Fanilon’ny tongotsika

Afaka mampianatra antsika ny zavatra iray fampiasan’i Isiraelita fahiny.

Fampahalalana amin’ny ankapobeny

Tamin’ny vanim-potoan’ny Testamenta Taloha ny olona dia nampiasa fanala solitany entin’izy ireo ao anatin’ny haizina. Ny ankabeazan’ireny fanala ireny dia nanana endrika fototra telo:

Tavy vita amin’ny tanimanga asiana ny solitany; izay matetika no kelikely onina felatanan’olona
Lahiny vita amin’ny tadin-drogony arehitra rehefa vonton’ilay solitany
Fantsona kely mihazona ilay lahiny

Ny fanala solitany tsotra izay misy lahiny iray monja dia manely hazavana eo amin’ny iray metatra eo ho eo amin’ny manodidina azy. Raha entina mandehandeha dia manome hazavana ahitana izay diavin’ny tongotrao eo anoloanao monja mba handehananao amim-pitandremana ao anatin’ny haizina.

Inona no azontsika ianarana

Ny tenin’ny Tompo dia afaka manazava ny lalantsika manavatsava ny haizina sy ny fisafotofotoana izay miodidina antsika eo amin’izao tontolo izao.

Nasain’ny Tompo isika tsy hanarona ny fahazavantsika fa hitondra ny fahazavan’ny filazantsara miaraka amintsika mba hahitan’ny hafa izany (jereo ny Matio 5:14–16).

Miankina amintsika ny maka antoka fa feno solitany ny fanalantsika (jereo ny Matio 25:1–13). Ataontsika izany amin’ny alalan’ny vavaka, fandalinana soratra masina, asa fanompoana, fanarahana ny mpaminany ary ireo asa feno finoana sy fanoloran-tena hafa (jereo ny Spencer W. Kimball, Faith Precedes the Miracle [Ny finoana dia mialoha ny fahagagana] [1972], 256).

Raha mampihatra finoana isika, dia hanazava ny lalantsika ny Tompo indraindray ka ampy izany ho antsika mba hanaovana dingana iray fanampiny (jereo ny Boyd K. Packer, “The Candle of the Lord,” Ensign, Jan. 1983, 54).

© 2022 an’ny Intellectual Reserve, Inc. All rights reserved. Natonta tany Etazonia. Fankatoavana ny tamin’ny teny anglisy: 6/19. Fankatoavana ny fandikana: 6/19. Fandikana ny Monthly For the Strength of Youth Message, August 2022. Malagasy. 18316 654