“Wiadze Mfɛndzanan Ehyiadzi: Wiadze Nyina Mu Asɔr Nhyiamu,” Liahona, Fankwa 2021
Bosoom bosoom Liahona Amandzɛɛbɔ, Fankwa 2021
Wiadze Mfɛndzanan Ehyiadzi: Wiadze Nyina Mu Asɔr Nhyiamu
Yetsie nkɔnhyɛfo na Asɔr baanodzifo binom no wɔ wiadze mfɛndzanan ehyiadzi ber. Wɔkyerɛkyerɛ hɛn dza Nyame pɛ dɛ yɛtse.
Ebɔwbira na Ɔbɛsɛ biara, Asɔr no yɛ nhyiamu ntoatoa do ahorow a wɔfrɛ no wiadze mfɛndzanan ehyiadzi. Baanodzifo kyerɛkyerɛ na wodzi Jesus Christ na N’asɛmpa ho dase. Wɔyɛ wiadze mfɛndzanan ehyiadzi no wɔ Salt Lake City, Utah, USA, na wɔbɔ no dawur wɔ kasa ahorow bɔbor 80 mu kɔ wiadze nyina mu. Asɔrmba nyina na nkorɔfo biara wɔpɛ no, wɔto nsa frɛ hɔn dɛ wontsie nsɛm kã no.
Asɔr Ehyiadzi horow a Odzi Kan
Wɔkyekyeer Asɔr no mbra kwan do ber a wɔreyɛ nhyiamu Ebɔbira 6, wɔ afe 1830 mu (hwɛ Nkyerɛkyerɛ na Ahyɛmudzi 20). Wɔyɛɛ Asɔr no nyina ehyiadzi a odzi kan no wɔ Obiradzi 9, 1830. Ofitsi dɛm ber no, wɔayɛ wiadze mfɛndzanan ehyiadzi wɔ Asɔr no ne President no kwankyerɛ do bea biara a asɔrmba botum aboa ano. 1840 mu no, baanodzifo hyɛɛ ase dɛ wɔreyɛ ehyiadzi no mpɛn ebien wɔ afe biara mu.
Mbrɛ Wosi Hyehyɛ Ehyiadzi Ndɛ
President a Odzi Kan na n’Apamfo, Asomafo Duebien no hɔn Quorum na Asɔr baanodzifo binom kasa wɔ wiadze mfɛndzanan ehyiadzi ber. Tabernacle Adwontokuw no a wɔwɔ Temple Square na Asɔr adwontokuw binom tow ndwom. Ehyiadzi biara wɔ nhyiamu ahorow enum: wɔyɛ ebiasa Memenda na wɔayɛ ebien so Kwesida. Ebɔwbira mu no, Memenda nhyiamu a otsĩa ebiasa no Aaronic na Melchizedek Asɔfodzi quorum horow na wohyia mu. Ɔbɛsɛ mu no, Relief Society na Young Women kuwmba na wohyia mu.
Baanodzifo hɔn Nkyerɛkyerɛ
Abosoom pii mu ana ehyiadzi no bɔsõ no, Asɔr baanodzifo bɔ mpaa wɔ dza wɔbɛkyerɛ ho. Ewuradze kenyan hɔn ma wohu dza ɔsɛ dɛ wɔkã. Wɔkyerɛ hɛn asɛmpa no nokwar no na wɔto nsa frɛ hɛn dɛ yensie Nyankopɔn ne mbrasɛm no. Wɔgye dase so wɔ Jesus Christ ho na wɔhyɛ hɛn nkuran dɛ yɛnkã No do.
Yerusũa efi Wiadze Mfɛndzanan Ehyiadzi Nsɛm mu
Ansaana ehyiadzi ne mber bɔsõ no, yɛbotum abɔ mpaa dze atse dza Ewuradze pɛ dɛ yesũa no. Yeretsie nsɛm kã no, Sunsum no bɛkyerɛ dza ohia dɛ yehu. Ehyiadzi ekyir no, nsɛm a wɔkãa no bopue wɔ ChurchofJesusChrist.org, wɔ Gospel Library app do na, wɔ Liahona mu. Mpaabɔ mu ara, yebotum esũa kasa a wɔkãe no dze ehu mbordo afa Jesus Christ na N’asɛmpa no ho.
Fi Kyerɛwsɛm no mu
Jesus Christ kyerɛkyerɛɛ dɛ yɛntaa nhyia mu (hwɛ 3 Nephi 18:22).
Sɛ Asɔrmba bɔ mu sɔr a, hɔ na Ewuradze bɔwɔ hɔn finimfin (hwɛ Matthew 18:20).
Ewuradze hyɛɛ Asɔrmba no dɛ “wɔnkyerɛkyerɛ na wɔntotow hɔnho do” (Nkyerɛkyerɛ na Ahyɛmudzi 43:8).
Sɛ Asɔrmba no kyerɛ gyedzi wɔ Christ mu a, ber a woehyia no, No Sunsum bɛka hɔnho (hwɛ Nkyerɛkyerɛ na Ahyɛmudzi 44:2).
© 2021 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, September 2021. ne nkyerɛasee. Fante. 17473 502