“Erema Wo Ndzepa a Ɔkrɔn no Enyin,” Ma Mbabun Enya Ahoɔdzen, Fankwa 2021, 6–7.
Bosoom bosoom Ma Mbabun Enya Ahoɔdzen Amandzɛɛbɔ, Fankwa 2021
Erema Wo Ndzepa a Ɔkrɔn no Enyin
Akwan enum a edze bεma w’abrabɔ ayε enyigye na ahomka.
Juliet Percival yɛɛ nsaano mfonyin horow no
Ber a Ewuradze hyɛɛ Joseph Smith dɛ onsi Kirtland Temple no, Oenngyaa no dɛ ɔnoara bosusu mbrɛ nankasa besi bɛyɛ ne nyina. Oyii nhyehyɛɛ kyerɛe a obowie konyimdzi mu
Ewuradze paa mu kãa dɛ, “Hom nsi dan no, mma wonnsi no wiadze kwan do.” “Hom nsi no wɔ kwan a mibeyi akyerɛ” (Nkyerɛkyerɛ na Ahyɛmudzi 95:13–14). Afei Ewuradze maa hɔn nkyerɛkyerɛɛ wɔ mbrɛ wɔbɛfa do besi temple no (Hwɛ Nkyerɛkyerɛ na Ahyɛmudzi 95:15–17).
Ndaase mu ara, Ewuradze akyerɛ hɛn dza ɔbor temple horow ne nsii do. Ɔama hɛn nkyerɛkyerɛ so a ɔbɔboa hɛn ma yɛabɛyɛ nyimpa mapã a yebotum abɛyɛ. Ber a yɛridzi do no, “nnyɛ wiadze kwan do” no na yɛbɛma hɛn abrabɔ enyin, mbom wɔ kwan a Ewuradze ahyehyɛ do.
Akwan enum a edze bεma w’abrabɔ ayε enyigye na ahomka a otsim Jesus Christ do nye yinom.
Si Fapem Tsim
Architect anaa ɔdansinyi biara bɛkã akyerɛ wo dɛ fapem a ɔyɛ dzen ho hia tsitsir ma dan biara. Helaman kyerɛkyerɛɛ dɛ fapem a oye mapã ma hɛn abrabɔ nye “hɛn Pomfo a ɔyɛ Christ, Nyame ne Ba no, no botan no” (Helaman 5:12). Yebotum ama Christ ayɛ hɛn fapem, ber a yɛreba Ne nkyɛn na yeridzi Ne nkyerɛkyerɛ do. W’atsenkã wɔ wo mbɔdzembɔ ho dɛ edze Christ reyɛ w’abrabɔ ne fapem tse dɛn?
Som Binom
President Dieter F. Uchtdorf, Ɔpamfo a Otsĩa Ebien wɔ President a Odzi Kan na n’Apamfo mu no kyerɛ dɛ, ber a “yegyina hɛn anan do rosom Ewuradze nye hɔn a woetwa hɛn ho ehyia no” yɛ kwan kɛse kor so a yɛdze botu hɛn abrabɔ mpon.1 Sɛ esom binom a, ereyɛ dza Jesus yɛe na irusũa abɛyɛ tse dɛ Ɔno ara yie. Na irinnhyira nkorɔfo a esom hɔn no hɔn abrabɔ nko, mbom wobehyira ɔwo so akã ho.
Yɛ Mpaabɔ na Kyerɛwsɛm Adzesũa ho Nhyehyɛɛ a Ibɛtaa Bɛyɛ
Kwan kor so a ibotum ama w’abrabɔ ayɛ enyigye nye dɛ ebɛma wo nkitahodzi a enye Ɔsor Egya na Jesus Christ wɔ no enyin. Kwan mapã kor a ibodua do ayɛ dɛm nye mpaabɔ na kyerɛwsɛm adzesũa.
President Uchtdorf kãa dɛ: “Ama hɛn nkitahodzi a ɔwɔ hɛn nye Nyankopɔn ntamu no mu ayɛ dzen no, yehia mber pa a yɛnye Ɔno nko. Yeritsim wɔ hɛn ankorankor mpaabɔ na kyerɛwsɛm adzesũa koomyɛ mu no… bɛyɛ hɛn mber na mbɔdzembɔ ho dwumadzi nyansa mu a ɔbɔtwe hɛn abɛn hɛn Ɔsor Egya.”2
Mpaabɔ yɛ kwan a yɛnye hɛn Egya a ɔwɔ Sor nya nkitahodzi. Onyim hɛn, Ɔdɔ hɛn na Ɔpɛ dɛ Ɔtse fi hɛn hɔ! Sɛ yɛbɔ mpaa nokwar mu a, yɛda ase, na yebisa ndzɛmba a yehia a, Otsie na daa Ɔma hɛn anoyi wɔ Nankasa No kwan na Ne mber mu.
Ɔfa kyerɛwsɛm no nsũae ho no, yennyi kwantsen kor ara a yɛdze yɛ. Dza ohia ara nye dɛ ibɛyɛ! President Russel M. Nelson akyerɛkyerɛ dɛ “Edze woho hyɛ Nyame n’asɛm mu daa daa no yɛ adze tsitsir ma sunsum mu konyimdzi.”3 Erohwer mber dabiara wɔ kyerɛwsɛm mu no, mbrɛ ɔbɛdan biara no, ɔbɔboa ma w’abrabɔ enyin wɔ gyedzi na ahoɔdzen mu.
Ma Hɔn a Wɔhyɛ Wo Nkuran ma Eyɛ Papa no Ntwa Woho Nhyia
Ɔsor Egya pɛ dɛ yɛnye binom nya nkitahodzi pa—nkankara hɛn ebusua na anyɛnkofo. Hɔn a yɛnye hɔn nantsew no nya hɛn do nsunsuando. Sɛ wɔyɛ asɔrmba o, wɔnnyɛ o, ɔwɔ dɛ hɔn a wɔboa wo ma idzi asɛmpa no do, idzi Ewuradze n’esusudze do no twa woho hyia, na yɛabɛyɛ nyimpa papa. Ibotum so aboa hɔn a woetwa woho ehyia no ma wɔayɛ dɛm. W’anyɛnkofo no mu woana na ɔroboa wo wɔ wo fapem ne nsii wɔ tsenenee do no ho?
Nya Enyigye wɔ Wo Fapem ne Nsii ho
Akwan ahorow binom pii wɔ hɔ a ibotum ama w’abrabɔ ahyɛ dzen wɔ sunsum na enya enyigye a, yɛrokɔ asɔr, yeridzi sacrament, yeridzi ahyɛmu na yerisie, na yeridzi nkɔnhyɛfo atseasefo hɔn afotu do no kã ho.
Ohia dɛ ibɛkaa dɛ ndzɛmba yinom nyina gye edwumayɛ na mber. Ber biara abrabɔ mu mpontu na adzesũa bi wɔ hɔ, naaso nnyɛ wo nko na ɔwɔ dɛ iyɛ. Ewuradze bɔboa wo dabiara ber a ibɔ mbɔdzen ara yie dɛ ibotu w’abrabɔ mpon a ɔbɛyɛ ɔwo na Ɔno enyisɔ na ɔdze enyigye bɛbrɛ wo.
© 2021 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, September 2021. ne nkyerɛasee. Fante. 17473 502