“Mang e Mo’olung ko Tabinaew?” Liahona, Aug. 2022.
Milwol ni Ngan Thapeg ko biney e Pul nifan e Liahona, August 2022
Mang e Mo’olung ko Tabinaew?
Mo’olung ko tabinaew e bangiyal’ nima mukun gidii’en fare tabinaew riy nga ta’abang. Napan e ngiyal’ ney, ma rayag ni ngam “fil mornga’agen e gospel, gelnag e mich, gelnag e tha’ u ta’abang, min falfalaen’ u ta’abang” (General Handbook: Pigpig Ulan e Galasia ku Yesus Kristus ni Fan ko Gidiiʼen Got ko Tin Tomur e Rran, 2.2.4, ChurchofJesusChrist.org). Mo’olung ko tabinaew ab thilthil rogon ko tabinaew ku be’ ngak be’. Machane n’en nib tu’uf ningan rrin’ ko ngiyal’ ney e nge fek gathon fare tabinaew nga ta’abang me chuchugur nigey ngak fare Tathapeg.
Fal’eg Rogoy
Mu lemnag reb e gosgos ni ba’adag gathon e tabinaew rom nge bang ko mornga’angen e gospel ni gaba’adag ni ngam weliy min fil mornga’agen u ta’abang. Ma ngkum, mel’eg reb e rran nge bangiyal’ ulan reb e wik nrayag ni ngam mukungad gathon e tabinaew nga ta’abang. Galasia e ke yoeg ngak gidii’en e tabinaew ni ngan tay e biney e mo’olung ko Monday ni balayal’. Machane gathon e tabinaew e rayag ni ngar mo’olungdad ko ngiyal nrayag rorad.
Meybil
Oran gathon e tabinaew e yad ma tabab ko meybil ma kiyad ning fare mo’olung ko meybil. Biney e ma pining fare Kan ni Thothup ngalan e tabinaew rorad. Mo’olung ko tabinaew e ba ngiyal’ nima yib e bitir nge galibthir riy nga ta’abang ni ngar filed rogon e meybil ulan e ulung nib achichig.
Musik
Oran e tabinaew e yad ma tabab ko tang ma kiyad ma tang ko tomuren fare mo’olung. Baga’ ni yad ma mel’eg reb e tang ulan fare hymnbook fa tang ko Primary. Bay e piano recording ko tingin e tang ko Galasia ko music.ChurchofJesusChrist.org. Krayag ni ngam yaliy ya’an e video ko fare Tabernacle Choir u Temple Square. Yin’ tingin e tang ko mo’olung ko tabinaew e rayag ni nge ayuweg gidii’en fare tabinaew ngar filed e tang nibay ulan fare hymn ni yima yon’ u galasia.
Mulwol
Bo’or mam’ang’en’ e galasia nrayag nra pii’ e ayuw ko mo’olung ko tabinaew. Sana, gamed ra bi’eg nge weliy mornga’agen e mulwol ko fare Liahona, fare Pi Tafagar, fa Fan ko Gelngin e Pi’in ni Fal’yangren. Irreray e ngiyal’ ni ngan guy min weliy ya’an fapi video ko Galasia. Fa krayag ni ngam be’eg reb e tok ko general confrence, be’eg e chep nib thothup, fa ni weliy e n’en nibe buch ualn fare Come, Follow Me.
Sassing ni ya’an bugi bitir ni yaed be ngongliy e cookie ni yib rok’ Michelle Loynes
Un Gathon e Tabinaew Ngay
Bitir e rayag ni ngar uned ko tin ni yibe rrin’ ulan fare mo’olung ko tabinaew. Rayag ni ngar ayliyed mornga’agen e gosgos, meybil, fa ra mel’eged e tang. Krayag ni ngar michib niged fapi lesson. U mm’on ko fare mo’oulung ko tabinaew, rayag ni ngam ayuweg reb e bitir rom ni nge be’eg reb fapi chep nibay ulan fare babyor ko Pi Tafagar fa reb e scriptures ni yad ba’adag. Fare tir e rayag ni nge weliy mornga’agen fare yat ngak e tabinaew ni’ir fare mulwol ni ngan fil mornga’agen. Oran e bitir e baba’adag ni yad ma yaen u ya’an e yat ko fapi scriptures nifan e mo’olung ko tabinaew. Mpag e bitir nib ilal ni ngar ayiliyed miyad mel’eg fare lesson fa ra mel’eged reb e tok ko general conference ni yad ba’adag ni ngar be’egned. Maga pag raed ni yaed e ngar gagiyeg niged e tin ni ngan weliy.
Pi Gosgos
Bo’or e tabinaew ni yaed ba’adag ni yaed ma rrin’ e gosgos ni kabang ko fare mo’olung ko tabinaew. Gogos nrayag ni ngan rrin’ ulan e nu’un e woed e gosgos ko kat, fa ni ngongliy e kraft, fa nlum u ta’abang.
Gosgos nrayag ni ngan rrin’ u wean e woed e wok, fa ni yaen ko hike, fa nrrin’ reb e gosgos u wean u ta’abang. Gay reb e gosgos ni gubin gathon e tabinaew mrayag ni nge un ngay, ni gubin e gidii’ me falfalaen’ u ta’abang. Ni gay rogon ni ngan palog nigey ko ngongol nrayag nra tuluf e Thothup nga orel.
Pigpig
Mo’olung ko tabinaew e ngiyal’ ni rib fel ni nge pigpig gathon fare tabinaew ngak e gidii’. Rayag ni ngam ayuweg e gidii’ ulane binaew rom nike pilubthir, pii’ e ayuw ko ggin nima par e gidii’ riy ndariy e nu’un roraed, yoel ko missionaries, fa fengfeng e dow, tiney e boech kanawo’en nrayag ni ngam rrin’:
© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg thin ko Milwol ni Ngan Thapeg ko biney e Pul nifan e Liahona, August 2022. Yapese. 18316 905.