“Sacrament: Kwan a yɛfa do kaa Agyenkwa no,” Liahona, Ebɔbira 2022.
Bosoom bosoom Liahona Amandzɛɛbɔ, Ebɔbira 2022
Sacrament: Kwan a yɛfa do kaa Agyenkwa no
Ewuradze Edzidzi a Odzi Ewiei, Simon Dewey yɛɛ nsaano mfonyin no
Anago no a ansaana wɔbɔbɔ No mbɛamudua mu no, Jesus Christ hyiaa N’esuafo no wɔ Ewuradze Edzidzi a Odzi Ewiei ase. Hɔ nye da a odzi kan a Ɔdze sacrament no maa hɔn. Ɔkyerɛɛ mu kyerɛɛ hɔn dɛ ɔyɛ kwan a wɔnam do bɛkaa No. Sacrament no yɛ ayɛdze ber a yedzi paanoo na yɛnom nsu yɛdze kaa Christ No Werdambɔ. Paanoo no gyina hɔ ma Christ ne nyimpadua, na nsu no gyina hɔ ma No bɔgyaa.
Yedzi sacrament Kwesida biara wɔ sacrament nhyiamu ase. Yɛtow asɔr ndwom ber a hɔn a wokitsa asɔfodzi no bubu paanoo no nketsenketse.
Hɔn a wokitsa asɔfo no a wobubuu paanoo no, bɔ mpaa soronko. Dɛm mpaabɔ yinom wobohu no wɔ Nkyerɛkyerɛɛ na Ahyɛmudzi 20:77,79. Mpaabɔ no kaa hɛn anohoba a yɛdze abɔ hɔn Ɔsor Egya na dza Ɔdze abɔ hɛn anohoba.
Hɔn a wokitsa asɔfodzi nkaa no dze sacrament no kɔ aprɔw ma ward na nkorbata asɔrmba no. Ber a yeridzi sacrament no, yɛkaa Agyenkwa no na N‘afɔrbɔ a Ɔbɔe dze maa hɛn. Yɛsan so si nkitse dɛ yebesie ahyɛmudzi (anohoba) a yɛnye hɛn Ɔsor Egya abɔ.
Yɛkyerɛ obu ber a worihyia sacrament no do na wɔdze rokɔ aprɔw. Ɔyɛ ber a yɛdwen Jesus Christ N’abrabɔ, Ne nkyerɛkyerɛ, na Werdambɔ ho. Yetum so dwen kwan a yebotum edzi Ne fasusu do.
© 2022 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, April 2022 ne nkyerɛasee. Fante. 18314 502