Bek el Buil Kirel a Klisichir a Rengeasek Klumech, Ongeteruich el Buil 2021

Sel Ngklel a Ikelesia er Ngii

Ngar ngii a belkul sel ngakl el Jesus Kristo a milngeklii el mora Ikelesia er Ngii.

Doctrine and Covenants 115:4

4 Meng uaisei el ikelesia er Ngak a mo okedongall er a uriul el klebesei, el Ikelesia er a Jesus Kristo er a Uriul Klebesei-el Santo.

ikelesia er ngak

Ikelesia—ng cheldebechel er a rechad loumerang osisiu el tekoi e dmak el oldanges. Tial Ikelesia a kloklel a Jesus Kristo. Ngii a milchelii. Ngii a mengetikaik er ngii. Tiang a kloklel.

mo okedongall

A Jesus Kristo a mla melekoi er kid er sel soal a rechad a bo lomekedong er a Ikelesia er Ngii. Maleuaisei e tiaikid sel kired el lomekedong er ngii—e kired el moungil melekoi er a rechad me tomekedong er ngii. Tial ngakl a mlara Jesus Kristo el mei.

uriul klebesei

Uriul el klebesei—sils el kid a kiei er a chelsel; el taem ruchei ra Ongeru el Mei a Jesus Kristo. A Jesus Kristo a ngiluu a Ikelesia er Ngii el mera beluulechad el tia sel mo meng ulebongel. Tia mo olngeseu er a omengedmeklel a beluulechad el kirel sel Ongeru el Mei.

Ikelesia er a Jesus Kristo

(Mesa “ikelesia er ngak.”) Tia sel mo kot el dauch er a ngakl el Osobel a ngiluu el mengkeklii a Ikelesia er Ngii. Ng omekedong er ngii el “Ngii el Ikelesia” e le Ngii el milngederodel er ngii. E ngiluu a ngklel al lolia er Ngii.

Uriul-klebesei

(Mesa “uriul el klebesei.”) Tiaikid sel ongeru el dauch er a ngkel a Ikelesia. Tia a kmal di olecholt el kmo tial Ikelesia el Ngii a liluut el nguu el mei er chelechal sils, a diak el sel Ngii a milchelii er sera kot luchul.

re Santo

re Santo—ng tekoi el belkul a kmo “rechad el tir a klikiid.” Tiaikid sel mo rokir sel ngkel a Ikelesia. Tiang a mesaod er a rechedal a Ikelesia. A Jesus Kristo a sebechel rullid el mo beches e klikiid. E Ngii a meskid a Chedaol Reng el mo melisiich er kid sel dolasem el meruul aikel ngii a mla dmung. Sel sekum e kede oumerang er Ngii e di melasem, e Ngii a mo rullid el mo chedaol. Ngii a rullid el mo Santo.

A Lmuut el Bebil

A lmuut el bebil el kirel a nglkel a Ikelesia, mesa:

• Russell M. Nelson, “Sel Meral Ngklel a Ikelesia,” Oct. 2018 klou el ongdibel.

• Russell M. Nelson, “Maleuaisei e a Ikelesia er Ngak a mo Okedongall,” Apr. 1990 klou el ongdibel.

• Omekrael el mora Chedaol Llechukl, “Ikelesia, Ngklel a.”

© 2021 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Bek el Buil el Klumech el Kirel a Klisichir a Rengeasek, Ongeteruich el buil 2021. Palauan.17474 881