“Elos Mwet Luhk ac Nga Etwaclos,” In Ahkkweye Mwet Fuhsr, Jacnwacri 2022.
Mahlwem In Ahkkweye Mwet Fuhsr Sramsram, Jacnwacri 2022
“Elos Mwet Luhk ac Nga Etwaclos”
Petsac itucklac ke Getty Images
Nuh oasr pacl kom puhla muh wacngihn srihpom? Sahp kom oacna puhlakihn atac se inge ke kom nuhnkuh lah mwet ekahsr nohfohn fin facluh kuh ngwetlah liye lah itu ekahsr oasr lucng? Nuh oasr pacl kom nuhnkuh lah fin God El etuh lah suc kom an ac fuhkah ohiyacn moul lom an? Fin oacna, na oasr mwe luti lal Moses nuh sum.
Ke sie aruhrruhma, God El ahkkahlwemye nuhsel Moses ip srihsrihk ke facluh ac mwet nuhkwewa suc fah muhta kac. Elos oacna “pohkpohk pwe inkof ah ma tiac kuh in oekyucklac” (Moses 1:28). God El tuh fahk nuhsel Moses lah El oraclah “facluh wacngihn nacmpuh srihkeyac” (Moses 1:33)—lah ma oreklac Lal uh sun wacngihn srihkasrak kac ke facluh se inge.
Moses El fwefwelac ke El liye ma inge nuhkwewa. Sahp elac nuhnkuh: Kuh piyac acn se fal nuhsihk inmahsrlon ma oreklac pucspucs inge? Ac God Elac kuh in muhta liye ma puhla ten inge fuhkah?
Top luhn God ah arlac fihsracsr: “Ma nuhkwewa oacwaclah nuh sihk.” Fuhkah? “Elos mwet Luhk, ac Nga etwaclos” (Moses 1:35). God El etuh lah suc Moses met, finne ke Elacn etuh pac tuhlihk nuhkwewa Nahtuhl, oacyacpac ma oreklac nuhkwewa Lal. Elos nuhkwewa mwet Lal—itu, pohkpohk, ac yohkna tuhlihk sruhsruhi Nahtuhl fin facluh. Elos pa srihpac nofohn se pwacnwacng El oraclah facluh uh. Moul ma pahtpaht lalos pa orekma yohk srihpac emet luhn God uh.
“Tuh liye, pa inge orekma ac wolacna luhk—in ahkfahsrye moul kawihl ac moul ma pahtpaht luhn mwet uh” (Moses 1:39).
Ke na Moses El etwacack lah elac oasr oyac kac ke plwacn luhn God ah, kom oacyacpac kuh in kahlwem kac lah God El etwekom! Kasrweyacn fohlohk nuh Yohrohl pa orekma ac wolacna Lal. Efuh? Mweyen kom mwet Lal. Ac wacngihn na ma tiac akihlwenyuck kac!
© 2021 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuh ke Monthly For the Strength of Youth Message, December 2021. Kosraean. 17467 868