“Ti Nagan ti Simbaanna,” Para iti Pigsa dagiti Agtutubo, Okt. 2021.
Binulan a Mensahe iti Para iti Pigsa dagiti Agtutubo , Oktubre 2021
Ti Nagan ti Simbaanna
Adda kaipapanan iti likudan ti nagan nga inted ni Jesucristo iti Simbaanna.
simbaanko
Simbaan—maysa a grupo dagiti tao a mamati kadagiti agpapada a banag ken agdaydayawda a sangsangkamaysa. Tagikua ni Jesucristo daytoy a Simbaan. Inrugina daytoy. Idauluanna daytoy. Kukuana daytoy.
agpaawag
Imbaga ni Jesuscristo kadatayo no ania ti kayatna nga awag dagiti taona iti Simbaanna. Isu a dayta ti nasken nga awagtayo iti daytoy—ken no ania ti nasken a sisasayaat nga idawattayo iti dadduma nga awagda iti daytoy. Naggapu daytoy a nagan ken ni Jesucristo.
dagiti maudi nga aldaw
Dagiti maudi nga aldaw—dagiti aldaw a pagbibiagantayo; ti panawen sakbay ti Maikadua a Yaay ni Jesucristo. Insubli ni Jesucristo ti Simbaanna iti daga para iti daytoy maudi a panawen. Daytoyto ti mangtulong a mangisagana iti lubong para iti Maikadua a Yaayna.
Ti Simbaan ni Jesucristo
(Kitaen iti “simbaanko.”) Daytoy ti umuna a paset ti nagan nga inted ti Mangisalakan iti Simbaanna. Awaganna daytoy iti “Ti Simbaan” gapu ta Isu ti nangbukel iti daytoy. Ken Isu ti nangipan iti naganna iti daytoy.
Ud-udina nga aldaw
(Kitaen iti “dagiti maudi nga aldaw.”) Daytoy ti sumaruno a paset ti nagan ti Simbaan. Ipakitana laeng a daytoy ti Simbaan nga insublina kadagitoy nga aldaw, saan a daydi maysa nga inrugina kadagiti immun-una a panawen.
Dagiti Santo
Dagiti Santo—maysa a balikas a kaipapananna ti “tattao a nasantuan.” Daytoy ti maudi a paset ti nagan ti Simbaan. Ibagbagana maipapan kadagiti miembro ti Simbaan. Maaramidnatayo ni Jesucristo a nadalus ken natarnaw. Ken itedna kadatayo ti Espiritu Santo a mangpapigsa kadatayo no ikarigatantayo nga aramiden ti imbilinna. No adda pammatitayo Kenkuana ket agtultuloy a mangikarkarigatan, aramidennatayo a nasantuan. Pagbalinennatayo a Santo.
© 2021 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, October 2021. Ilokano. 17474 864