Bek el Buil OmekraelKlumech, Ongeteruich el buil 2021

Ureor er a Templo

A templo a blil a Rubak. Ng sebeched el ngmai chedaol ruoll e soiseb er a telbiil lobengkel er a templo. Ng dirrek el sebeched el kudmokl a chedaol ruoll er a chelsel a templo el kirir a rebeldeked.

Siasing er a Templo er a Barranquilla Colombia el mlara Bruno Lima

Aikal rokui el reksi, ea Rubak a uleldurch er a rechedal el mo omekedechor a templo. A templo a chedaol basio el ngii a sebeched el omelchesiu er a beltkil a rengul a Dios, ngmai chedaol ruoll, e soiseb er a yaksok lobengkel. A Ikelesia a omekedechor a templo el meliuekl er a beluulechad me a re betok el chad a mo sebechir el ngmai aikal klengeltengat.

Siasing er a redil el ngara medal a Templo er a Oquirrh Mountain Utah el mlara Nexeo me a Matthew Reier

Sel Chedaol Klisiich

A rechedal a Ikelesia el tir a kiei el ngara llemalt a mora templo el mo melai a chedaol ruoll e soiseb er a telbiil, malechub a yaksok, lobengkel a Dios. A tara chedaol ruoll el denguu er a templo a chedaol klisiich. A tekoi el endowment a belkul “a sengk.” A chedaol klisiich er a templo a sengk er a Dios. Ngar tial chedaol ruoll e kede subii a uldesuel a Demad er a Babeluades el kirel a osobeled, me kid a soiseb er a telbiil el mo oltirakl a llechul a Dios. A lsekum eng blak a rengud loltirakl a ikal telbill el de riruul, e a Dios a mo omekngeltengat er kid.

Siasing er a robekel el merael er a bita er a Tmplo er a Manila Philippines el mlara Cristina Smith

Merenged er a Telungalek mel Dak

A chebechiil er a templo a dirrek el okedongall el kmo merenged. A robekel sel merenged er a templo e loltirakl a telbilir, e te mo kaubuch el mo cherechar. Alsekum e te moungalek, e tirkel ngalek a dirrek el mo merenged el mo er tir. A chedam ma chedil el mla merenged ruriul er a bla bo loungalek a sebechir a rengelekir el mo merenged el mo er tir. Alsekum e te mo kiei el ngara llemalt, e te mo telungalek el mo cherechar.

Siasing er a blil a techolb chelid er a Templo er a Lisbon Portugal el mlara Leslie Nilsson

Ureor er a Templo el mora Rokui el Ngelekel a Dios

Kid a meruul a urerel a reski er a telungalek me bo dodengei a teletelir a re beldeked. Seikid a kede kudmokl a ureor er a templo el kirir. Kede mo kudmokl el kirir aikel rokui el chedaol ruoll el chad el dirke kiei a ousbech: techolb chedlid, olterekokl, ngeiul a priesthood (mora rsechal) chedaol klisiich, me a omerenged. Seikid e tir a sebechir el melilt el kongei el ngmai ikal chedaol ruoll alsekum eng sorir. Ngokiu tiakid el teletael, ea rokui el ngelekel a Dios a sebecherir loldeu a rengrir er a klengeltengat er a ebangkelio.

Siasing er a telungalek el ngara medal a Templo er a Philadelphia Pennsylvania el mlara Cody Bel

Klengeltengat er a Ureor er a Templo

Alsekum e kede oltirakl a telbiil el de ngilai er a templo, e kede mo ngmai a klengeltengat, mo selbechakl, e ngmai a klisiich. A klisichel a prieshood a mo obengked. A telungalek er kid a mo dmak el diak a ulebengelel.

A templo a dirrek el basio er a budech me a ocholt. Me sel doruul a ureor er a templo, eng sebeched el ngmai a chedaol ulekrael a omelchesiu er a beltkil a rengul a Dios.

Ngara Chedaol Llechukl

A rechedal a Rubak a mla modurch el mo omekedechor a templo (mesa Doctrine and Covenants 124:39).

A ureor el mekedmokl er a chelsel a templo a uldimukl a merenged er a telungalek el mo dmak (mesa Doctrine and Covenants 138:47–48).

A chedaol ruoll el mekedmokl er a beluulechad a oureor er a babeluades (mesa Matthew 16:19; Doctrine and Covenants 132:46).

© 2021 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Klumech er a Bek el Buil er a Omekrael, Ongeteruich el buil 2021. Palauan.17474 881