Blong Ol Yut Oli Kam Strong Mesej blong Evri Manis, Disemba 2021

Hem I Bin Kam

Ol Doktrin mo Kavenan i testifae se Jisas Kraes i kam long wol mo i tijim yumi abaot hu ia Hem mo wanem Hem i karem i kam long evri man.

Hem I bin Bon I kam long Wol

I Kam, long Jenedy Paige

“Mi bin stap long wol mo mi bin mekem tabenakol blong mi i kam bodi blong mit, mo mi bin stastap long medel blong ol pikinini blong ol man.”

Doktrin mo Ol Kavenan 93:4

“Luk mi mi Jisas Kraes, Pikinini blong God. Mi mi kam long olgeta we oli blong mi, mo olgeta we oli blong mi oli no bin akseptem mi.”

Doktrin mo Ol Kavenan 10:57

Hem I Kam blong Mekem Tingting blong Papa blong Hem

Long Wol ia i Semmak Olsem long Heven, i kam long Justin Kunz

“Mi, mi Jisas Kraes; mi bin kam tru long tingting blong Papa, mo mi mekem tingting blong hem.”

Doktrin mo Ol Kavenan 19:24

Hem I Bin Lanem Samting mo I Groap

Mo Pikinini ia i bin Groap mo i Stap Strong long saed blong Spirit, i kam long Walter Rane

“Mo hem i no bin kasem ful paoa mo glori long fas taem, be hem i bin gohed blong kasem wan gladhat mo i gro mo kasem moa gladhat, kasem taem hem i kasem ful paoa mo glori;

“Mo olsem ia nao oli bin singaotem hem Pikinini blong God, from se hem i no bin kasem ful paoa mo glori long fas taem.”

Doktrin mo Ol Kavenan 93:13–14

Hem I Kam blong Pemaot Evri Man

Kraes long Getsemane, i kam long Michael Malm

“Mi mi God, mo mi sendem Wan Stret Pikinini Ia Nomo blong mi long wol ia blong hem i pemaot wol ia.”

Doktrin mo Ol Kavenan 49:5

“Luk, mi mi Jisas Kraes, Sevya blong wol.”

Doktrin mo Ol Kavenan 43:34

Hem I Sendem Ol Narafala Man blong Testifae abaot Hem

Peinting i kam long Justin Kunz

“Talemaot ol gud nius i go long ol pipol we oli stap laef long wol.”

Doktrin mo Ol Kavenan 62:5

“Talemaot ol samting we yutufala i bin harem, mo yutufala i biliv tru, mo save se oli tru.”

Doktrin mo Ol Kavenan 80:4

Hem I Laet

Smol Sipsip, i kam long Jenedy Paige

“I tru, mi talem long yufala, se mi mi Alfa mo Omega, stat mo en, laet mo laef blong wol ia—wan laet we i saen long tudak mo tudak ia i no andastanem hemia.”

Doktrin mo Ol Kavenan 45:7

“Mo we mi mi tru laet we i saenem evri man we i kam long wol ia.”

Doktrin mo Ol Kavenan 93:2

© 2021 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem translesen: 6/19. Translesen blong Monthly For the Strength of Youth Message, December 2021. Bislama. 17476 852