Sulwaclah

Joshua el salka mwet lal in oraclah sulwaclah suwohs—in ukwe Leum.

sulwaclah

Etuh lasr in sulwaclah ac orekma nuh kac nuh sesr sifacna pahngpahng sukohsohk in sulwaclah Pa sie ip yohk srihpac nuhke plwacn luhn Pahpah Tuhmasr Inkuhsrao. Sie srihpac ke moul se inge pa in sulwaclah in ahkos masap luhn God oruh kuht kuh in oacna El. Kuht ac nuhnuhnkweyuck fal nuhke sulwaclah lasr. (Liye 2 Nephi 2:27; Doctrine and Covenants 101:78; Abraham 3:25.)

misenge

Joshua kwacfe nuh sin mwet lal in sulwaclah “misenge,” kuh ingena. Kuht enenuh in sulwaclah ma wowo pacl sefanna ac na srihke in olweacng nuh ke. (Liye Psalm 37:5.)

kuhlwacnsap

Ke fuhs se inge, in kuhlwacnsap kalmac pa in ahkmuhtahlye, kahsruh, ahkos, ac sang kuhiyom sifacna nuh sin mwet se. Kuht enenuh in kuhlwacnsuhpuh Leum (liye Moses 1:15).

god

Israel el sapkihnyuck in kuhlwacnsuhpuh God pwacye ac moul se muhkwena, Jisus Kraist (liye Exodus 20:2–5). Joshua el sang srihkasrak kacn god sahyac ma mwet lal tiac enenuh in alu nuh se. God sahyac in moul lasr kuh in oasr ma la, nuhnak luhn mwet sahyac, ohiyac sahyac—oacna sie ma us kuht lac liki Leum.

nga ac lohm sihk

Joshua el sramsram nuh sel sifacna ac mwet in lohm sel. El fahk elos in kuhlwacnsuhpuh Leum. El kena kol sucu lal in suwohs ac lotwelos in fahsr tukun Leum (liye Doctrine and Covenants 93:40).

© 2022 ke Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuh ke Monthly For the Strength of Youth Message, June 2022. Kosraean. 18315 868