Mahlwem nuhkwewa Liahona Mwe Fahkwack, Jun 2022

Meac Sikyak ke Tuhkweni luhn Alu ke Sacnri?

Mempucr ke Alu luhn Jisus Kraist luhn Mwet Luhlahlfongi ke Lwen-sahlfah fahsrweni ke kais sie Sacnri in alu nuh sin God ac luti sie pac wosasuc luhn Jisus Kraist. Mwet nuhkwewa sukohsohk in wi, ac mempucr ma fah oasr pacl se la in pruhe, orek sramsram, ac luti mwe luti fin elos luhngse. Tuhkweni inge kahsruh mempucr uh ahkkweye sie sin sie in luhlahlfongi ac oruh “insiaclos in maeni in ma se ac in luhngse sie sin sie” (Mosiah 18:21).

Tuhkweni luhn Sackruhmacn

Mempucr ke ward ac pracns fahsrweni kais sie Sacnri nuh ke tuhkweni luhn sackruhmacn. (Elos suc tiac ma ke luhlahlfongi lasr uh sukohsohk in wi pac.) Sackruhmacn uh sang nuh sin mempucr ke pacl in tuhkweni se inge in kahsrwelos in esam Jisus Kraist (liye sramsram soko ke Gospel Basic Eprel 2022 nuh ke mwe fahkwack yohk ke sackruhmacn). Tuhkweni uh oacyacpac oasr pruhe kac, on in alu, ac sramsram oreklac sin mempucr ke wosasuc luhn Jisus Kraist.

Tukweni Sahyac

Tukun tuhkweni luhn sackruhmacn, mempucr uh fahsrwelihk nuh ke kulahs ac u sirhsrihk. Tuhlihk srihsrihk matwac mahlwem 18 nuh ke yac 11 wi tuhkweni luhn Primary. Ke Sacnri se emeet ac ahktolu ke kais sie mahlwem, mempucr nuhkwewa wi tukweni luhn Sacnri Skul. Ke Sacnri ahkluo ac ahkahkosr, elos wi tuhkweni luhn Rilif Sosaiti, Muhtwacn Fuhsr, kuh tuhkweni luhn u srihsrihk ke pristut.

Pruhe

Pruhe ke tuhkweni luhn Alu oreklac sin mempucr. Pruhe uh fihsracsr ac kolyuck sin Nguhn Muhtahl. Mempucr uh pruhe orekmakihn kahs ma ahkkahlwemye luhngse ac ahkfuhlwact nuh sin Pahpha tuhmasr Inkuhsrao. Ma se inge orekmakihn kahs Thee, Thy, Thine, ac Thou ke pruhe nuh Sel uh.

Sramsram

Mempucr ke prestuhnsi luhn pisap ac pracns ngihsre mempucr in oruh sramsram ke tuhkweni luhn sackruhmacn. Sramsram inge tuhngal wosasuc luhn Jisus Kraist. Mwet sramsram uh orekmakihn ma suhmuhslah ac kahs luhn mwet kol ke Alu uh ke elos ahkolah sramsram lalos uh. Elos oacyacpac akacsruhi luhlahlfongi lalos ke mwe ahkinsewowo ke mwe luti luhn wosasuc in moul lalos.

Mwe Luti

Tukun tuhkweni luhn sackruhmacn, mempucr uh lutlutkihn wosasuc ke kuhlahs srihsrihk ah. Mwe luti uh ma ke ma suhmuhslah, mwe luti ke toeni luhlahp, kuh oacna sie sifac. Finne mwet luti se fah kol mwe luti lal, tiac fahk se na. Mempucr nuhkwewa ke kuhlahs se fah akacsruhi nuhnak la ke sifac se.

Fahkwack Luhlahlfongi

Kais sie pacl ke mahlwem, tuhkweni luhn sackruhmacn oasr tuhkweni in testimoni se. Wacna pa Sacnri se emeet ke mahlwem se. Ke tuhkweni se inge, mempucr uh kuh in akacsruhi luhlahlfongi lalos kacl Jisus Kraist ac wosasuc Lal. In fahkwack luhlahlfongi la kalmac pa in fahkwelihk ma pwacye ke wosasuc oacna ke pihrihkyuck sin Nguhn Muhtahl.

Ahkolah

Mempucr uh ahkolah nuhke tuhkweni ke Sacnri nge pa in pruhe lac, lutlutkihn ma suhmuhslah, ac ahkolah in eis kolyuck luhn Nguhn Muhtahl. Fin kom siyuckyuck in oruh sramsram se kuh luti mwe luti se, pruhe nuhnkuh kac lah kom ac luti fuhkah mwe luti luhn wosasuc. Orekmakihn ma suhmuhslah. Akacsruhi luhlahlfongi lom ke ma pwacye. Mwet kol lom ke Alu uh kuh in kahsrwe kom ahkolah, fin enenuh.

Fin oasr kihsensiyuck lom ke tuhkweni luhn Alu uh, kom kuh in sramsram nuh sin tamuhlwel ac tahmtahel in kahsruh luti, mwet kol ke ward kuh pracns, kuh misinacri ma.

Ke Ma Suhmuhslah uh

Tuhkweni ke Alu uh kolyuck sin Nguhn (liye Moroni 6:9).

Mempucr ke Alu uh luti sie pac wosasuc (liye Doctrine and Covenants 88:77–78).

Mwet luti orekmakihn ma suhmuhslah in luti ke mwe luti yohk luhn wosasuc (liye Doctrine and Covenants 42:12).

U Oreklac ke Ward se

Primary: Nuh sin tuhlihk srihsrihk matwac mahlwem 18 nuh ke yac 11.

Kuhlahs luhn Muhtwacn Fuhsr: Nuh sin muhtwacn fuhsr matwac 12 nuh ke 18.

U srihsrihk luhn Aaronic Pristut: Nuh sin mukul fuhsr matwac 12 nuh ke 18.

Rilif Sosaiti: Nuh sin muhwtacn mahtuh, matwac muhtwacwacack ke yac 18.

U srihsrihk luhn Elders: Nuh sin mukul mahtuh, matwac muhtwacwacack ke yac 18.

© 2022 ke Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lwenglah luhn Monthly Liahona Message, June 2022. Kosraean. 18315 868