“Wɔyɛ Medze na Minyim Hɔn,” Ma Mbabun Enya Ahoɔdzen, Sanda 2022.
Bosoom bosoom Ma Mbabun Enya Ahoɔdzen Amandzɛɛbɔ, Sanda 2022
“Wɔyɛ Medze na Minyim Hɔn”
Mfonyin no fi Getty Images hɔ
Ana enya atsenkã pɛn bi dɛ nnsɛ hwee a? Bia inyaa atsenkã yi ber a edween nkorɔfo dodow a wɔwɔ wiadze yi mu ho anaa ehwɛɛ nworaba dodow a wɔwɔ wimu no. Ana wɔayɛ wo nwanwa pɛn dɛ Nyankopɔn nyim wo nyimpa ban ankasa a, na mbrɛ w’abrabɔ tse? Sɛ ɔtse dɛm dze a, nna Moses wɔ amandzɛɛbɔ bi ma wo.
Enyido-adzehu mu no, Nyankopɔn yii asaase no ne beebiara na hɔn a wɔbɛtsena do nyina kyerɛɛ Moses. Nna hɔn dodow no yɛ ma “wonntum nnkan hɔn tse dɛ anhwea a ogu mpoano mpo” (Moses 1:28). Na Nyankopɔn see Moses dɛ “wiadze a wonntum nnkan na mobɔe” (Moses 1:33)—dɛ N’abɔdze tra asaase yi korakora.
Bɛyɛ dɛ ber a Moses hun ndzɛmba yinom nyina no ɔbɔɔ no do. Bia ɔdwendwen ho dɛ: Abɔdze beberebe nyina yi henfa na mehyɛ? Na osi dɛn na Nyankopɔn tum dzi dza ɔdɔɔ sõ dodow yinom nyina ekyir?
Nyankopɔn no mbuae no nna ɔda famu koraa: “Ndzɛmba nyinara minyim hɔn dodow.” Osi dɛn yɛ? “Wɔyɛ medze na minyim hɔn”(Moses 1:35). Nna Nyankopɔn nyim Moses ne nyimpa ban, tse dɛ ma Onyim Ne mba nyina mpo no, na N’abɔdze nyinara no. Ne nyinara yɛ Ne dze—nworaba, anhwea, na nkanka Ne mba a wɔwɔ asaase yi do no. Hɔn nye siantsir ne nyinara a Ɔyɛɛ asaase no. Hɔn onnyiewiei nkwagye nye Nyame N’edwuma tsitsir.
“Na hwɛ, iyi nye m’edwuma na m’enyimnyam—dɛ medze nyimpa ne bɛkyebo na onnyiewiei nkwa bɔbɔ adze.” (Moses 1:39).
Tse dɛ mbrɛ Moses sii hun bea a ɔhyɛ wɔ Nyankopɔn Ne nhyehyɛɛ mu no, wankasa so botum enya awerɛhyɛmu dɛ Nyankopɔn nyim wo! Ɔboa wo ma asan akɔ Ne nkyɛn nye N’edwuma na enyimnyam. Dɛn ntsi a? Osiandɛ dɛ eyɛ Ne dze. Na biribiara nnkyerɛ dɛ nnsɛ hwee!
© 2021 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, December 2021 ne Nkyerɛasee. Fante. 18295 502