Til styrktar ungmennum Mánaðarlegur boðskapur, apríl 2022

Hinn þjáði frelsari

Hundruðum árum fyrir komu Jesú Krists, sá Jesaja fyrir þjáningar hans fyrir syndir okkar.

Jesaja 53:3-5

3 Hann var fyrirlitinn og menn forðuðust hann, harmkvælamaður og kunnugur þjáningum, líkur manni, er menn byrgja fyrir andlit sín, fyrirlitinn og vér mátum hann einskis.

4 En vorar þjáningar voru það sem hann bar, og vor harmkvæli, er hann á sig lagði. Vér álitum hann refsaðan, sleginn af Guði og lítillættan,

5 En hann var særður vegna vorra synda og kraminn vegna vorra misgjörða. Hegningin, sem vér höfðum til unnið, kom niður á honum, og fyrir hans benjar urðum við heilbrigðir.

fyrirlitinn og menn forðuðust hann

Þegar Jesús Kristur kom til jarðar trúðu sumir á hann en flestir gerðu það ekki. Þeir litu jafnvel niður á hann og margir hötuðu hann. Í lokin valdi fólkið að hann yrði pyntaður og drepinn. (Sjá 1. Nefí 19:9.)

vorar þjáningar voru það sem hann bar

Jesús Kristur tók á sig allan sársauka okkar, sjúkdóma og veikleika. Hann gerði þetta til þess að hann myndi miskunna sig yfir okkur og vita hvernig á að hjálpa okkur. (Sjá Alma 7:11–13.)

hann var særður vegna vorra synda

Jesús Kristur þjáðist fyrir syndir okkar. Hann gerði þetta til þess að við gætum öðlast fyrirgefningu er við iðrumst. (Sjá Kenning og sáttmálar 18:11; 19:15–19.)

fyrir hans benjar urðum við heilbrigðir

„Benjar hans“ eru sár hans. Þau standa fyrir alla þá þjáningu sem hann þoldi fyrir okkur, þar með talið úthellingu blóðs hans og dauða hans. Vegna þess að Jesús Kristur þjáðist fyrir okkur, getum við orðið heil á ný. Fórn hans gerir okkur kleift að fá fyrirgefningu fyrir syndir okkar. Þegar við iðrumst og reynum að halda sáttmála okkar, læknar hann og breytir okkur. (Sjá Mósía 3:7–11; Trúaratriðin 1:3.)

© 2022 Intellectual Reserve, Inc. Allur réttur áskilinn. Printed in USA. Samþykkt á ensku: 6/19. Þýðing samþykkt: 6/19. Þýðing á Monthly For the Strength of Youth Message, April 2022. Icelandic. 18314 190