“Basa reMutemberi,” Liahona, October 2021
Shoko reMwedzi Woga Woga reLiahona Gumiguru 2021
Basa remuTembere
Matemberi imba yaIshe. Tinokwanisa kugamuchira zvisungo uye kuita zvibvumirano naVo mutemberi. Tinokwanisawo kuita zvisungo mutemberi zvemadzitateguru edu.
Mufananidzo weTemberi yeBarranquilla Colombia naBruno Lima
Nemunhoroondo yese, Ishe vakaraira vanhu Vavo kuti vavake matemberi. Matemberi inzvimbo tsvene dzatinokwanisa kunzwa rudo rwaMwari, dzatinogashira zvisungo, uye nekuita zvivimbiso Navo. Chechi iri kuvaka matemberi pasi rese kuitira kuti vanhu vazhinjisa vagokwanisae kuwana maropafadzo aya.
Mufananidzo wemukadzi ari pamberi peTemberi yeOquirrh Mountain Utah naNexeo naMatthew Reier
Endaumenti
Nhengo dzechechi idzo dziri kurarama zvakarurama dzinoenda kutemberi kunogamuchira zvisungo uye nekuita zvibvumirano, kana zvivimbiso, naMwari. Chimwe chisungo chatinogamuchira mutemberi iendaumenti. Shoko rekuti endaumenti rinoreva “chipo.” Endaumenti yemutemberi chipo chinobva kuna Mwari. Muchisungo ichi tinodzidza pamusoro pechirongwa chaBaba Vokudenga cheruponeso rwedu, uye tinoita zvibvumirano zvekuchengeta mirairo yaMwari. Kana takatendeka kuzvibvumirano zvatinoita, Mwari vanozotiropafadza.
Mufananidzo wemurume nemudzimai vari kufamba nepaTemberi yeManila Philippines naCristina Smith
Kusunganidza Mhuri Pamwechete
Muchato mutemberi unodaidzwawo kunzi sunganidzo. Kana vaviri vakasunganidzwa mutemberi uye vakachengeta zvibvumirano zvavo, vanozova vakachata nariinhi nariinhi. Kana vaine vana, vana ivavo vanozosunganidzwawo kwavari. Vabereki vakasunganidzwa mushure mekunge vaita vana vanokwanisa kuita kuti vana vavo vasunganidzwe kwavari. Kana vachirarama zvakarurama, vanozove mhuri nemukusingaperi kwose.
Mufananidzo weNzvimbo yeKubhabhatidzirwa yeTemberi yeLisbon Portugal naLeslie Nilsson
Basa remuTemberi reVana Vese vaMwari
Tinoita basa renhoroondo yemhuri kuti tizive pamusoro pemadzitateguru edu. Tinobva zvino tavaitira basa remutemberi takavamiririra. Isu tinovaitira zvisungo zvese zvinodikanwa nevapenyu: rubhabhatidzo, rusimbiso, kugamuchira hupirisita (kwevarume), endaumenti, uye sunganidzo. Vanokwanisa zvino kusarudza kana vachida kutambira zvisungo izvi. Nenzira iyi, vana vaMwari vese vanokwanisa kuwana maropafadzo evhangeri.
Mufananidzo wemhuri iri pamberi peTemberi yePhiladelphia Pennsylvania naCody Bell
Maropafadzo eBasa remuTemberi
Kana tikachengeta zvibvumirano zvatinoita mutemberi, tinozoropafadzwa, kudzivirirwa, uye nekusimbiswa. Tinozova nesimba rehupirisita riinesu. Mhuri dzedu dzichava pamwechete nariinhi nariinhi.
Temberi inzvimbowo yerunyararo nekuzarurirwa. Apo patinoita basa remutemberi, tinokwanisa kugamuchira nhungamiro yezvepamweya uye nokunzwa rudo rwaMwari.
© 2021 neIntellectual Reserve, Inc. All rights reserved. Chakadhindwa muUSA. Mvumo yemuChirungu: 6/19. Mvumo yeDudziro: 6/19. Dudziro yeMonthly Liahona Message, October 2021 Shona. 17474 731