Etinda ya Sanza ya Liahona Sanza ya yambo 2022

Bokweisami Ezalaki Eteni ya Moango ya Nzambe

Na ntina ya Bokweisami, biso toyei na mabele mpe tokoki mokolo moko kozonga mpo na kofanda elongo na Tata na Lola.

Adama mpe Ewa na Elanga ya Edeni, na Robert T. Barrett

Na Elanga ya Edeni, Nzambe atindaki Adama mpe Ewa balia te mbuma ya nzete ya boyebi ya malamu mpe mabe. Nsima ayebisaki bango, “Okoki kopona mpo na yomei, … kasi, omikundola ete napekisi yango” (Mose 3:17). Satana asenginyaki Ewa alia mbuma ya nzete. Ayebisaki ye, “Bokozala lokola banzambe, koyebaka malamu mpe mabe” (Moses 4:11). Aliaki mbuma mpe nsima akabolaki yango na Adama. Nzambe atindaki bango libanda ya Elanga ya Edeni

Bokwei

Adama mpe Ewa Babenganamaki Libanda ya Elanga, na Gary L. Kapp, may not be copied

Ntango Adama mpe Ewa batikaki Elanga ya Edeni, bazalaki lisusu te kofanda na miso ya Nzambe. Bokabwani oyo uta na Nzambe abengami kufa ya molimo. Kotikaka elanga elingi koloba lisusu Adama mpe Ewa bakomaki bakufi mpe bakomaki na makoki ya kokufa. Atako Adama mpe Ewa bazalaki lisusu te elongo na Nzambe mpe bakomaki sikawa bakufi, bazalaki na esengo mpe elikya ntango bamonaki ete bakoki kokende liboso (tala Moses 5:10–11). “Adama akweyaki mpo bato bakoka kozala; mpe bato bazali, mpo ete bakoka kozala na bosepeli” (2 Nefi 2:25).

Ntango ya Lisenginya

Ntango tobotami, tobikaka ya kokabwana uta na Nzambe, kaka lokola Adama mpe Ewa basalaki nsima ya Bokweisami. Satana asenginyaka biso mpo na kosala maponami ya mabe. Masenginya oyo epesaka biso makoki ya kosenginya mpe kopona bolamu mpe mabe (tala Alma 12:24). Ntango nyonso tosalaka lisumu mpe toyamboli te, totikala mosika uta na elongi ya Tata na Lola. Kasi soki toyamboli, topusanaka pene ya Tata na biso ya Lola.

Liwa ya Nzoto

Mabele ekelamaki mpo na biso (tala 1 Nefi 17:36). Bokweisami epesaki Adama mpe Ewa makoki ya kosalela mitindo ya Nzambe ya kozala na bana, kopesaka biso ndingisa ya koya na mabele na nzoto ya bomoto. Banzoto na biso ekokufa mokolo moko, kasi milimo na biso ekokoba kozala na bomoi. Banzoto na biso mpe milimo ekozongisama ntango tokosekwa.

Tobikisami na Yesu Klisto

Lisekwa, na Harry Andersen

Na nzela ya nguya ya bomikabi ya Yesu Klisto, tokoki kolonga kufa ya nzoto mpe ya molimo. Mpo ete Klisto asekwaki, moto nyonso oyo abotami na mabele oyo akosekwa mpe akozala na bomoi ya seko. Mpe mpo ete Klisto anyokwamaki mpo na biso, tokoki koyambola mpe kolimbisama mpo ete tokoka kozala lisusu na bomoi elongo na Tata na biso ya Lola.

© 2021 na Intellectual Reserve, Inc. Makoki nyonso ekebisami. Ebetami na Etazini. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly Liahona Message, January 2022. Lingala. 18295 639