“Kutshinyi To, Mukalenga Udi Neba,” Bua Dikankamika dia Bansonga, Ngondo wa Muandamuteketa 2022.
Mukenji wa ku ngondo Bua Dikankamika dia Bansonga Ngondo wa Muandamuteketa 2022
Kutshinyi To—Mukalenga Udi Neba
Biangata ku Muyuki wa mu mpungilu Munene wa Ngondo wa Dikumi 2018
Bowa ke mbubiabupia to. Kubangila ku tshikondo tshia kala, bowa buvua buimanyika muenenu wa bana ba Nzambi. Mu 2 Bakalenga, Mukalenga wa Siliya wakatuma musumba bua ukuata ne ushipa muambi Elisha.
“Ne padi musadidi wa [Elisha] ubika pa diba ne upatuka, wakamona, tshiluilu tshia mvita tshijinga tshimenga ne tubalu ne matempu a mvita. Ne musadidi wa [Elisha] kamba mundamunda ne, Aka, mfumu wanyi! tshituenza ntshinyi?” (2 Bakalenga 6:15).
Tshivua bowa buvua buakula.
“Ne [Elisha] wakandamuna ne, kutshinyi to: bua badi netu mbapita badi nabu kubungi.
Ne Elisha wakasambila ne kuamba, Mukalenga, ndi nkusambila, kungula mesu ende, bua amona. Ne Mukalenga wakakangula mesu a nsongaluma ne wakamona: ne, monayi, mukuna uvua ntenta ne tubalu ne matempu a mvita a mudilu manyunguluka Elisha” (2 Bakalenga 6:16–17).
Tudi mua kuikala anyi katuyi bikala ne matempu a mvita a mudilu matuma bua kumusha bowa buetu ne kutshimuna bubi, kadi dilongesha nditokeshibua. Mukalenga udi netu, utuelela meji, ne utubenesha mu mushindu udiyi muakuenza.
Tetu mua kuteka ditaba dietu mu Mukalenga ne mu njila yenda, ne tetu badiambika mu mudimu wenda katuakutshina muenenu wa bu kua panu anyu kabuakutuzakeja. Mukalenga udi udi utukuba, utulama, ne muimana ku luseka luetu.
© 2022 by Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, July 2022. Tshiluba. 18298 760