“Aika a Blebelek me Ak Medengei,” Kirel a Klisichir a Rengeasek, Kot el buil 2022.
Bek el Buil Kirel a Klisichir a RengeasekKlumech, Kot el buil 2022
“Aika a Blebelek me Ak Medengeir”
Siasing el mlengai er a Getty Images
Ngarngii a tal ble molchesuar el diak a ultutelem? Ke locha ulmelchesuar el uaisei e le kulmedasu el kmo ngtela idisir a rechad el ngar tial beluulechad a lechub e ke ulemes a betok el btuch el ngara a yanged. Ngarngii a tal ble momdasu a lsekum a Dios a meral medengelkau e ua ngerang a klengar er kau? A lsekum eng uaisei, ea Moses a ngarngii a klemechel el mo er kau.
Ngara chelsel a ues, ea Dios a ulechotii a Moses a rokui el mekekerei el teletelel a beluulechad me a rokui el chad el mo kiei er ngii. Ng uai a betok el ildisel a chelechol er a rriil(Moses 1:28). A Dios a ulechais er a Moses el kmo Ngii a riruul a betok el beluulechad (Moses 1:33)—el lmuut el betok a lulmeob el luldimukl er a beluulechad.
A Moses a locha mlo omelchesiu er a beraod sera leues a ikal rokui el tekoi. Meng locha ulmedasu el kmo: Ngak a mo er ker er a chelsel a ikal betok el bleob el tekoi? E mekerang a Dios a lungil medengei a ikang?
A nger er a Dios a mle beot el kmo a rokui el tekoi a ulecherangel el merngak. Ng mekerang e uaisei? “Aika a Blebelek me Ak Medengei”(Moses 1:35). A Dios a mle medengelii a Moses, el di ua sel Ngii a medengelterir a rokui el Rengelekel, me a rokui el Blebelel. A rokui a Kloklel—a btuch, chelechol, me a re tokubets el Rengelekel el ngara beluulechad. Tir a kmal uchul e Ngii a milebii a beluulechad. A diak a ulebengelel klengar er tir a kmal klou a belkul el urerel a Dios.
Ele, tiang a urerek e klebkellek—el mo mesterir a rechad a diak el luut el kodall me a diak a ulebengelel klengar (Moses 1:39
El di uai a Moses el mlo medengei el kmo ngarker a basio er ngii er a moktek er a Dios, kau el dirrek a sebechem el mo klou a rengum el kmo a Dios a medengelkau. A olengeseu er kau el lmuut el mo er Ngii seikid a urerel e klebkellel. E le ngerang? E le kau a Ngelekel. Me tia diak le kekerel el tekoi!
© 2021 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Bek el Buil el Klumech el Kirel a Klisichir a Rengeasek, Ongteruich me a ongerul buil 2021. Palauan. 18295 881