“Laet We I Saenem Rod blong Yumi,” Blong Ol Yut Oli Kam Strong, Ogis, 2022.
Blong Ol Yut Oli Kam Strong, Mesej blong Evri Manis, Ogis 2022
Laet We I Saenem Rod blong Yumi
Wan fasin blo ol man Isrel i save tijim yumi olsem wanem Lod i lidim yumi.
Ol Tru Samting
Long OlTesteman taem, ol man oli yusum hariken laet blong givim laet long olgeta long tudak. Kolosap evri laet ia i gat tri simpol wei:
-
Wan kle bol blong holem oliv oel, we i smol inaf blong holem long han blong wan man
-
Wan rop wik blong laetem afta we i draon long oel
-
Wan maot o smol hol we i holem wik
Ol simpol hariken laet we i yusum wan wik bae i givim laet raon long sam man nomo. Sapos oli yusum taem oli wokabaot raon, bae i save givim inaf laet blong luk wan step long fored blong yu, blong yu save wokabaot raon sloslo long tudak.
Wanem Nao Yumi Save Lanem
Oli kasem raet. Lead, Kindly Light, i kam long Simon Dewey I kam long altusfineart.com © 2022.
Tok blong Lod i save saenem rod blong yumi long tudak mo ol tingting we i fasfas we i raonem yumi long wol.
Lod i askem yumi blong no kavremap laet blong yumi be blong karem laet blong gospel wetem yumi blong ol narawan oli save luk (luk long Matiu 5:14–16).
Hem i stap long yumi blong mekem sua se laet blong yumi i fulap wetem oel (luk long Matiu 25:1–13). Yumi mekem hemia tru long prea, skripja stadi, seves, folem profet, mo ol nara aksen blong fet mo divosen (luk long Spencer W. Kimball, Fet i i lid i go long merikel [1972], 256).
Sapos yumi eksasaesem fet, samtaem Lod i givim laet long rod blong yumi we i inaf blong yumi tekem wan moa step (luk long Boyd K. Packer, “The Candle of the Lord,” Ensign, Jan. 1983, 54).
© 2022 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem translesen: 6/19. Translesen blong Monthly For the Strength of Youth Message, August 2022. Bislama. 18316 852