E Teimatoa te Waaki iaon Tembora aika Boou

Ngkai e tabe n raoiroi butinakon te aoraki aio, kaukuuki ma katabuan tembora a manga waaki naba. Tain manga kaukan tembora e na teimatoa ao man bibitaki ni kaineti ma rootakin te tabo n te aoraki aio.

Ana kaukuuki te tembora i Winnipeg, Manitobwa, Canda ae tabe n wakinaki ao e na katabuaki n Okitobwa 31, 2021 ao ibukin te tembora i Pocatello, Idaho, USA e na katabuaki n Nobembwa 7, 2021.

Te Mesa Arizona Tembora Visitors’ Center are e boou e katabuaki n Aokati 2021 ao neweabaan te tembora e na karaoaki man Okitobwa 16 ni karokoa Nobembwa 20 n reitaki ma manga katabuana kaua n Ritembwa 12.

Te Nauvoo Tembora n te mwakoro i Illinois e a tibwa onobwaiaki ao man katabuaki, ao e na manga waaki te katamaroa rimwi.

Neweabaan te tembora i Washington, D.C., USA e baireaki imwain manga katabuana kaua n Tuun 19, 2022.

Inanon Meei te ririki aei, e katanoataaki te tembora ae boou i Ephraim, Utah USA, e a tia n katabwenaaki tanon tembora ake i Salvador, Brazil; Nairobi, Kenya; Phnom Penh. Cambodia; Neiafu, Tonga ao i Tallahassee, Florida; Tooele, Utah; Syracuse, Utah; Helena, Montana ao Pittsburgh, Pennsylvania, USA.

Imwin te maungatabu ni kabuta, ao e katabwenaki tanon te tembora are i Casper, Wyoming, USA n Okitobwa 9, 2021 ao temboran Pago Pago, American Samoa n Okitobwa 30, 2021.

Te onobwai iaon tembora a teimatoa n waaki ibukin Hamilton, New Zealand; Hong Kong, China; Tokyo Japan; Columbus, Ohio, USA ao Manti, Salt Lake City ma St. George, Utah, USA.

Kateitei a waaki iaon 40 te tembora ngkai ni kabuta te aonnaba.