“Sang Kaweidpen Soukohp en Rahnpwukat,” Liahona, Sept. 2022.
Padahk en Sounpwung kan en Liahona Septempe 2022
Sang Kaweidpen Soukohp en Rahnpwukat
Soukohp iei ohl akan me kin idihda sang Samatail Nanleng pwe ren kin wia Sapwellime mahsen. Irail kin kadehde Sises Krais oh padahngki duwen Sapwellime rongamwahuo. Towehkan en mwomwohdiso en Sises Krais en Souleng en Imwin-rahn akan kin kamehlele koaros soukohp en mahs ko oh mehn rahn pwukat.
Soukohp kan kin koasoaia duwen sapwellimen Koht mahsen.
Soukohp kan kin alehdi kaudiahl sang rehn Koht. Ni ahnsou me soukohp akan kin ahniki pepehm me irail anahne padahk ong kitail, duwehte Koht ah kin ketin mahsen ong kitail (kilang Doctrine and Covenants 1:38). Kitail kak koapwoaroapwoariki me irail padpadahkieng kitail dahme Koht ketin kupwurki kitail en wia.
Mormon oaralapehdi pleit ko, sang Tom Lovell
Soukohp kan Padahngki Duwen Sises Krais
Soukohp koaros kin kadehde Sises Krais. Irail padahkieng kitail me Ih iei Sapwellimen Koht. Irail kin padahkieng kitail duwen Ah mour, Sapwellime karasaras kan, oh pwoulahu. Oh re kin padahkieng kitail duwen atail pahn kin idawehn ih oh kapwaiada Sapwellime kosonned akan.
Pwukoah kan en Soukohp
Soukohp kin padahngki duwen rongamwahu en Sises Krais. Re kawehwe kapaikan me kitail kin ale ma kitail kin peikieng kosonned akan oh kalokepeh kan ma kitail sohte kapwaiada. Ekei pak, re pahn kak padahkieng kitail soahng kan me pahn wiawi.
Moses oh Pelien Takai ko, sang Jerry Harston
Soukohp en mahs ko
Koht kin ketin padahkohng aramas sang Soukohp akan sangete ni tapio. Soukohp akan me mihmi nan Kadehde mering iei Adam, Noha, Eipraam, Moses, Aiseia, oh mehtei kan. Pil mie soukohp nan Pwuhk en Mormon Soukohp pwukat me pil iei Lehi, Mosaia, Alma, oh Moronai. KItail kak esehla dahme re padahngki sang ni atail pahn wadek iren pwuhk sarawi kan.
Soukohp en Rahn Pwukat
Sosep Smid me wia tepin soukohp en rahn pwukat. E kapwurehdo Mwomwohdiso en Sises Krais pohn sampah. Russell M. Nelson iei soukohp oh presiden en mwomwohdisoht rahn wet. Nah tohn pwihn en keiuhn presidensi oh Ehk Riemen o pil wia soukohp kei, ohl sarawi, oh soun kihla kaudiahl.
Karonge Soukohp Akan
Soukohp kin koasoaieng kitail nan tiepene lap oh pil ekei ahnsou kan. E kin padahkieng kitail dahme Koht kin ketin mwahuki kitail en ese oh mwomwen atail pahn iadawehn Sises Krais rahn pwukat. Kitail kak kilangada sapwelime padahngkan nanLiahona oh pil ChurchofJesusChrist.org.
Kapai kan ni ahmw pahn kin Idawehn Soukohp
KItail pahn kin kapaida ma kitail pahn kin idawehn sapwellimen soukohp padahk kan. Ma kitail pahn kin idawehn soukohp kitail pahn kin ese dahme Koht kin ketin mwahuki kitail en wia. Kitail kak kehn meleilei nan atail mour oh pil karaniala Sises Krais.
© 2022 sang Intellectual Reserve, Inc. Kolokol pwuhng koaros Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Kawehwehpen Padahk en Sounpwung kan en Liahona, Septempe 2022. Mahsen en Pohnpei. 18299 885