“Fear Not, the Lord Is with You,” For the Strength of Youth, July 2022.
ຂ່າວສານປະຈໍາເດືອນ For the Strength of Youth, ເດືອນກໍລະກົດ 2022
ຢ່າສູ່ຢ້ານ—ພຣະຜູ້ເປັນເຈົ້າຢູ່ກັບເຈົ້າ
ຄວາມຢ້ານກົວບໍ່ໄດ້ເປັນເລື່ອງໃໝ່. ນັບຕັ້ງແຕ່ສະໄໝບູຮານ, ຄວາມຢ້ານກົວໄດ້ຈຳກັດ ທັດສະນະ ຂອງລູກໆຂອງພຣະເຈົ້າ. ໃນ 2 ກະສັດ, ກະສັດຂອງຊີເຣຍໄດ້ສົ່ງ ກອງທັບໃຫຍ່ ເພື່ອໄປຈັບ ແລະ ຂ້າສາດສະດາເອລີຊາ.
“ມື້ຕໍ່ມາ ຄົນຮັບໃຊ້ຂອງ [ເອລີຊາ] ໄດ້ລຸກຂຶ້ນແຕ່ເຊົ້າໆ ແລະ ອອກໄປທາງນອກເຮືອນ, ລາວຈຶ່ງເຫັນກຳລັງທະຫານຂອງຊີເຣຍ ພ້ອມດ້ວຍຝູງມ້າ ແລະ ລົດຮົບອ້ອມເມືອງຢູ່. ຄົນຮັບໃຊ້ [ຂອງເອລີຊາ] ຮ້ອງຂຶ້ນວ່າ, ທ່ານເອີຍ ຕາຍແລ້ວບັດນີ້ ພວກເຮົາຈະເຮັດຢ່າງໃດ?” (2 ກະສັດ 6:15).
ນັ້ນແມ່ນຄຳເວົ້າທີ່ຢ້ານກົວ.
“[ເອລີຊາ] ຕອບວ່າ, ບໍ່ຕ້ອງຢ້ານ: ຝ່າຍຂອງພວກເຮົາມີຫລາຍກວ່າຝ່າຍຂອງພວກເຂົາ.
“ເອລີຊາກໍອະທິຖານວ່າ, ‘ຂ້າແດ່ພຣະຜູ້ເປັນເຈົ້າ ຂໍພຣະອົງເປີດຕາຄົນຮັບໃຊ້ຂອງຂ້ານ້ອຍຄົນນີ້ໃຫ້ເຫັນກຳລັງຝ່າຍເຮົາແດ່ທ້ອນ. ພຣະຜູ້ເປັນເຈົ້າໄດ້ເປີດຕາຄົນຮັບໃຊ້ຂອງເພິ່ນ; ເມື່ອຄົນຮັບໃຊ້ຂອງເພິ່ນຫລຽວຂຶ້ນໄປທີ່ເທິງພູ ລາວກໍເຫັນຝູງມ້າ ແລະ ລົດຮົບເປັນໄຟຢູ່ອ້ອມລ້ອມເອລີຊາ” (2 ກະສັດ 6:16–17).
ເຮົາອາດມີ ຫລື ບໍ່ມີລົດຮົບທີ່ເປັນໄຟຖືກສົ່ງມາ ກຳຈັດ ຄວາມຢ້ານກົວຂອງເຮົາ ແລະ ເອົາຊະນະມານຂອງເຮົາ, ແຕ່ບົດຮຽນກໍແຈ່ມແຈ້ງດີ. ພຣະຜູ້ເປັນເຈົ້າຢູ່ນຳເຮົາ, ເປັນຫ່ວງເຮົາ, ແລະ ໃຫ້ພອນເຮົາໃນວິທີທາງທີ່ພຽງແຕ່ພຣະອົງເທົ່ານັ້ນທີ່ສາມາດເຮັດໄດ້.
ຖ້າຫາກເຮົາໄວ້ວາງໃຈໃນພຣະຜູ້ເປັນເຈົ້າ ແລະ ໃນວິທີທາງຂອງພຣະອົງແທ້ໆ, ຖ້າຫາກເຮົາມີພາກສ່ວນໃນວຽກງານຂອງພຣະອົງ, ເຮົາຈະບໍ່ຢ້ານຄວາມຄິດຂອງໂລກ ຫລື ເປັນທຸກເພາະສິ່ງເຫລົ່ານັ້ນ. ພຣະຜູ້ເປັນເຈົ້າຄຸ້ມຄອງເຮົາຢູ່, ຫ່ວງໃຍເຮົາ, ແລະ ຢືນຢູ່ຄຽງຂ້າງເຮົາ.
© 2022 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, July 2022. Laotian. 18298 331