Mukenji wa ku Ngondo wa Liahona Ngondo wa Muandamuteketa 2022

Mifundu: Dîyi dia Nzambi

kufunda kua muambi wa mu Dipungila Dikulukulu

Muambi wa mu Dipungila Dikulukulu, kudi Judith A. Mehr

Mifundu idi mikanda ya tshijila idi mifundibua kudi bambi. Mifundu idi ijadika bua Yezu Kilisto ne ilongesha pa lumu luimpa Luenda. Mifundu mitaba ya Ekelezia idi Bibilia (udi ne Dipungila Dikulukulu ne Dipungila Dipiadipia), Mukanda wa Molomo, Dilongesha ne Bipungidi, Ne Dibua dia Mushinga Mukola.

Dipungila Dikulukulu

Dipungila Dikulukulu didi miandiku ya dipetangana dia Nzambi ne bantu benda ba tshipungidi mu tshikondo tshia kala. Idi kabidi malongesha a bambi bu mudi Mose, Yoshuwa, Yeshayi, Yelemiya, ne Daniela. Nansha biobi bikala bifundibua nkama ya bidimu kumpala kua kuledibua kua Yezu Kilisto, bambi babungi ba mu Dipungila Dikulukulu mbafunda Buenda.

Dipungila Dipia-Dipia

Dipungila Dipia-Dipia didi miandiku ya diledibua, nsombelu, malongesha, ne bupikudi bua Yezu Kilisto. Bidi kabidi ne malongesha a Bapostolo ba Kilisto ne a bayidi bakuabo. Dipungila Dipia-Dipia didi dituambuluisha bua kumvua mushindu utudi mua kusomba ne lumu luimpa lua Yezu Kilisto lelu.

Yezu Kilisto udi Uyisha mu Kuamba kuenda ku Mukuna

Mukanda wa Molomo: Dipungila Dikuabo dia Yezu Kilisto

Mukanda wa Molomo udi muandiku bamua ba ku bantu bavua basombela mu Amerique wa kala. udi kabidi ne malongesha a bambi, ne kipatshila kenda kanena kadi kamvuija bonso ne Yezu udi Kilisto. Muambi Joseph Smith wakabikudimuna kupitshila ku palata ya ngolo dipa ne bukola bua Nzambi.

Joseph Smith udi upeta buakabuluibua

Joseph Smith Muana udi Upeta Dibuluibua, kudi Daniel A. Lewis

Dilongesha ne Bipungidi

Dilongesha ne Bipungidi udi ne mabuluibua mapesha Joseph Smith ne bakuabu bambi ba matuku a ndekelu. Buakabuluibua budi buleja mushindu udi Ekelezia wa Kilisto mulongolola. Idi kabidi ne malongesha a mushinga a lumu luimpa pa buakuidi, ne mishinga ya lumu luimpa, ne bidi bifika panyima pa moyo eu.

Dibua dia Mushinga Mukola

Dibua dia Mushinga Mukola udi ne mikanda ya Mose ne ya Abalahama, bujadiki bua Joseph Smith, ne Tunungu tua Ditabuija tua Ekelezia. Mudi kabidi Joseph Smith—Matayi, ne tshitupa dia dikudimuna dia Dipungila Dipiadipia kudi Joseph Smith.

Kulonga kua Mifundu

Bambi bakatulongesha tulonga mifundu diyuku dionso. Bidi bienza bua kukolesha ditabuja dietu ne kusemena pabuipi ne Tatu wa Diûlu ne Yezu Kilisto. Tetu tulonga mifundu ne kusambila, Nyuma wa Tshijila neatuambuluisha bua kupeta mandamuna ku nkonku yetu.

Bambi ba Lelu

Padi bambi ne bapostolo bakula lelu ku bukola ne Nyuma wa Tshijila, mêyi abu adi bu mifundu. Tshilejelu tshimua tshia ebi tshidi mpungilu munena. Tudi mua kulonga malongesha a ku mpugilu mu ngondo Muitanu ne wa Dikumi ne Umue mu Liahona.

Mbua Tshinyi Kubala Mifundu?

Mifundu idi ijadika bua Yezu Kilisto (tangila Yakobo 7:10–11).

Mifundu mifidibua ku lungenyi lua Nzambi (tangila 2 Timote 3:15–16).

Tudi mua kuteka mifundu mu mioyo etu (tangila 1 Nefi 19:23).

Mose udi utamba Satana

Mose udi utamba satana, kudi Joseph Brickey

Diumvuija diabungi pa Dibua dia Mushinga Mukola

Mukanda wa Mose: Muambi Joseph Smith wakakudimuna kudiujibua katupa kakese ka shapita wa kumpala wa Genese. Mose shapita 1 udi nkayenda; shapita mikuabo eyi idi pa Genese 1:1–6:13.

Mukanda wa Abalahama: Muambi Joseph Smith wakakudimuna kudiujibua mifundu ya Abalahama, kupitshila ku tshikata tshia mabeji mapeta mu Egyptu.

Tunungu tua Ditabuja: Mamanyisha dikumi ne asatu mafunda kudi Joseph Smith adi aleja nsapi ya ditabuja bu tshidimba tshia Ekelezia wa Mukalenga.

© 2022 by Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, July 2021. Tshiluba. 18298 760