Bek el buil Liahona Klumech, Ongelolem el buil 2022

Ngera Ngarngii er sel Ongdibel er a Sandei er a Ikelesia?

A rechedal a Ikelesia er a Jesus Kristo er a Uriul-klebesei el Santo, a mo kldibel er a bek el Sandei el mo mengull ra Dios e kausisechakl er a delongelir ra ebangkelio er a Jesus Kristo. A rokui el chad a subed el mei, ea rechedal a ikelesia a morngii a techellir el meluluuch, mo mengedecheduch, e olsisechakl a suobel a le sorir. A ikal longdibel a ngosuterir a rechedal a ikelesia el kasisiich lokiu a klaumerang e mo “oldak a rengrir elmo tang e kaubeltikelreng” (Mosiah 18:21).

Sakrament Miting

A rechedal a chelechad ra ward a mo kldibel ra bek el Sandei el kirel a sakrament miting. (Tirkel diak el chedal a ikelesia aki msiotai er tir el dirrek.) Tial chedaol el belsoil a mora re chedal a ikelesia sel temel a miting el molngeseu er tir el dobedebekii a Jesus Kristo (mesa sel Ongeua el buil 2022 Gospel Basics article el kirel a komakai el lomsodel tial sakrament). Tial miting a dirrek luldimukl er a nglunguuch, chelitakl ra omengull, ma cheldecheduch louchais a rechedal a ikelesia el kirel a ebangkelio er a Jesus Kristo.

Bebil ra Miting

Uriul ra sakrament miting, ea re chedal a ikelesia a obii el mora klas ma chelechad er tir. A rengalk el teruich ma eai el buil el mo ra re teruich ma tang a rekrir a ngara Primary. Sel kot ma ongedei el Sandei ra bekl el buil, ea rokui el chedal a ikelesia a ngara Sandei Skuul. Sel longerung ma ongeuang el Sandei, e te ngara Relief Society, Young Women, malechub eng miting ra cheldebechel ra priesthood.

Nglunguuch

A nglunguuch er a ikal miting a modars er a rechedal a ikelesia. A ikal nglunguuch a klebechel lokiu er a Chedaol Reng. A rechedal a ikelesia a meluluuch lousbech a tekoi el ngara rengrir lokiu a beltik el reng ma omengull elmo ra Demad ra Babeluades. Tiang a uldimukl er a usbechellel sel domeketakl el kmo Ngii, Kirel, Kirem, ma Kau sel loluluuch elmo re Ngii.

Cheldecheduch

A chedal a bishopric malechub eng branch presidency a olengit e ra rechedal a ikelesia me bol longedecheduch ra sakrament miting. A ikal cheldecheduch a di mesaod ra ebangkelio ra Jesus Kristo. A re mengedecheduch a ousbech a chedaol llechukl ma tekingir a remengeteklel a Ikelesia sel lomeob a tekingir. Te dirrek louchais ikel klaumerang er tir el mlokdubech ra klengeltengat leng osisechakl ra ebangkelio ra chelsel a klengar er tir.

Suobel

Uriul e ra sakrament miting, ea re chedal ikelesia a mesuub el kirel a ebangkelio ra ikel mekerei el klas er tir. A ikal losisechakl a sebechel ngara chedaol llechukl, ngosisechakl el milngai er sel klou longdibel, malechub eng kuk bebil ra tekoi. Maltang e ngkel sensei a mo mtebechel ra subelir, ngdi tiang a diak el ua skuul. A rokui el chedal a ikelesia a sebechir el kuk odars a uldesuir el kirel sel suobel.

Klaumerang

Ng derta ra tal buil, ra sakrament miting eng uldimukl er ngii a miting el bo douchais a klaumerang er kid. Tia blechoel ngarngii er sel kot el Sandei ra bek el buil. Sel ngarngii tial miting, ea rechedal a ikelesia a sebechir el mouchais a ikel klaumerang er tir el kirel a Jesus Kristo me a ebangkelio er Ngii. Sel douchais a ikel doumerang a belkul a kmo kede omeketakl a klemerang ra ebangkelio el lulekrael ra Chedaol Reng.

Mengedmokl

A rechedal a ikelesia a mengetmokl er tir el kirel a Sandei miting el meluluuch, mesuub a chedaol llechukl, e kldmokl elmo melai a ikel lulekrael el ngara Chedaol Reng. Alsekum e te olngit er kau el mo mengedecheduch malechub e ke molisechakl, e bol blak a rengum el meluluuch el kmo ke mekerang a bo molisechakl a suobel ra ebangkelio. Mousbech a chedaol llechukl. Mouchais er a klaumerang er kau er a klemerang. A re merredel er a Ikelesia a sebechir el ngosukau el toketekii tial suobel, alsekum kousbech a ngeseu.

A lsekum eng ngarngii a kerim el kirel a miting er a Ikelesia, eng sebechem el mengedecheduch er tirkel mesiou el rodam me a rodos, remerredel er a ward a lechub eng branch er kau, malechub a remisionari.

Ngara Chedaol Llechukl

A miting ra Ikelesia a okiu a Chedaol Reng (mesa Moroni 6:9).

A rechedal a Ikelesia a kausisechakl ra ebangkelio (mesa Doctrine and Covenants 88:77–78).

A re sensei ousbech a chedaol llechukl lolsisechakl el kirel a suobel ra ebangkelio (mesa Doctrine and Covenants 42:12).

Chelechad ra Ward

Primary: Mora rengalek el rekrir a ngara teruich ma eai el buil el mora teruich ma tang a rekrir.

klas er a re Young Women: Mora re ngeasek el redil el rekrir a ngara teruich ma erung el mora teruich me eai.

Aaronic Priesthood quorums: Mora rengeasek el sechal el rekrir a ngara teruich ma erung el mora teruich me eai.

Relief Society: Mora re meklou el redil lomuchel a rekrir ra teruich ma eai.

Elders quorum: Mora re meklou el sechal el rekrir omuchel ra teruich ma eai.

© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, June 2022. Palauan. 18315 881