“A Rebet a Mle Telengtengil a Moktek er a Dios,” Liahona, Kot el buil 2022
Bek el Buil LiahonaKlumech, Kot el buil 2022
A Rebet a Mle Telengtengil a Moktek er a Dios
Eleng Rebet a uchul, e kid a mei er a beluulechad ea tara klebesei e kede lmuut el mo kiei lobengkel a Demad el ngara Babeluades.
Adam me a Eva el ngara Sers er a Eden, mla er a Robert T. Barrett
Ngara Sers er a Eden, ea Dios a milekoi er a Adam me a Eva melak el bo longa er sel redechel a kerekar er a klemedengei er a ungil me a mekngit. Ng dilu er tir meng ditir el melilt el kirir, eng di, te kirir el melatk el kmo Ngii a olekebai er ngii (Moses 3:17). A Diablong a milngesuseu er a Eva el mo kolii a redechel tia el kerekar. Ng dilu er ngii el kmo ng mo uai a rechelid, el medengelii a ungil me a mekngit (Moses 4:11). Ng kilii tial rodech e ngiluu el msang a Adam. A Dios a uleldik er tir el mo tuobed er a Sers er a Eden.
Rebet
Adam me a Eva el Mlodik er a Sers, mla er a Gary L. Kapp, ngdiak molai a llechklel
Se er a Adam me a Eva er a le tobed er a Sers er a Eden, eng mlo diak el ngara rengedel a Dios. Tial klechacheroid er a Dios a okedongall el kodall er a reng. Se er a letobed er a sers a dirrek el belkul a kmo a Adam me a Eva mocha chemau a klechad e mo sebechir el mo er a kodall. Ma leuaisei a Adam me a Eva a mla mo diak lobengekel a Dios e mla mo chemau a klechad, eng mlo ungil a rengrir e mlo er ngii a ulungulir e le te milsa el kmo ng sebechir el ngoriakl (mesa Moses 5:10–11). “A Adam a rirebet meng mo sebechel mo er ngii a chad; e a chad a uaisei, meng mo sebechel mo er ngii a deuil a rengul” (2 Nephi 2:25).
Temel a Skeng
Sel demechell, e kede kiei el cheroid er a Dios, el di uai a Adam me a Eva er a uriul er a Rebet. A Diablong a mengesuseu er kid el mo meruul a mekngit el tekoi. A ikal omengesuseu a rullid el mo chemau a skeng e mo melilt er a delongelel a llemalt me a chebirukel. (mesa Alma 12:24). Sel bek el taem el derebet er a klengit e diak bo douchel a rengud, e kede merael mo cheroid er a Chedam er a Babeluades. Eng di a lsekum meke douchel a rengud, e kede merael mo kmeed er a Demad er a Babeluades.
Kodall er a tech
A beluulechad a ulebeob el kired (mesa 1 Nephi 17:36). A Rebet a uchul meng mlo sebechel a Adam me a Eva el mo rullii sel llechul a Dios el mo oungalek, meng mo sebeched el mei er a beluulechad e nguu a bedenged er a tech. A bedenged a mo mad er a tara klebesei, eng di a delbenged a melemolem el kiei. A bedenged me a delbenged a lmuut el mo dmak sel bo debekiis er a kodall.
Mlo Suobel lokiu a Jesus Kristo
Okiis er a Kodall, mla er a Harry Andersen
Ngokiiu a melngakireng el klisichel a Jesus Kristo, eng sebeched el mo mesisiich er a kodall er a tech me a reng. E le Kristo a milkiis er a kodall, a rokui el milechell er tial beluulechad a mo mekiis er a kodall e mo kiei el mo cherechar. E leng uchul a Kristo a mlo er a ringel el kirel a kengtid, e kid a sebeched el mo ouchel a rengud e mo ousubes meng mo sebeched el lmuut el mo kiei lobengkel a Chedam el ngara Babeluades.
© 2021 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Bek el buil Klumech er a Liahona, Kot el buil 2022. Palauan. 18295 881