Klumech er a bek el buil Liahona, Ongeai el buil 2021

A Priesthood A Klisichel a Dios

Dios lomekngeltengat er kid lokiu a klisichel a priesthood. A klengeltengat er a priesthood a mora rokui el chad.

A priesthood a klisichel a Dios. Ngii a ousbech er tial klisiich el mo omekngeltengat er a rokui el Rengelekel e mo olngeseu er tir el lmuut el mo kiei el Obengkel. A Dios a mla mesterir tial klisichel a priesthood el mo er a Rengelekel el ngara beluulechad. Ngokiu tial klisiich, ea remerredel er a priesthood a sebecherir el mengetikaik er a Ikelesia, e tirkel lobang a priesthood a sebecherir el meruul a ikel chedaol ruoll, el uai a techolbechelid, el ngosukid el mo kmeed er a Dios. Rokui el resechal me a redil el klikiid el nguu a chedaol ruoll er a priesthood e meruul a telbiil (chedaol yaksok) a ngarngii a klisichir el mo er tial klisichel a Dios.

A Klisichel a Priesthood A Mlodars el mo er a Joseph Smith

Se er a Jesus Kristo a lengara beluulechad, Ngii a milngetikaik er a Ikelesia er Ngii el obang a klisichel a priesthood. Ngii a dirrek el milsterir tial klisiich el mo er a re Apostol er Ngii. Dart el rak er a uriul er a kodellir, ea rebetok el rechedal a mlo diak le bora Ikelesia. Te ngiledechii a ebangkelio me a teletelel a urerel a Ikelesia. A priesthood er a Dios a mlo diak el ngara beluulechad. Se er a 1829, a Jesus a uldureklii a Johaness er a Techolb me a re Apostol el Petrus, Jakobus, me a Johaness el mesang a Joseph Smith tial priesthood. A Ikelesia er a Jesus Kristo er a Uriul-klebesei el Santo a di chimo el chelechad el ngar tial beluulechad el obang tial klisiich el mla er a Dios.

The Voice of Peter, James, and John, mla er a Linda Curley Christensen me a Michael T. Malm

Kisel a Priesthood

A kisel a Priesthood a klisiich el mo mengederedel er a ulsbechellel a priesthood, el uai a kengei el mo meruul a chedaol ruoll. A Jesus Kristo a olab a ikel rokui el kisel a priesthood. A President er a Ikelesia a di chimol el chad el ngara beluulechad el sebechel lousbech er a kisel a priesthood el mo mengetikaik er tial rokui el Ikelesia. Ngara cherderdelel, ea rebebil a sebechir el ousbech a dersta el kiis el mo meruul a urerel a Dios. Remerredel el uai re bisop me a re stake president a ousbech er a kisel a priesthood el mo mengetikaik er a ward me a stake er tir. E le okedong el mo mesiou a mei el mla er a remerredel el obang a kisel a priesthood, a resechal me a redil el mesiou a okedong a ousbech a klisichel a priesthood sel loruul a ngerchelir.

Melchizedek Priesthood me a Aaronic Priesthood

A priesthood a teblong a telengtengil: a Melchizedek Priesthood me a Aaronic Priesthood. Ngokiu a Melchizedek Priesthood, ea remerredel er a Ikelesia a mengederedel a rokui el chedaol urerel a Ikelesia, el uaia a misionari me a ureor er a templo. A Aaronic Priesthood a oureor el ngara cheungel a klisichel a Melchizedek Priesthood. Ng meruul a chedaol ruoll el uai a techolbechelid me a sakrament.

Klengeltengat er a Priesthood

Ngokiu a telbiil me a chedaol ruoll, a Dios a rullii a klengeltengat er a priesthood el sebechel mo er a rokui el Rengelekel. A ika el klengeltengat a uldimukl er a techolbechelid, sengk er a Chedaol Reng, sakrament, me a chedaol ruoll er a templo. Resechal me a redil el mla endowed er a chelsel a templo a nguu a sengk er a klisichel a priesthood er a Dios lokiu a telbilir. Kid a dirrek el sebeched el nguu a klengeltengat er a priesthood er a omekungil, omengelaod, me a omengetikaik.

A Chedaol Llechukl Ngerang Melekoi el kirel a Priesthood?

A priesthood el mlarngii er ikel cheuodel el sils a di osisiu ngii ma ikel ngarngii er a chelechal taem (mesa Moses 6:7).

A kisel a priesthood a kmal ungil olngeseu er kid el mo remuul a urerel a Rubak el ungil a teletelel (mesa Doctrine and Covenants 42:11).

A resechal el obang a priesthood a sebecherir el ousbech er ngii “el di ngara llemalt el olisechakl ” (Doctrine and Covenants 121:36).

A bebil er a ngerchelir tirkel el obang a priesthood a selaod er a chelsel a Doctrine and Covenants 20:38–67.

© 2021 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Klumech er a Bek el Buil er a Liahona , Ongeai el buil 2021. Palauan. 17472 881