“Ndibop Emi edide Eti ke Idem fo,” Kabaŋa Nsɔŋɔnda eke Iwaad Ofiong Sept. ke isua 2021, 6–7.
Etop ke Ofiong Enode ke Nsongonda eke Iwaad Ofiong September ke isua 2021
Ndibop emi edide Eti ke Idem fo
Usun ition ndi yene uwem inemesit.
Mme uwut-ŋkpɔ otode Juliet Percival
Ini Abasi eketemede Joseph Smith ete obop Temple Kirtland, Enye ikiyakke enye ete ekere abanga nte edinamde utom oro ikpong ke idemesie. Enye amayarade usung emi ekemede ndida nkut unen.
“Yak ebop ufok, idighe ke usung ererimbot,” Abasi eketing ntem. “Yak ebop enye etiene usung eke Ami nte ndiwutde” (Nwed Ukpebnkpo ye Ediomi 95:13-14). Ndien Abasi ono mmo item ndi bop temple (kud Nwed Ukpebnkpo ye Ediomi 95:15-17).
Ye esit ekom, Abasi okowut nnyin mkpo akan ndibop mme temple kpot. Enye afiak ono nnyin mme item man anwam nnyin ndikabade ndi nti owo emi nnyin ikekmede ndi-di. Nte nnyin itienede mmo, nnyin iyebop uwem nnyin “idighe ke usung ererimbot” edi edi-di ke usung emi Obong ekenimde.
Mi edi usung ition ndibop inem ye idaresi uwem emi okongode ke Jesus Christ.
Bop Eti Itiat Idak-isong
Ewet nwed ubop ufok mme obop ufok ekededi eyeting ono fi ete ke eti itiat idakisong edi akpan akpan nkpo ono ufok ekededi. Helaman ekekpep ete ke mfon nkan itiat idakisong eke uwem nnyin edi “itiat eke Andifak nnyin, emi edide Christ, Eyen Abasi” (Helaman 5:12). Nnyin imikeme ndida Christ nte itiat iadk-isong nnyin ke nditiene Enye nnyung nam mme ukpepnkpo esie. Esit etie fi didie ke ndinam Christ edi itiat idak-isong eke uwem fo?
Nam mkpo nno Mbon efen
Akamba usung efen ke ndibop uwem nnyin, ntiene se President Dieter F. Uchtdorf, Udiana Onoitem ini-oro ke First Presidency eketingde, edi ke ini “nnyin mi idade ikpat nnyin einam utom ino Abasi ye mbon emi edude ekpere nnyin.”1 Ke ini anamde utom ono owo efen, mbufo enam se Jesus akanamde onyung ye ekpep ndikabade ntie nte Enye. Afo ududiongke uwem mbon emi afo anwamde kpot, edi afo eyebo edidiong nko.
Nam Ndutim Ofuri Ini akam ye Ukpebnkpo nwed Abasi
Usung efen ndibop uwem inemesit edi ndibop ebuana ye Ete nnyin ke Heaven ye Jesus Christ. Akamba usung ndinam oro edi ke akam ye ukpebnkpo nwed Abasi.
President Uchtdorf ete: “Ndisongo ebuana nnyin ye Abasi, ana nnyin iyom eti ini ndidu ikpong ye enye. Ndiwuk ekikere fo ke akam ye ukpebnkpo nwed Abasi kpukpru usen… eyedi usuk nti ubono-nkpo eke ini nnyin ye ukeme ndikpere Abasi nnyin ke Heaven.”2
Akam edi ifet ndineme nneme ye Ete nnyin ke Heaven. Enye odiongo nnyin, ama nnyin, oyom ndikop nto nnyin! Ini emi ibongde akam ke ofuri esit nnyin, ino ekom nnyin,inyung ibenge mme nkpo emi nnyin iyomde, Enye ke okop onyung oboro kpukpru ini ke usung ye ini Esie.
Ama edisim ukpebnkpo nwed Abasi, ediwak usung odu ndinam man enen. Akpan mkpo edi yak afo anam oro! President Russell M. Nelson ekekpep, “Ndisin idem kpukpru usen ke iko Abasi edi akpan nkpo ono spirit ndiboho.”3 Ndibiat ini kpukpru usen ke nwed Abasi eyenwam nnyin ndibop uwem nnyin ke mbuotidem ye osongo, eyighe iduhe.
Buaha Idem mbufo ye Mbon Emi EdiNwamde Fi Ndinam Sifon.
Ete nnyin ke Heaven oyom nnyin ndiyiri nnyung mbop mme ebuana ye mbon efen—akpan akpan ufokemana ye mme ufan. Mbon emi nnyin idude kiet esiwak ndisongo nte nnyin idide. Edide mbon ufok Abasi nnyin mme idighe, ana mbufo ebuaha idem mbufo ye mbon emi enwamde fi ndinam iko Abasil, enim mbet Abasi, enyung ekabare edi nti owo. Mbufo nko emekeme ndinwam mbon emi edude ekpere mbufo enam ukem oro. Ewe ufan fo anwam fi ndibop itiat idakisong fo ke edinen ido?
Yene Inemesit ke Ndibop Itiat Idak-isong Fo
Enyene ediwak usung efen emi afo ekemde ndibop uwem fo enyene spirit osongo ye idara, esine ndika ufok Abasi ye ndidia udia-Obong, ndinam nnyun nim mme ediomi, ye nditiene item eke mme odu uwem prophet.
Ofon owo eti ete ke kpukpru mme mkpo mi oyom utom ye ini. Ndibop ye ndikpep oyodu kpukpru ini, edi inaha nte afo anam oro ikpong. Abasi eyenwam fi kpukpru usen ke nte afo anamde ofuri ukeme fo ndibop uwem emi afoye Enye ekekemede ndikop inemesit ndien oro eyeda idara osok fi.
© 2021 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Etop Ofuri Ofiong emi Abaŋade Nsɔŋɔnda eke Iwaad, Ofiong September ke isua 2021. Efik. 17473 553