Mulwol ningan thapeg ni Fan ko Gelngin e Pi’in ni Fal’yangren, August 2022

Ba Magal ni Kanib Ntay nga Rifrifen Aydad

Ban’en ni yima fanay ko ngiyal’ ni’i moy fapi Israelites e rayag ni nge fil ngodad rogon nima powi’iydad Somoel.

Tin ni Riyul’

Ngiyal’ e bin kakrom e m’ag, e ma fanay e gidii’ e magal ni gepgep ni ngar guyed rama’en u fithik e lumor. Oran e pi magal ney e bay dalip yang riy:

1. Gin nib lulubuy nib klay nima par e gepgep riy; nrayag nra taw ngalan pa’ay

2. Mad ni wik nra yik napan nra fukuy e gepgep

3. Bay e pithngun nima kol farengi wick.

Mit ney e magal ni rib achig nta’areb e wick riy e dani ga’ rama’en. Fa’anra yibe fanay ni ngan guy ra’en ni yibe yaen, ma karimus ni ta’areb e rifrif rom e rayag ni gara guy u fithik e lumor.

N’en Nrayag ni Ngad Filed Riy

”Thin rom e ba magal ni be pow’iyeg, ma tamilang ko kanawo’ rog.”

Psalm 119:105

Kan pi’ matwon ni ngan fanay. Powi’iy, Tamilang, yib rok’ Simon Dewey. Courtesy of altusfineart.com © 2022.

Thin rok’ Somoel e rayag nra gal’ rama’en e kanawo’ rodad u fithik’ e lumor nge ngiyal’ nibe balyangan’uy ko tin nu fayleng ban’en.

Somoel e ke yoeg ngodad ni dabda upnguyed e tamilang rodad ma ngad feked rama’en e tamilang ko gospel nge un ngodad ni ngeyag ni nge guy e gidii’ (mu guy ko Matthew 5:14–16).

Gadad e milfan ngodad ni gad suguyed e magal rodad ko gepgep (mu guy ko Matthew 25:1–13). Gadad ma rrin’ e biney u fithik’ e meybil, fil e chep nib thothup, pigpig, lek e profet, nge ku boch e gam’ing ko mich nge yalen (mu guy ko Spencer W. Kimball, Faith Precedes the Miracle [1972], 256).

Fa’an gadadra mithmith nag e mich, ma bay bochingiyal’ nra tamilang nag Somoel kanawo’endad (mu guy ko Boyd K. Packer, “The Candle of the Lord,” Ensign, Jan. 1983, 54).

© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Fan ko Gelngin e Pi’in ni Fal’ Yangren, August 2022. Yapese. 18316 905