Etop ke Ofuri Ofiong Liahona Ofiong September ke isua 2021

Akwa Mbono: Esop Ufok Abasi ke Ofuri Ererimbot

Nnyin imisikpang utong ino mme prophet ye mme adausung eken ke ufok Abasi kini akwa mbono. Mmo ekpeb nnyin se Abasi oyomde ete nnyin ikop.

Ke ofiong April ye October, Ufok Abasi esinyene mme ikpehe esop emi ekotde akwa mbono. Mme adausung ekpeb enyung eting iko ntiense ebanga Jesus Christ ye gospel Esie. Esinim Akwa Mbono ke Salt Lake City, Utah, USA, ndien enam enye ewut ke ofuri ererimbot ke se iwakde ikan usem Anang. Ekot ofuri mbon ufok Abasi ye mbon eken ekenyenede udong ete edikpang utong eno mme uteting iko emi.

Akpa Mbono Ufok Abasi

Ekesaik Ufok Abasi ke mbono esop ke April 6, ke isua 1830 (se Nwed Ukpebnkpo ye Ediomi 20). Ekenim akpa akwa mbono ke June 9, 1830. Tongo do, esinim mme akwa mbono ke idak ndausung President Ufok Abasi ke ebiet ekededi emi mbon ufok Abasi ekmede ndiboho. Ke mme 1840s, mme adaiso ema etongo ndinim esop ikaba ke isua.

Nte Esinimde Mme Mbono Mfin

First Presidency, Eboho mme Apostle Duobeba, ye mme adausung eeken ke Ufok Abasi eno uting iko ke akwa mbono. Nkaikwo Tabernacle ke Temple Square ye mme nkaikwo eken ke Ufok Abasi esino ikwo. Mbono kiet-kiet enyene ikpehe ition: Ita ke Saturday ye iba ke Sunday. Ke Ofiong April, oyoho ikpehe ita ke Saturday enyene mbon eboho Itie Oku Aaron ye Melchizedek. Ke Ofiong October, oro enyene mbon Relief Society ye Nkaiferi Iban.

Ukpebnkpo eke mme Adausung

Ke mme ofiong mbemiso mbono, mme adausung ke ufok Abasi esibong akam ebagna se mmo ekpekpebde. Abasi eteme mmo ndidiongo se mmo editingde. Mmo Eepep akpaniko gospel enyung ekot nnyin ete inam mbet Abasi. Mmo nko eting iko ntiense ebanga Jesus Christ enyung eteme nnyin ete itiene Enye.

Ndikpeb-nkpo nto Akwa Mbono

Mbemiso akwa mbono, nnyin imikeme ndibong akam man ikop se Abasi oyomde ete nnyin ikpeb. Nte nnyin ikpangde utong ino mme uteting iko, Spirit eyekpep nnyin se nnyin iyomde ndidiongo. Kini mboho okurede, mme uteting iko eyedu ke ChurchofJesusChrist.org, ke Gospel Library app, ye ke Liahona. Nnyin imikeme ndida akam nkot mme uteting iko oro ofon ibanga Jesus Christ ye gospel Esie.

Otode Nwed Abasi

Jesus Christ ama ekpeb nnyin ete yak isiwak ndisobo otokiet (se 3 Nephi 18:22).

Ke ini mbon ufok Abasi etuakde ibuot otokiet, Abasi, eyedu ye mmo (se Matthew 18:20).

Abasi ama eteme mbon ufok Abasi ete ”ekpeb enyung emenede kiet eken” (Nwed Ukpebnkpo ye Ediomi 43:8).

Nte mbon ufok Abasi ewutde mbuotidem ke Christ, Spirit Esie eyedu ye mmo ke nte mmo esobode (se Nwed Ukpebnkpo ye Ediomi 44:2).

© 2021 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabade eke Etop Liahona ke Ofuri Ofiong, Ofiong September ke isua 2021. Efik. 17473 553