“ගිවිසුම් අපව දෙවියන්වහන්සේ සමඟ සම්බන්ධ කරයි,” ලියහෝනා, 2022 පෙබරවාරි
මාසික ලියහෝනා පණිවිඩය, 2022 පෙබරවාරි
ගිවිසුම් අපව දෙවියන්වහන්සේ සමඟ සම්බන්ධ කරයි
ගිවිසුම් ඇතිකරගැනීම සහ පැවැත්වීම ආශිර්වාද ගෙන එයි.
ගිවිසුමක් යනු ස්වර්ගික පියාණන්වහන්සේ සහ උන්වහන්සේගේ දරුවන් අතර ඇති පොරොන්දුවකි. අප උන්වහන්සේ සමඟ ඇතිකරගන්නා ගිවිසුම් සඳහා උන්වහන්සේ කොන්දේසි සකසයි. අපි උන්වහන්සේ ඉල්ලන දේ කරන විට අපට බොහෝ ආශිර්වාද ලැබෙයි. ඒ වගේම අපිට ලැබෙන්නේ පොළොවේ ආශිර්වාද පමණක් නොවේ—අපි ගිවිසුම් ඇතිකරගෙන ඒවා තැබූ විට, අපි දෙවියන්වහන්සේ සහ අපගේ පවුල් සමඟ ස්වර්ගයේ ජීවත් වීමට නැවත පැමිණෙනු ඇත.
ගිවිසුම් සහ නියෝග
සමහර නියෝග අතරතුරදී අපි ගිවිසුම් ඇතිකර ගනිමු. දෙවියන්වහන්සේ සමඟ ජීවත් වීමට නැවත යාමට අප එම නියෝග පිළිපැදිය යුතු අතර එම ගිවිසුම් වලට කීකරු විය යුතුය. නියෝග සිදුකරනු ලබන්නේ පූජකත්ව අධිකාරිය විසිනි. එම නියෝග වලට බව්තීස්මය සහ තහවුරු කිරීම, මෙල්කිසදෙක් පූජකත්වය (පිරිමි සඳහා) ලබාගැනීම, සහ දේවමාළිගාවේ අප ලබන නියෝග ඇතුළත් වේ. සක්රමේන්තුව අතරතුර, සභාවේ සාමාජිකයන් දෙවියන්වහන්සේට දුන් පොරොන්දු අලුත් කරති (බලන්න දහම සහ ගිවිසුම් 20:77, 79).
ධර්මිෂ්ඨව ජීවත් වීමට ගිවිසුම් අපට උපකාර කරයි
බව්තීස්මයේදී, අපි යේසුස් ක්රිස්තුස්වහන්සේව අනුගමනය කිරීමට, නිතරම උන්වහන්සේව මතක තබාගැනීමට, සහ ආඥා පිළිපැදීමට පොරොන්දු වෙමු (බලන්න දහම සහ ගිවිසුම් 20:37). දෙවියන්වහන්සේ පොරොන්දු වන්නේ ශුද්ධාත්මයාණන්වහන්සේ සැමවිටම අප සමඟ සිටින බවයි.
පිරිමි පුද්ගලයන් පූජකත්වය ලබාගත් විට, ඔවුන් දෙවියන්වහන්සේගේ පූජකත්ව බලයට සුදුසු ලෙස ජීවත් වීමට පොරොන්දු වෙති. දෙවියන්වහන්සේ ඔවුන්ට ආශිර්වාද කරන්නට පොරොන්දු වෙයි. (බලන්න දහම සහ ගිවිසුම් 84:33–40.)
අපි දේවමාළිගාවේදී ඇතිකරගන්නා ගිවිසුම්
සභා සාමාජිකයන් දේවමාළිගාවේ දී ඔවුන්ගේ බලයෙන් සැරසීම ලබාගන්නා විට, ඔවුන් ධර්මිෂ්ඨව ජීවත් වීමට සහ ශුභාරංචිය වෙනුවෙන් කැපකිරීම් කිරීමට පොරොන්දු වෙති. ඔවුන්ට දෙවියන්වහන්සේගෙන් බලය පොරොන්දු වී ඇත (බලන්න දහම සහ ගිවිසුම් 38:32; 109:22).
දේවමාළිගාවේ මුද්රා තැබීම අතරතුර, ස්වාමිපුරුෂයා සහ භාර්යාව සදාකාලිකව විවාහ වී එකිනෙකාට සහ දෙවියන්වහන්සේට විශ්වාසවන්තව සිටින බවට පොරොන්දු වෙති. උන්වහන්සේ වෙත නැවත පැමිණ සදහටම පවුල් ලෙස ජීවත් විය හැකි බව දෙවියන්වහන්සේ ඔවුන්ට පොරොන්දු වෙයි. (බලන්න දහම සහ ගිවිසුම් 132:19–20.)
අපි ගිවිසුම් ජනතාවක්
යේසුස් ක්රිස්තුස්වහන්සේගේ පසුදවස් වල ශුද්ධවන්තයන්ගේ සභාවට සම්බන්ධ වන අය දෙවියන්වහන්සේගේ ගිවිසුම් ජනතාව බවට පත්වෙති. ඔවුන් ආබ්රහමික ගිවිසුමේ ආශිර්වාද සහ වගකීම්ද උරුම කරගනිති (බලන්න ගලාති 3:27–29). දෙවියන්වහන්සේගේ ගිවිසුම්ගත ජනතාවගේ කොටසක් වීම යන්නෙන් අදහස් වන්නේ අප ක්රිස්තුස්වහන්සේට සමීප වන විට අප එකිනෙකාට උපකාර කරන බවයි. එයින් අදහස් කරන්නේ අපි පොළොවේ දෙවියන්වහන්සේගේ සභාව ශක්තිමත් කිරීමට කටයුතු කරන බවයි. අපි අපගේ ගිවිසුම් රකින විට, අපට දෙවියන්වහන්සේගෙන් බලය සහ ශක්තිය සොයාගත හැකිය.
© 2022 by Intellectual Reserve, Inc. All rights reserved. අමෙරිකා එක්සත් ජනපදයේ මුද්රණය කර ඇත. ඉංග්රීසි අනුමැතිය: 6/19. පරිවර්තන අනුමැතිය: 6/19. Monthly Liahona Message, February 2022 හි පරිවර්තනයකි. Sinhala. 18313 408