“Ithute ka ga Jeso Keresete le go Amogela Thata ya Gagwe,” Go Nonofo ya Banana, Lwetse. 2022.
Molaetsa wa Go Nonofo Ya Banana wa Kgwedi le kgwedi, Lwetse 2022
Ithute ka ga Jeso Keresete le go Amogela Thata ya Gagwe.
Go tswa April 2017 general conference address
Ke rata go abelana ka fa re ka amogelang thata ya Morena le Mong wa rona, Jeso Keresete mo matshelong a rona ka teng.
Re simolola ka go ithuta ka ga Ene.1 “Go retetse gore [re] bolokwe mo botlhokakitsong” (Dithuto le Dikgolagano 131:6). Fa re tlhaloganya thata dithuto tsa Mmoloki le se A se re diretseng, re ka itse go feta gore O ka neela thata e re e tlhokang mo matshelong a rona.
Jaaka Baitshepi ba Malatsi a Bofelo, re kaya thomo ya Gagwe jaaka Tetlanyo ya ga Jeso Keresete, e e dirileng tsogo boammaaruri mo go botlhe le go dira kgonagalo ya botshelo jo bosakhutleng mo go bao ba ba ikwatlhaelang dibe tsa bone le go amogela le go tshegetsa ditao tsa semowa tse di botlhokwa le dikgolagano.
Ka fa tlase ga togamaano ya bosakhutleng e kgolo ya ga Rara, ke Mmoloki yo o bogileng. Ke Mmoloki yo o kgaotseng dikgole tsa loso. Ke Mmoloki yo o lefileng tlhwatlhwa ya dibe tsa rona le ditlolo mme a di itshwarela mo diemong tsa boikotlhao. Ke Mmoloki yo o re golotseng mo losong la nama le la semowa.
Mafoko a Boitshepo jaaka Tetlanyo le Tsogo di kaya se Mmoloki a se dirileng, go yeng ka togamaano ya ga Rara, gore re ka tshela ka tsholofelo mo botshelong jo le go amogela botshelo jo bosakhutleng mo lefatsheng le le tlang.
© 2022 ka Intellectual Reserve, Inc. All rights reserved. Printed in USA. Tetla ya Sekgoa: 6/19. Tetla ya thanolo: 6/19. Thanolo ya Molaetsa Go Nonofo ya Banana ya kgwedi le kgwedi, Lwetse 2022. Setswana. 18316 763