Klumech er a bek el buil Liahona, Ongetiu el buil 2021

Klou el Ongdibel: Miting er a Ikelesia er a Beluulechad el Rokir

Kede orrenges er a reprofet me a rebebil er a mengeteklel a Ikelesia er a temel a meklou el ongdibel. Te olisechakl er kid aikel soal a Dios a derenges.

Bek Longeuang me a Ongeteruich el buil, e a Ikelesia a ngarngii a mitilengel lokedongall el klou longdibel. A remengeteklel a ikelesia olisechakl e sioning el kirel a Jesus Kristo me a ebangkelio er Ngii. A Klou el Ongdibel a ngarngii er a Salt Lake City, Utah, er a USA, e mocholt el mo er a beluulechad el rokir lokiu a betok er a okai el bedengel omelekoi. A rokui el chedal a ikelesia me a ngii di el chad el semeriar a sebechir lorrenges a cheldecheduch.

Mle Kot el Meklou Longdibel er a Ikelesia

A Ikelesia a mle kot el mechederoder er a mle temel a miting er sera April 6, 1830 (mesa Doctrine and Covenants 20). A mle kot el klou longdibel a mla er ngii er sera June 9, 1830. Seikid el mei er a chelechang, e a meklou longdibel a ngarngii lokiu a dereder er a Merredel er a Ikelesia er a ikel basio el sebechir a rechad le mo kldibel. E sera 1840, e a remengeteklel a ikelesia a ulemuchel el meruul eru el meklou longdibel er a tal rak.

Ngua ngera Teletelel a Meklou Longdibel er Chelechal Sils

A First Presidency, me a Chelechad er a Teruich me a teru el Apostol, me a rebebil er a remengetklel a Ikelesia a mengedecheduch er sel temel a klou longdibel. A Tabernacle Choir er a Temple Square me a rebebil er a rechad er a chelitakl a mengitakl. A bek longdibel a ngarngii a kleim el mekekerei longdibel: kldei er a Sabadong e teblong er a Sandei. Sel Ongeua el buil, e sel ongedei el kekerei longdibel a mo er a chelechad er a Aaronic me a Melchizedek Priesthood. E sel kuk Ongeteruich el buil, e ngarngii a kekerei longdibel el mo er a rodos er a Relief Society me a Young Women.

Osischeklir a Remengetklel a Ikelesia

Aikel buil ruchei er a klou longdibel, e a remengeteklel a Ikelesia a ngara nglunguuch el kirel aikel bo lolisechakl. A Rubak a mo omekellomes er tir me te mo medengei aikel bo lolekoi. Te olisechakl a klemerang er a ebangkelio e siotai er kid el mo oltirakl a llechul a Dios. Te sioning er a Jesus Kristo e mengelechel er kid el mo oltirakl er a Ngii.

Mesuub lokiu Ongdibel

Uchei er a klou longdibel, eng sebeched el meluluuch me kede mo remenges aikel soal a Dios a desuub. Me sel dorrenges a cheldecheduch, e a Chedaol Reng a osischeklid er a ikel kired el mo medengei. Uriul er a klou longdibel, e ikal cheldecheduch a ngarngii er a ChurchofJesusChrist.org, er sel Gospel Library app, me a Liahona. Ng sebeched el mo ngara nglunguuch e mesuub aikal cheldecheduch el lmuut el kmal mo medengelii a Jesus Kristo me a ebangkelio er Ngii.

Ngara Chedaol Llechukl

A Jesus Kristo a ulisechakl el kmo ng kired el mo blechoel mo kldibel (mesa 3 Nephi 18:22).

Sel sekum a rechedal a Ikelesia a dmak el ngara omengull, e a Rubak a mo obengterir (mesa Mateus 18:20).

A Rubak a dilu er a rechedal a Ikelesia me bo lekasisechakl el kaingeseu er a delongelir (Doctrine and Covenants 43:8).

Sel sekum a rechedal a Ikelesia ochotii a klaumera er tir er a Kristo, e a Reng er Ngii a mo ngara delongelir sel bol kldibel (mesa Doctrine and Covenants 44:2).

© 2021 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Klumech er a Bek el Buil er a Liahona , Ongetiu el buil 2021. Palauan.17473 881