Pristut Pa Kuh Luhn God

God El ahkinsewowoye kuht ke kuh luhn pristut. Mwe insewowo ingacn oasr nuh sin mwet nuhkwewa acn nuhkwewa.

Pristut pa kuh luhn God. El orekmakihn kuh se inge in ahkinsewowoye ac kahsrwelos in fohlohk muhta Yohrohl. God El sang kuh luhn pristut nuhsin tuhlihk Nahtuhl fin facluh. Ke kuh se inge, mwet kol ke pristut kuh in kol Alu uh, ac mwet sruok pristut kuh in ahkfahsrye kuhfa luhn Leum, oacna pacptais, ma kahsrwekuht in fototoyang nuh sin God. Mukul ac muhtwacn nuhkwewa suc suwohs in eis akwuck luhn pristut ac liyacacng (olwelah muhtahl) oasr lwelah la nuhke kuh luhn God.

Kuh luhn Pristut Ituckyang nuh sel Joseph Smith

Ke Jisus Kraist El tuh muhta facluh ah, El kol Alu Lal ke kuh luhn pristut. El oacyacpac sang kuh se inge nuhsin Mwet Sap Lal. Ke yac puhs elos tuh misac ah, puhkantwen mempucr tuh som liki Alu uh. Elos tahfonglac ekuhllah wosasuc uh ac ohiyacn orekma ke Alu uh. Pristut luhn God tuh wacngihnlac liki facluh. Ke 1829, Jisus El suhpwacl John Pacptais ac Mwet Sap Peter, James, ac John in sang nuh sel Joseph Smith pristut se inge. Alu luhn Jisus Kraist luhn Mwet Luhlahlfongi ke Lwen- sahflah pa Alu se fin facluh ma oasr wal se luhn God inge.

fohlohkihnyuckyak luhn Melchizedek Pristut

Ki luhn Pristut

Ki luhn pristut pa wal se ma kol orekmakihnyuck pristut, pa nuhke sang lwelah la in ahkfahsrye akwuck uh Jisus Kraist pa sruok ki luhn pristut. Prestuhn ke Alu uh pa mwet sefanna fin facluh suc kuh in orekmakihn ki luhn pristut in kol Alu nofohn se. Ye kohkoh lal, mwet sahyac kuh in orekmakihn ki se in oruh orekma luhn God. Mwet kol pa nuh kacl pisrap ac stake prestuhn ma orekmakihn ki luhn pristut in kol ward ac stake lalos. Ke srihpen pahng nuhke kunohkohn se tuhkuh sin mwet kol ma oasr ki luhn pristut se, mukul ac muhtwacn suc kuhlwacnsap ke kunohkohn lalos ahkfahsrye orekma ke kal luhn pristut oacna ke elos oruh ma kunwaclos

Melchizedek Pristut ac Aaronic Pristut

Oasr ip luo ke pristut: Melchizedek Priesthood ac Aaronic Pristut. Sin Melchizedek Pristut, mwet kol ke Alu uh kol orekma luhn nguhn nuhkwewa ke Alu uh, pa nuhke orekma luhn misineri ac tempuhl. Aaronic Pristut orekma ye wal luhn Melchizedek Pristut. Orekmakihnyuck nuhke ahkfahsryeyacn akwuck pa nuhke pacptais ac kuhfa luhn Leum.

Mwe Insewowo luhn Pristut

Ke olwelah muhtahl ac akwuck, God El oraclah mwe insewowo luhn pristut lwelah nuhsin tuhlihk nuhkwewa Nahtuhl. Mwe insewowo ingacn pa pacptais, eis mwe sang luhn Nguhn Muhtahl, kuhfa luhn Leum, ac akwuck luhn temple. Mukul ac muhtwacn suc ma eis owelah muhtahl lun tempuhl eis mwe sang luhn pristut luhn God ke olwelah muhtahl lalos. Kuht oacyacpac kuh in eis mwe insewowo luhn pristut ke onwelah, ahkwoye, ac kolyuck.

Meac Ma Suhmuhslah Fahk ke Pristut?

Pristut ma oasr ke pacl mahtuh met ah pa pacna sikyak oasr misenge inge (liye Moses 6:7).

Ki luhn pristut kahsruh liye lah kuht oruh orekmak luhn Leum ke ohiyac fal se (liye Doctrine and Covenants 42:11).

Mukul suc ma sruok pristut uh kuh in orekmakihn “muhkwena ye mwe luti luhn suwohswohs” (Doctrine and Covenants 121:36).

Kuhtuh sin kunohkohn luhn elos suc sruok pristut uh pa ahkuhtweyucki ke Doctrine and Covenants 20:38–67.

© 2021 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lwenglah luhn Sramsram ke Liahona Mahlwem Nuhkwewa, Ohkohs 2021. Kosraean.17467 868