“Na Cava e Vakavulica vei Au na iVola i Aisea me baleti Jisu Karisito?,” Liaona, Sepi. 2022.
Lako Mai, Mo Muri Au
Na cava era vakavulica vei au na iVola i Aisea me baleti Jisu Karisito?
Volai rauta ni 2,700 na yabaki sa oti, na vosa nei Aisea e rawa ni veivakadrukai se veilecayaki vei keda. Ia, na wiliwili mai na ivola i Aisea e dua na sala vinaka duadua eda rawa ni vulica vakalevu cake kina na veika baleti Jisu Karisito. A cavuta o Nifai na Aisea me rawa kina vua me “cikevi [ira na Nifai] me ra vakabauta na Turaga na nodra Dauveivueti” (1 Nifai 19:23). Mo kila vakavinaka cake na Aisea, tovolea mo vakanamata ki na nomu vuli ena ivakavuvuli nei Aisea me baleta na iVakabula.
Vakaraica na isaunitaro ki na veitaro oqo ni o vulica na veiwase oqo:
-
E matataki Jisu Karisito vakacava o Ilaiakimi? Raica na Aisea 22:20–25.)
-
Na cava ena cakava vei keda na Karisito ena Tucaketale? (Raica na Aisea 25:8.)
-
E vakavulici ira vakacava na Nona tamata na Karisito? (Raica na Aisea 28:10.)
-
E vakamacalataka vakacava o Aisea na Vakalesuimai ni kosipeli i Jisu Karisito ena gauna oqo? (Raica na Aisea 29:14.)
-
Ena vakacava beka ni sa lako tale mai na Karisito? (Raica Aisea 35:10.)
“E dau tukuna wasoma o Aisea na nona veivakayarayarataki, ka veivakacegui na Turaga. … Na Yalona e veivakabulai; e veivakasavasavataki; e veivakacegui; e solia na bula vou ki na yaluma ni yaloda. E tiko kina na kaukauwa me veisautaka na veika kece e rairai sabalia ka voravora ka sega na yaga ena bula ki na dua na ka e totoka ka lagilagi. Sa tu Vua na kaukauwa me veisautaka na dravusa ni bula oqo ki na totoka ni veigauna tawamudu” (Tad R. Callister, The Infinite Atonement [2000], 206–7).