belkul a kmo “ng klisiich me a deruchall el Dios a nguu el mesang a mla mechedaol el obang a priesthood el mo meruul a rokui el tekoi el ngii a kmal kirel a osebelir a rengelekel a Dios.”¹

A priesthood el moterkokl el mo er a chad a diak el rokui el klisichel a Dios. Tia el chart a mo smodii tial el uldasu.

Tial chart e kemesang a bebil a okesiul a klisichel a Dios, el diak a ulebengelel me a telkelel. Chelsel tiang, ke dirrek el mes a okesiul a klisiich me a deruchall er a priesthood er a Dios el Ngii a moterkokl, a lechub eng odars el, mo er a reklikiid el resechal el mo meruul er a chelsel a Ikelesia er a Kristo.

Okesiul a Deruchellel a Priesthood er a chelsel a Klengar er Kau

A rokui el klengeltengat er a priesthood a mo er a rokui el betik er a rengrir el ngelekel a Chedam er a Babeluades el redil me a sechal. Sel ongerung el list a olechotel a ikel klengeltengat el merkau lokiu ngkel obang a kiis er a priesthood malechub mla nguu a deruchellel a priesthood el mla moterekokl el mo er ngii.

Tiang sel delcherul el Dios a rirellii el mo er a cheldebechel me a ketmeklel a Ikelesia er Ngii er tial beluulechad. Bebil a okesiul a deruchall er a priesthood er a Dios a uldimukl er a re deacon a lechub re sensei er a president er a quorum el olab a kiis el mo meruul a urerel a quorum er ngii, klengeltengat er a chedam el ngara blai, me a chedaol ruoll er a templo me a telbiil.

Resechal, Redil me a Priesthood

Meng locha mechedaol mo er a obis er a preisthood a di mo er a resechal, a President Dallin H. Oaks, el Kot el Counselor er a First Presidency, a mla smodii a klou a belkul el olisechakl: “A priesthood a chedaol klisiich me a deruchall er a klemerang el usbechall er a urerel a Dios el mo uchul a klungiolir a rokui el Rengelekel. Priesthood a diak el tirke el tir a mla mechedaol el mora obis er a priesthood me a lechub eng tirkel tir a olab a deruchellel. A resechal el tir a olab a priesthood a diak le priesthood. … Diak el kired el omekedong er a re mla mechedaol el sechal el priesthood.”²

Ma leuaisei ea redil a diak el mechedaol el mo er a priesthood, a President Russell M. Nelson a silodii el kmo, “sel kau a mechedaol el mo mesiou er a ngidil okedong el mlara chad el loba kiis er a priesthood … e kau a mla nguu sel klisichel a priesthood el mo ouedikel el kirel sel lokedong.”³ Bebil er a okesiu a uldimukl sel class presidencies er a Rengeasek el Redil, sister misionari el olsisechakl er a ebangkelio, remerredel er a ward me a stake el mla mechedaol el mo olisechakl e omekrael, me a tirkel oureor er a templo el kirel a chedaol ruoll.

Klisichel a Priesthood a Omekngeltengat er a Rokui el chad

A klengeltengat el kemiu el ngeasek el resechal me a rengeasek el redil a ngmai a klokliu lokiu a telbiil el mriruul sera ometecholb me a telbiil el bo moruul er a chelsel a templo. Me a lsekum eng diak a obang a priesthood el ngara blim, e kau kmal dirk sebechem el mukngeltengat er sel klisichel a priesthood er a Dios er a chelsel a klengar kau sel moruul a ikel telbiil el bla mruul el Obengekel (see 1 Nephi 14:14).

Me sel de kiei el oltrirkal a telbiled, e kede ngmai a klengeltengat el mo melisiich e omekngeltengat er kid. A ki olengit er kau me bo momdasu a klengeltengat er a priesthood el ngara chelsel a klengar kau—a ikel klengeltengat el mei eleng diak a ulebengelel klisichel a priesthood er a Dios me a ikel tokubets el mei lokiu a deruchellel a priesthood el cheledaol e mla moterekokl er a chelsel a Ikelesia er a Dios.

© 2021 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Bek el Buil el Klumech el Kirel a Klisichir a Rengeasek, Ongeai el buil 2021. Palauan. 17472 881