Bulanan nga Mensahe sa Liahona, Nobyembre 2022
Pagbulig sa mga Imol kag Nalisdan
Mga Bahin
Madamo nga pag-alagad para sa tawhanon nga bulig kag ikaayo sang aton mga isigkatawo ang ginatudlo kag ginahikot sang Ang Simbahan ni Jesucristo sang mga Santos sa Ulihing mga Adlaw kag naton bilang iya sini mga miyembro. Halimbawa, nagapuasa kita kada una [nga Domingo] sang tagsa ka bulan kag nagaamot sa pinakanubo, sang katumbas sang wala nakaon nga kalan-on agud buligan ang mga nagakinahanglan sa aton mga kongregasyon. Ang Simbahan nagahatag man sang dalagku nga mga amot para sa tawhanon kag iban pa nga mga serbisyo sa bilog nga kalibutan.
Sa pihak sang tanan nga direkta nga ginahimo sang aton Simbahan, kalabanan sang serbisyo sa tawhanon nga bulig sa mga anak sang Dios sa bilog nga kalibutan ginapatuman sang mga tawo kag mga organisasyon nga wala sing pormal nga kaangtanan sa aton Simbahan. …
Ang Simbahan ni Jesucristo sang mga Santos sa Ulihing mga Adlaw komitido sa pag-alagad sa mga nagakinahanglan, kag komitido man ini sa pagkooperar sa iban sa sinang buluhaton. …
Ang moderno nga rebelasyon nagatudlo nga ang aton Manluluwas, si Jesucristo, amo “ang matuod nga kasanag nga nagapasanag sa tagsa ka tawo nga nagakari sa kalibutan.” [Doktrina kag mga Kasugtanan 93:2]. Paagi sini, ang tanan nga anak sang Dios ginapasanagan sa pag-alagad sa Iya kag sa tagsa-tagsa sa pinakamaayo nga ila nahibal-an kag masarangan. …
… Mas madamo dapat sa aton ang nagakilala sang kaayohan nga nahimo sang iban kag nagasakdag sini kon may tiempo kita ukon ikasarang sa paghimo sini. …
Nagapamatuod ako kay Jesucristo, nga ang kasanag kag Espiritu nagagiya sa tanan nga mga anak sang Dios sa pagbulig sang mga imol kag nalisdan sa bilog nga kalibutan.
© 2022 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Liahona Message, November 2022. Language. 18300 861