“Bazali ya Ngai mpe Nayebi Bango,” Mpo na Bokasi ya Bilenge, Sanza ya yambo 2022
Etinda ya Sanza Mpo na Bokasi ya Bilenge Sanza ya yambo 2022
“Bazali ya Ngai mpe Nayebi Bango”
Foto uta na Getty Images
Osila komiyoka ozanga ntina? Osila koyoka yango mbala mosusu ntango okanisaka lolenge nini bato bazali ebele na mokili to kotalaka lolenge nini minzoto ezali na likolo. Osi omitungisa soki Nzambe ayebi oyo yo ozali mpenza mpe nini bomoi na yo ekokani na yango? Soki ezali bongo, yeba Mose azali na nsango moko mpo na yo.
Na limoni, Nzambe alakisaki Mose milona moko na moko ya mabele mpe bato nyonso oyo bazalaki kobika kuna. Bazalaki “ebele lokola zelo likolo ya libongo ya mbu” (Moses 1:28). Nsima Nzambe ayebisaki Mose ete asalaki “mikili ezanga motuya” (Moses 1:33)—ete azali na bikelamu na Ye mosusu koleka mabele oyo.
Ntango mosusu Mose ekamwisaki makasi ntango amonaki makambo nyonso oyo. Mbala mosusu amitunaki: epai wapi ngai nazali na kati ya bikalamu ebele oyo? Mpe lolenge nini Nzambe akoki kobatela mokumba ya ebele boye?
Eyano ya Nzambe ezalaki pete: “Biloko nyonso etangami epai na ngai.” Lolenge nini? “Bazali ya Ngai mpe Nayebi Bango” (Moses 1:35). Nzambe ayebaki oyo Mose azalaki, kutu lokola Ayebaka bana na Ye nyonso, mpe lokola ayebaka bikelamu na Ye nyonso. Yango nyonso ezali ya Ye—minzoto, zelo, mpe mingimingi bana na Ye na mabele. Bazali ntina oyo esalaki ete Ye akela mabele. Lobiko na bango ya seko ezali mosala ya ntina koleka ya Nzambe.
“Mpo tala, oyo ezali mosala na ngai mpe nkembo na ngai—kosala bozangi kufa mpe bomoi ya seko ya moto” (Moses 1:39).
Kaka lokola Mose ayekolaki epai wapi ye azalaki na kati ya moango ya Nzambe, yo mpe okoki kondimisama ete Nzambe ayebi yo! Kosungaka yo ozonga epai na Ye ezali mosala mpe nkembo na Ye. Mpo na nini? Mpo ete ozali ya Ye. Mpe ezali na eloko moko te ezanga ntina etali likambo oyo!
© 2021 na Intellectual Reserve, Inc. Makoki nyonso ekebisami. Ebetami na Etazini. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly For the Strength of Youth Message, December 2021. Lingala. 18295 639